Litemi Batɛne 1:27 - Katɔti Ɔku Kedee

²⁷ Nsu Manase kɔdua bekyuli bátabɔku bekyuli bani nlie Bet-San ku Taanak ku Dor ku Yibleam ku Megido ku akpaklɔ ani nkya nde lɛma lɛmmɔ, ɔsika mmɔ geen na Kanaanƒuɔ báyɔ ka belie.

Litemi Batɛne 1:27 ပူးပေါင်းရင်းမြစ်များ

Baga 1 9:21

Na bekyuli bamɛni kaba bebi bani na Israelƒuɔ bátabɔku bátalɛku mmɔ ni, bana lɛlɔ na Salomo únye úti-ma ɔ́bla nwuna kabla bablane úbalɛ ku ɔmwi.

Baga 2 23:29

Uwi ɔni Yosia ɔɔdi lɛga ni, Egyipteƒuɔ ɔga ɔ́kpanku nwuna bekpone na béténye Euƒrate Ketudɔ ka ubunku Asiriaƒuɔ ɔga kekpo. Na Ɔga Yosia ɔ́kya ɔkplu ka unye utile Egyipteƒuɔ bekpone bammɔ na Megido. Nsu úkpi na kekpo kammɔ kemmo.

Baga 2 9:27

Uwi ɔni Yudaƒuɔ Ɔga Ahasia ɔ́nu lɛla lɛni nálɛ mmɔ ni, úkeli ɔ́kɛ ulu ɔtɔdi na ɔ́tɔlɔ úsie Bet-Hegan. Na Yehu ɔ́bi ɔ́siaku-nwu na ɔɔva taasu momoomo ɔnini, “Bɛdu anwu lɛnɔ!” Na Ɔga Ahasia lɛlɔ lɛƒɔ alɛbi na nwuna ɔpɔnkɔ kɛɛkɛ kemmo na ulu lɛlɔ útédu Gur ɔni nde Yibleam. Nsu úkeli útédu Megido na útékpi mmɔ.

Israelƒuɔ Bɔlɛ 23:32

Na amii ku bekyuli bammɔ iye bana baƒiɔ ni, bitenyimi lɛla lɛdi bitete lɛlɔ.

Yeremia 48:10

“Mɔɔwia ka bɛdu Moabƒuɔ ƒui. Na si bɛ́ya na bana ɔdi úkeli ni, ndubo-mii buwida.

Lɛkpa Ulu 7:2

Unwoti ɔdubo-ma budie bute-mii na bɛbɔku-ma bɛlɛku kalɔ kammɔ lɛlɔ. Na mmɔ na ɔlɛka bɛyila-ma udu ƒui na bitanu ɔdi biala kɔnyana lɛnɔ. Amii ku-ma bitenyimi lɛla biala bitete lɛlɔ.

Yosua 21:25

Na Manase kaba kakɛ béte-ma lɛma inyɔ na ani ndi Taanak ku Gat-Rimon ku nina bebuo kadikɔ kɔlɔ.

Litemi Batɛne 1:1

Na Yosua kekpima ni, Israelƒuɔ béye Unwoti banini, “Bula akɔ ɔmani nka Kanaanƒuɔ butékpoku?”

Litemi Batɛne 1:21

Nsu Benyamin kɔdua bekyuli ama bátakana Yebusiƒuɔ bɔbɔku bɔlɛku Yerusalem mmɔ, anwuɔsu ama ku Benyamin kɔdua bekyuli bamu belie mmɔ úbedu ɔmwi kadi.

Litemi Batɛne 1:26

Ɔmmɔ kama ni, ɔnana ɔmmɔ ɔ́ta na útélie Hetiƒuɔ kudɔ na ɔ́da ɔma unengudi ɔdi, na ɔ́sia-nwu lɛnyi ɔnii Lus. Na Lus ɔma ɔmɛni ɔmu ɔkya úbedu ɔmwi kadi.

Litemi Batɛne 1:28

Uwi ɔni na Israelƒuɔ bábakɛ ɔyikun kaduɛ ni, bénye Kanaanƒuɔ lɛlɔ na baabla kabla teete-ma, nsu bátabɔku-ma bétedie kalɔ kammɔ kemmo ƒui.

Litemi Batɛne 5:19

“Na Taanak kalɔ lɛlɔ baga bébo na bébekpo na Megido Ketu kɔtu. Na Kanaan baga lɛnɔ békpo, nsu bátakana na beti sika ɔƒualadi ɔdi batɔlɔku.

Samuel 1 15:9

Saul ku nwuna bekpone béni na bátadu Ɔga Agag ku baƒonu ku ɔmantɛ bakɔ ku bana bebi bani na bánu ka bélie lɛmwi kaduɛ mmɔ ƒui ku ala bamba ani lɛnɔ na bánu ka adia-ma. Na akladi ani ƒui naaadia-ma ni, báyila-nya udu.

Samuel 1 31:10

Na béti nwuna kekpo adala bétése Astarot baƒiɔ kakpakɔ. Na ukyuli umodi ɔmmɔ ɔlati anwu béti-nwu bátáƒala Bet-San kowodu lɛlɔ.