Litemi Batɛne 1:2 - Katɔti Ɔku Kedee

² Amu na Unwoti ɔ́su-ma ɔnini, “Yuda kɔdua baka busie butékpoku-ma. Ɔsika líti kalɔ kammɔ lɛ́kya-ma enu kemmo.”

Litemi Batɛne 1:2 ပူးပေါင်းရင်းမြစ်များ

Bumomo Bɔka 2:3

Na ɔƒɛ katukɔ kakɛ ni, Yuda kaba bekyuli bada bana keliekɔ na balɛ bana likposela aƒlaga na mmɔ. Na bana ɔtɔnkune ndi Aminadab ubidi Nahason.

Bumomo Bɔka 7:12

Na ukyuli ɔni néti nwuna akpala úboku limeyi lideedi ndi Aminadab ubidi Nahason ɔni nási Yuda kaba kemmo.

Hebriƒuɔ 7:14

Ɔsika bɔgyi kede kede ka Yesu ni, Yuda kaba kemmo na báwɔ-nwu básiku. Na kaba kammɔ lɛlɔ ni, Mose útasu lɛla lɛdi útasiku bakpane lɛlɔ.

Yosua 2:24

Na básu-nwu banini, “Bɔɔƒɔ́ taadi ka Unwoti úti kalɔ kammɔ ƒui úte-bu. Ɔsika bekyuli bani ƒui nkya kalɔ kammɔ lɛlɔ ɔtɔtɔ úse kalɔ ɔɔgyú-ma ɔ́si abu ɔsu.”

Budie Taatina 5:5

Amu na benengu bammɔ akɔ unwi ɔ́su-mi ɔnini, “Sɔ tewulo. Nu! Yesu ɔni baalɔ banii Gyata ɔni nási Yuda kaba kemmo na ɔdi Dawid Kugyii Ugyiitu ni, ɔ́di lɛlɔ. Anwu námanku ka ɔƒɛnimi kɔma kɔni na béti bábala ekpo maatɛ ammɔ.”

Litemi Batɛne 1:3

Amu na Yuda kɔdua bekyuli bammɔ básu Simeon kɔdua bekyuli banini, “Bibo na bibebunku-bu na butékpoku Kanaanƒuɔ, na bɔƒɔ kalɔ kani béti béte-bu. Abu lɛnɔ bɔdubo na bubenku-mii, na bukpo bɔƒɔ kalɔ kani na béti béte-mii.” Anwuɔsu Simeon kɔdua bekyuli básiaku-ma.

Litemi Batɛne 20:18

Na Israelƒuɔ bésie Betel na bétéye básiku Unwoti kudɔ banii, “Kaba bekyuli bamani nka busie butákpoku Benyamin kɔdua bekyuli?” Amu na Unwoti údie kenye ɔnini, “Yuda kɔdua bekyuli baka busie.”

Litemi Batɛne 20:28

Na Aaron uwɔ Pinehas ɔni ndi Eleasar ubidi ndi ɔkpane. Na béye-nwu banii, “Bɔsɔ busie butékpoku bula banwa Benyaminƒuɔ, munuu butesie?” Amu na Unwoti údie kenye ɔnini, “Biteesie kɔnaadi na ndubo-ma buti bɔkya bina enu kemmo.”