Litemi Batɛne 1:19 - Katɔti Ɔku Kedee

¹⁹ Na Unwoti únye ku Yuda kɔdua bekyuli na békpo béti kɔlɔ kɔni nkya abi lɛlɔ mmɔ. Nsu bátakana na babɔku bekyuli bani nlie ɔkwalɛ ɔmmɔ kemmo, ɔsika bebo bapɔnkɔ kɛɛkɛ ɔni ndi abuala sɔɔn.

Litemi Batɛne 1:19 ပူးပေါင်းရင်းမြစ်များ

Ala Kalɔ Buse 39:2

Ɔƒɛni Yoseƒ ɔmɛni ni, ɔdi ukyuli ɔni na Unwoti Katɔti uliku-nwu kaduɛ. Na nwuna ablala ƒui álɛ-nwu kɔsia geen na nwuna Egyipteni ɔtɔlati ɔmmɔ kesii kani na ɔkya mmɔ.

Ala Kalɔ Buse 39:21

Unwoti Katɔti ɔsiaku Yoseƒ geen na ɔ́bla-nwu lɛƒɔndia ɔni na nwuna lɛlɔ lɛ́da ɔgyumanane unengu ɔmmɔ kubiti.

Samuel 2 5:10

Na ka Unwoti Katɔti Ɔyikune Ƒui ɔsiaku-nwu ɔsu ni, nwuna ɔyikun ɔ́sɔ úsie anumi kaduɛ.

Baga 2 18:7

Anwuɔsu na Unwoti úlieku-nwu. Na lɛla biala na ɔ́bla ni, lɛ́tɛ líte-nwu. Na limeyi lɛdi ni, ɔ́ta unye Asiriaƒuɔ ɔga lɛlɔ na úni ka ɔkya-nwu kalɔ.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Kɔgya 46:7

Unwoti Katɔti Ɔyikune Ƒui ɔsiaku-bu. Anwu ɔni na bula Nana Yakob ɔ́kpa ndi bula katamikukɔ.

Kɔgya 46:9

Ɔɔyá na kekpo biala kenye kaayɔ́ na kayawi kesii biala. Na ɔɔƒɛ kɔtaminta kɔmmɔ ku atula ƒui na ɔɔkyula ala ani ƒui na beeti teesienku kekpokɔ taatágyumana lɛlɔ.

Kɔgya 60:12

Na ɔkɛnku Katɔti lɛlɔ ni, bɔdubɔdi lɛlɔ. Ɔsika anwu ndubɔnya bula bekisine ususu kalɔ.

Etemila 9:11

Lɛ́nu lɛla bamba lɛnɔ lɛ́ti na kayawi. Ɔɔɔdi bekyuli bani ngyi usi bukeli kaduɛ kani muukeli taadi lɛlɔ. Na ɔɔɔdi bekpone bani ngyi kekpo lɛlɔ ala kani muukpó taadi lɛlɔ. Lɛni kani na ɔɔɔdi banundane kani mɔɔkɛ́ adila abuni taadi. Na ɔɔɔdi bani kasusu kemmo nse nwaa kani muunwíni balakɛne iye bani ngyi bana kabla kadi lɛlɔ ala mɔɔƒɔ́ lɛnyi. Mmomu uwi ku lilidia kuƒi kubunku.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Yesaia 8:10

Bisie kelisa na bɛkya bina kekpo kɔkwɛ ƒui, na bɛtaa kasiakɔ biala bite lɛlɔ, nsu ɔmmɔ ƒui ɔdubɔbla keeke, ɔsika Unwoti Katɔti ulieku-bu.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Ƒilipiƒuɔ 4:13

Mɔɔkana na mɔɔbla lɛla biala ɔkɛnku Kristo ɔyikun ɔni na úte-mi ɔsu.

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 1:9

Nyimo ka lɛ́su-ɔ ka nye kpakplaa na ese kayi. Na taya na liƒu lɛdi lɛda-a iye enu aƒɛ-ɔ. Ɔsika ami ɔni ndi ƒula Unwoti Katɔti nlieku-ɔ uwi biala kemmo.”

Yosua 14:12

Anwuɔsu ti kalɔ ku lɛma lɛni nwi abi lɛlɔ te-mi aani kalɛ na Unwoti úse kenye úte-mi limeyi lɛni na ami ku mina bekyuli búnwini búbeduo mmɔ. Ɔsika limeyi lɛmmɔ ni, énye mmɔ na énu kalɛ na básu kalɛ na bekyuli kangyaa bani nli mmɔ bese ku kalɛ bátu bana awodu bonwu báka bamana lɛma lɛmmɔ. Nsu lɛ́ƒɔ lɛ́di ka Unwoti ɔdubunyeku-mi na lɛbɔku-ma na bekeli balɛ aani kalɛ na use kenye úse.”

Yosua 6:27

Na ala ani nálɛ mɛni kemmo ƒui ni, Unwoti ulieku Yosua na ɔ́ya na nwuna lɛnyi lɛ́ƒɔ kuye, nwuna lɛnyi lígyingya líyile kalɔ kammɔ ƒui.

Yosua 7:12

Ɔmɛni ɔsu na Israelƒuɔ bátakana bunye bɔsiaku bana bekisine na bukeli mmomu na bekeli-ma. Ɔsika ala ani udu na ɔlɛka bɛyila ni, bíti-nya bɛkya lɛlɔ. Ɔmɛni ɔsu na ɔ́lɛku-mii lɛni. Na nsɔ lɛɛɛdubo bukpo bute-mii lɛnɔ wetédu uwi ɔni na bɛyila lɛla biala lɛni na lɛ́su-mii.”

Litemi Batɛne 1:2

Amu na Unwoti ɔ́su-ma ɔnini, “Yuda kɔdua baka busie butékpoku-ma. Ɔsika líti kalɔ kammɔ lɛ́kya-ma enu kemmo.”

Litemi Batɛne 4:13

Sisera úti nwuna kɔbwɛlɛmii bapɔnkɔ kɛɛkɛ eti leevu-maane ku banana bammɔ ƒui ɔ́siku Haroset-Hagoyim úsienku Kison Ketu.

Litemi Batɛne 4:3

Yabin ubo bapɔnkɔ kɛɛkɛ eti leevu-maane (900) lɛni ndi abuala sɔɔn. Na ɔ́kɛ ɔyikun na ɔ́bla Israelƒuɔ likyulikpi ala akwa aavlanyɔ sɔɔn. Ɔkɛnku ɔmmɔ ɔsu ni, Israelƒuɔ béwulo bákpali Unwoti ka ubebunku-ma.

Samuel 1 18:12

Saul úbo ɔɔyia Dawid geen, ɔsika ɔ́nu ɔ́ti nwaa ka Unwoti ɔsiaku Dawid geen. Nsu anwu Saul ni, Unwoti údie-nwu atu.

Samuel 1 18:14

Na lɛla biala na Dawid wabla ni, lɛɛtɛ teete-nwu, ɔsika Unwoti ɔsiaku-nwu geen.

Samuel 1 18:5

Na lɛla biala na Saul úbo Dawid ɔda ka ɔbla ni, ɔɔbla-ni kaduɛ. Ɔmmɔ ɔsu Saul úti Dawid ɔ́bla bekpone batɔnkune akɔ unwi ɔni na ubo kenyekɔ geen na bekpone bammɔ akɔ. Na lɛla lɛmɛni lɛ́da bekyuli bammɔ ƒui kubiti ku Saul bekpone batɔnkune bammɔ muedi.