Lewiƒuɔ Ɔda Bubo 9:3 - Katɔti Ɔku Kedee

³ Amu na Unwoti ɔ́su Mose ɔnini, “Su Israelƒuɔ anini ‘Biti ketukpa bɛbla alaekpidi bɔkyiɛ akpala. Na biti ɔmantɛ akɔ ɔkɔdi ku koƒonu kɔkɔdi bani maƒɔ aani lɛkwa linwi linwi kani, na bese sɛɛn, na lɛla lɛdi lɛɛɛda-ma, na biti bɛbla akpala bɔkyula.

Lewiƒuɔ Ɔda Bubo 9:3 ပူးပေါင်းရင်းမြစ်များ

Ala Kalɔ Buse 37:31

Ɔmmɔ kama ni, nwuna banwani bammɔ bádu ese ɔdi. Na béti Yoseƒ awu ɔmmɔ bákya ubugya ɔmmɔ kemmo.

Esra 10:19

Na bése kenye ka badubɔnyonu bana beleku, na béte ɔmantɛ akɔ ɔkɔdi na béti babla likpidi lili buvele akpala.

Esra 6:17

Na kakpakɔ buti taakya Katɔti lɛkɔkɔ limeyi lɛmɛni bɔdi kemmo ni, béte ɔmantɛ bɔkɔ eti anyɔ ku baƒonu bagyani eti ene ku baƒonu bagyani bakɔdi eti maane ka beti babla likpidi buti taakyiɛ buvele akpala na Israel kadi bekyuli ƒui lili. Na béte betukpa leevu-inyɔ na Israelƒuɔ adua leevu-anyɔ ammɔ kenye.

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Lewiƒuɔ Ɔda Bubo 10:16

Uwi ɔni na Mose úye ekpidi bɔkyiɛ ese ɔni na bádu na básu-nwu ka béti anwu lɛnɔ bákyula ni, úti kɔnyi ɔ́kya Eleasar ku Itamar Aaron bebi bani nébu na úye-ma ɔnini,

Lewiƒuɔ Ɔda Bubo 12:6

“ ‘Na si lɛlɔ bɔbla sɛɛn emeyi ammɔ édu na ubi ɔnanabi iye ulekubi bɔwɔ kama ni, ɔlɛka uwele ɔmmɔ ɔwia koƒonu ubi ɔni náakɛ lɛkwa uboku ɔkpane na Unwoti Adi Kevo kammɔ kayakun na uti ɔbla akpala bɔkyula ku mangbɛ iye abloduma na uti ɔbla likpidi lili buvele akpala ute Unwoti.

Lewiƒuɔ Ɔda Bubo 14:10

“Na limeyi maanedi lɛlɔ ni, ɔlɛka ɔwia baƒonu bagyani inyɔ ku koƒonu kuledi kunwi kɔni náƒɔ lɛkwa linwi na kútasɔ kesii kadi ku ɔlaaƒɔ lɛɛƒɛɛ klo klo ɛku ku kakɛ ɔni básala ku nnɔ ku nnɔ ɔsii bamba unwi.

Lewiƒuɔ Ɔda Bubo 16:15

“Ɔmmɔ kama ni, ɔdubɔlɛ utádu likpidi lili buvele akpala ketukpa kammɔ na Israelƒuɔ lili, na uti ebuo ɔmmɔ ubugya uduoku kakpakɔ bule kɔdi kɔmmɔ kama na ɔblaku-nwu kalɛ kani na ɔ́blaku ebuo udeedi ubugya. Ɔdubɔkuna ubugya ɔmmɔ ɔdi uwi libila lɛmmɔ lɛlɔ ku nina anumi.

Lewiƒuɔ Ɔda Bubo 16:5

Na ɔƒɔ betukpa inyɔ ku koƒonu kɔgyani kunwi ɔsiku Israelƒuɔ bammɔ kudɔ. Na uti betukpa inyɔ bammɔ ɔbla likpidi lili buvele akpala na uti ɔmantɛ akɔ ɔmmɔ ɔbla bɔkyula akpala.

Lewiƒuɔ Ɔda Bubo 23:12

Ɔƒɛni na limeyi lɛni na ɔkpane ɔmmɔ ɔɔbla akpala ammɔ ni, na biti koƒonu kɔgyani kɔni na bɔsɔ bɔdi buuubo-ku lɛlɔ na ɔ́ɔkɛ lɛkwa na uti ɔbla akpala bɔkyula ute Unwoti.

Lewiƒuɔ Ɔda Bubo 4:23

Na si kama na báya na ɔ́ti likpidi lɛni na ɔ́bla ni, ɔlɛka uti ketukpa kani nse sɛɛn na kátasɔ uboku aani nwuna akpala etela.

Lewiƒuɔ Ɔda Bubo 4:3

“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Lewiƒuɔ Ɔda Bubo 9:2

Mmɔ na ɔ́su Aaron ɔnini, “Ti ɔmantɛ akɔ ɔgyani ɔkɔdi na eti abla likpidi lili buvele akpala. Na eti koƒonu kɔgyani kunengudi abla akpala bɔkyula. Na anu ka bebuo bammɔ ƒui bese sɛɛn na lɛla lɛdi lɛɛɛda-ma. Na eti-ma eboku Unwoti anumi.”

Lewiƒuɔ Ɔda Bubo 9:4

Na biti ɔmantɛ akɔ unengudi ku koƒonu kunengudi ku edula ebi akpala ani na básala ku nnɔ bɛbla akpala bite Unwoti, ɔsika ɔmwi limeyi lɛmɛni lɛlɔ ni, Unwoti ɔdubudie lɛlɔ ɔtina-mii.’ ”

Romaƒuɔ 8:3

Na lɛla lɛni na Katɔti ɔda bubo bɔni na úti úte Mose bútakana bɔbla ka bekyuli bátakana-mu lɛlɔ bɔdi ɔsu ni, Katɔti ɔ́bla-ni. Ɔ́tala Ubidi aani ukyuli ɔni mbo ɔlɔna ɔni na likpidi liikpóku. Úbo úbabla bekyuli ekpidi lili buvele akpala, na ɔ́du likpidi kɔtɔ na ɔ́yila likpidi ɔyikun ɔni mɔɔdi-bu lɛlɔ.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.