Lewiƒuɔ Ɔda Bubo 9:4 - Katɔti Ɔku Kedee

⁴ Na biti ɔmantɛ akɔ unengudi ku koƒonu kunengudi ku edula ebi akpala ani na básala ku nnɔ bɛbla akpala bite Unwoti, ɔsika ɔmwi limeyi lɛmɛni lɛlɔ ni, Unwoti ɔdubudie lɛlɔ ɔtina-mii.’ ”

Lewiƒuɔ Ɔda Bubo 9:4 ပူးပေါင်းရင်းမြစ်များ

Israelƒuɔ Bɔlɛ 16:10

Uwi ɔni na Aaron ɔkya ɔɔtɛmi teete bekyuli bammɔ ni, bénwini anumi bátina ketele kammɔ. Mmɔ na Unwoti bukeye bonwu bɔ́bwɛ bɔ́lɛ kɔnakunwi na liƒlukutu kemmo.

Israelƒuɔ Bɔlɛ 19:11

Na baklibi lɛlɔ bese limeyi lɛtɛdi. Ɔsika limeyi lɛtɛdi lɛmmɔ lɛlɔ ndubɔyu bubo Sinai kɔbi kaƒɔna na ukyuli biala ɔnu-mi.

Israelƒuɔ Bɔlɛ 24:16

Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo.

Israelƒuɔ Bɔlɛ 29:43

Ndubɔsiaku amii Israelƒuɔ ƒui na mmɔ na ndubo bukeye na lɛbla mmɔ kedee.

Esekiel 43:2

Mmɔ na lɛ́nu Israel Unwoti Katɔti bukeye ka bɔ́si ɔƒɛ katukɔ bɔdubo. Na línu kɔku kɔdi aani kalɛ na ɛpu ɔɔbla kɔku bonwu, na Unwoti bukeye bɔmɛni bɔ́ya na lɛla biala nkya amadɔ liikeye taatu anumi.

Esekiel 43:27

Na ɔ́si ɔmmɔ kama ni, ɔkpane ɔdubo akpala butaabla na lɛkpabi lɛmɛni lɛlɔ na ɔyɔ-ni kaƒɔ na uvele kusɛ kusɛ ɔsiku-mi kudɔ ɔni ndi unwi bɔbla akpala. Ami Unwoti násu.”

Lewiƒuɔ Ɔda Bubo 2:1

“ ‘Si ukyuli ɔdi úti edula ebi úboku ɔnii ubabla akpala ni, ɔlɛ ka ɔkɔ ala ammɔ ɔbla ɔlaaƒɔ sɛɛn. Na ɔdi ka uti nnɔ uwi-nwu lili na uti oloƒui ɔsia-nwu lɛlɔ.

Lewiƒuɔ Ɔda Bubo 3:1

“ ‘Si ɔdi úti ɔmantɛ akɔ ɔgyani iye uledi úboku ka ubabla unwi bɔbla akpala ni, ɔlɛ ka ɔƒuna ebuo ɔni nse sɛɛn na útasɔ kesii kadi uboku ami Unwoti anumi.

Lewiƒuɔ Ɔda Bubo 9:23

Mose ku Aaron bénwini bétéduo Unwoti Adi Kevo kammɔ kemmo. Na ka bálɛ bébete bekyuli bammɔ kusɛ kusɛ kama ni, Unwoti úkeye úbewi bekyuli bammɔ ƒui lɛlɔ.

Lewiƒuɔ Ɔda Bubo 9:3

Amu na Unwoti ɔ́su Mose ɔnini, “Su Israelƒuɔ anini ‘Biti ketukpa bɛbla alaekpidi bɔkyiɛ akpala. Na biti ɔmantɛ akɔ ɔkɔdi ku koƒonu kɔkɔdi bani maƒɔ aani lɛkwa linwi linwi kani, na bese sɛɛn, na lɛla lɛdi lɛɛɛda-ma, na biti bɛbla akpala bɔkyula.

Lewiƒuɔ Ɔda Bubo 9:5

Anwuɔsu béti ala ani na Mose úbo-ma ɔda mmɔ béboku Unwoti Adi Kevo kaduli kammɔ anumi, na Israel kadi bekyuli bammɔ bábasa mmɔ na Unwoti anumi.

Lewiƒuɔ Ɔda Bubo 9:6

Na Mose ɔ́su ɔnini, “Bɛsia anu na bɛnu lɛla lɛni Unwoti ɔɔwia ka bɛbla asa na nwuna bukeye bubo bubewi-mii lɛlɔ.”

Bumomo Bɔka 14:10

Na uwi ɔni na bekyuli bammɔ ƒui bábla kasusu ka badubo Yosua ku Kaleb atabi bubo ni, mmɔ na Unwoti bukeye bɔ́bwɛ bɔ́lɛ Unwoti Adi Kevo anumi na Israelƒuɔ bánu.

Bumomo Bɔka 16:19

Amu ka Kora ɔ́sala nwuna bekyuli bani nsiaku-nwu kama ɔ́wɔlɔ na bébenye baanu Mose ku Aaron anumi na Unwoti Adi Kevo kayakun kenye mmɔ ni, kɔnakunwi ni, Unwoti bukeye bonwu bɔ́bwɛ búbewi bekyuli bammɔ ƒui lɛlɔ.