Litemi Batɛne 1:16 - Katɔti Ɔku Kedee

¹⁶ Amu na Mose ɔgyanti kaba bekyuli bani ndi Keniƒuɔ ku Yudaƒuɔ banana náta bási kesii kani baalɔ banii ebo ɔma unengudi na Yeriko, na bésie bétélieku bekyuli bani nli Yuda kalɔ kakwiidi kemmo akɔ na kesii kani nde Arad ɔma.

Litemi Batɛne 1:16 ပူးပေါင်းရင်းမြစ်များ

Ala Alɛdi 1 2:15

Na Osem ndi ɔkundi, na Dawid ndi maatɛdi.

Ala Alɛdi 1 2:55

ku lɛku benwenine kaba kani nli Yabes. Na ama ndi Tiraƒuɔ ku Simeaƒuɔ ku Sukaƒuɔ. Na ama nási Hamat bébo na badi Rekab ɔtɔ kemmo bekyuli.

Ala Alɛdi 2 28:16

Amu na uwi ɔdi kama ni, Edomƒuɔ básɔ bésie bétékpo Yuda lɛma lɛni nkya katɔ kakɛ na béƒie bekyuli bátɔlɔku. Na Ƒilistiƒuɔ lɛnɔ bétékpo lɛma lɛni nkya ɔƒɛ kanukɔ na abi ammɔ kaƒɔna ku kalɔ kakwiidi kani na kewi késie kada kakɛ mmɔ kemmo lɛnɔ na uwi ɔmmɔ kani kemmo na bádi Bet-Semes ku Aiyalon ku Gederot ku Soko ku Timna ku Gimso ku akpaklɔ ani nkya amadɔ mmɔ. Ɔmmɔ kama na Ƒilistiƒuɔ badi bésie bétélie mmɔ. Ahas ɔ́kya Asiriaƒuɔ Ɔga Tiglat Pileser ɔtu na úvele-nwu ka ubebunku-nwu.

Israelƒuɔ Bɔlɛ 18:1

Uwi ɔmmɔ ni, Yetro ɔni ndi Midianƒuɔ ɔkpane na ɔdi Mose aasi únu ala ani ƒui na Katɔti ɔ́bla úte Mose ku Israelƒuɔ, ku kalɛ na Unwoti ɔ́kpanku Israelƒuɔ ɔ́lɛku Egyipte kalɔ lɛlɔ.

Israelƒuɔ Bɔlɛ 18:12

Amu na Mose aasi ɔmɛni úte bebuo ku akpala bamba na béti bákpa béte Katɔti. Na Aaron ku Israelƒuɔ batɔnkune bésie na bátádiku-ma bodobodo na Unwoti anumi.

Israelƒuɔ Bɔlɛ 18:27

Amu na Yetro úye ulu ɔ́siku Mose kudɔ, na ɔ́tɔlɔ úsie nwuna ɔma.

Israelƒuɔ Bɔlɛ 18:7

Anwuɔsu Mose ɔ́ta ɔnii utásiaku nwuna aasi na ulu lɛlɔ. Ka útásiaku-nwu ni, úbo kalɔ úte-nwu na ɔ́kya-nwu kɔgbu. Na bégyele lɛlɔ kaduɛ. Na ɔmmɔ kama bénwini bésie nwuna adi kevo kemmo.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Israelƒuɔ Bɔlɛ 4:18

Ɔmmɔ kama Mose únwini úsie ulekudi ɔti ɔni ndi Yetro kudɔ na ɔ́su-nwu ɔnini, “Te-mi kuƒi na linwini lisie mina kadi bekyuli kudɔ na Egyipte na ntánu si ɔdi ɔmu ulie ngba.” Amu na Yetro ɔ́su-nwu ɔnini, “Kusɛ kusɛ ɔsiaku-ɔ.”

Yeremia 35:2

“Sie na atásu Rekabiƒuɔ kɔdua bekyuli anii bebo na bɛsa na kakpakɔ lɛtɔ lɛni na ɔƒɛnyi mmɔ ɔdi kemmo. Na si bébo ni, na ete-ma ntɛ bɔdi na bani.”

Bumomo Bɔka 21:1

Uwi ɔni na Kanaanƒuɔ ɔga ɔni mɔɔdi Arad lɛlɔ na uli Negev kalɔ kemmo únu ka Israelƒuɔ bákɛ ulu ɔni na úti úsela Atarim ni, ɔga ɔmɛni úsie na útékpoku Israelƒuɔ na úƒie badi ɔ́tɔlɔku.

Mateo 3:1

Uwi ɔmmɔ kama ni, Ntu Ɔkpilane Yohane úsie ketele kani nkya Yudea kalɔ lɛlɔ, na úse kalɔ ɔɔkɔ́ lɛsa

Lɛkpa Ulu 34:3

Na Unwoti ɔ́sɔ ɔ́tina-nwu kalɔ kani na kewi káyu ɔ́si kɔwɛ kɔni nde Yeriko na baalɔ mmɔ banii Ebo Ɔma úti útédu ɔma ɔni baalɔ banii Soar.

Lɛkpa Ulu 34:4

Amu na Unwoti ɔ́su Mose ɔnini, “Kalɔ kamɛni na líse kenye ka meti mete Abraham ku Isak ku Yakob ku bana bawɔ. Ɔƒɛni lɛ́ya-na éti ƒula anumi ánu kalɔ kammɔ. Nsu aaadubo mmɔ busie.”

Yosua 12:14

ku Horma ku Arab

Yosua 18:21

Na lɛma lɛni na béti béte Benyamin kaba bekyuli ndi Yeriko ku Bet-Hogla ku Emek-Kesis

Litemi Batɛne 1:15

Amu na ulekubi ɔmmɔ ɔ́su ɔnini, “Mɔɔyɔ́ ka abla-mi lɛƒɔndia sɛsɛɛ lɛdi na ete-mi abiɔ adi. Ɔsika kalɔ kani na éte-mi mmɔ kadi kalɔ kakwiidi.” Anwuɔsu Kaleb úte-nwu abiɔ anyɔ adi na kalɔ kammɔ katɔ ku kada kakɛ.

Litemi Batɛne 3:13

Na Eglon ɔmɛni ɔ́ya na Amoriƒuɔ ku Amalekƒuɔ bébebunku na bétékpoku Israelƒuɔ. Na bádi Israelƒuɔ lɛlɔ na béti bana ɔma unengudi Yeriko ɔni baalɔ banii Ebo Ɔma.

Litemi Batɛne 4:11

Na uwi ɔmmɔ kemmo ni, Heber ɔni nási Keni útáda nwuna keliekɔ na Kedes na kugyii kubendi kɔdi kudɔ na Saananim. Na ɔ́mami lɛlɔ ɔ́lɛku Keniƒuɔ bakladi kudɔ. Na bekyuli bammɔ badi Mose ulekudi ɔnwani ɔnanabi kaba bekyuli.

Litemi Batɛne 4:17

Amu na Sisera úti lɛgba na úkeli útéduo Heber ɔni nási Keni ulekudi Yael adi kevo kemmo. Ɔsika atubɔyɔ bɔkya Hasorƒuɔ Ɔga Yabin ku Heber kaduli bekyuli ntɛ.

Samuel 1 15:6

Na ɔ́su Keni kadi bekyuli bani nkya mmɔ ɔnini, “Uwi ɔni na Israelƒuɔ ƒui bási baalɛ́ Egyipte kalɔ lɛlɔ ni, amii bítekpoku-bu, mmomu bɛ́nu-bu kɔnyana. Anwuɔsu bɛkpɛ bɛlɛ-ma lɛlɔ kalɛ na naaadu-mii neeebunku Amalekƒuɔ.” Ɔmmɔ ɔsu Keniƒuɔ bammɔ báta Amalekƒuɔ kudɔ mmɔ bésie kesii bamba.

Samuel 1 27:10

Si ɔga ɔmmɔ lɛnɔ úye-nwu ɔnini, “Kadi kamani bekyuli na ésie étékpoku ɔmwi?” ni, na Dawid ɔsu ɔnini, “Búsie bútékpoku lɛma lɛni nkya kalɔ kakwiidi kemmo kesii kani na Keniƒuɔ iye Yudaƒuɔ iye Yerameelƒuɔ belie.”

Samuel 1 30:29

ku Rakal ku Yerahmeel lɛma kemmo ƒui ku Keniƒuɔ.