Lewiƒuɔ Ɔda Bubo 9:24 - Katɔti Ɔku Kedee

²⁴ Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Lewiƒuɔ Ɔda Bubo 9:24 ပူးပေါင်းရင်းမြစ်များ

Ala Kalɔ Buse 15:17

Ɔmmɔ kama ka ɔƒɛ ɔ́nu na kadi kábla suu ni, libui bonwu lɛdi ku uyɔ lɛni kemmo na ɔgya ɔɔda lɛdi lɛ́da lɛ́lɛ. Libui lɛmɛni lɛkɛ lɛ́vi lɛna lɛmmɔ ƒui ntɛ.

Ala Kalɔ Buse 17:3

Mmɔ ni, Abram ɔ́yu úbi kalɔ na Katɔti ɔ́su-nwu ɔnini,

Baga 2 19:15

Na ɔ́kpali Unwoti ɔ́su ɔnini, “O Unwoti, ɔni ndi Israelƒuɔ Katɔti, awɔ nli ƒula lɛgaboku lɛlɔ na katɔ katɔ na kesii kani na Kerub ngba bebweyi bammɔ begyingya bana avwi bámana. Na awɔ lɛti ndi Katɔti ɔni mɔɔdi kayawi kamɛni lɛgakɔdikɔ ƒui lɛlɔ. Na awɔ nédie katɔ ku kalɔ.

Ala Alɛdi 1 21:26

Dawid ɔ́tu lɛkpabi lɛmmɔ na ɔ́bla bɔkyula ƒui akpala ani mɔɔyɔ́ Unwoti kaƒɔ úte-nwu ku unwi bɔbla akpala. Na Unwoti únu Dawid buvele na ɔ́ya na ogya ɔ́si katɔ úbo úbayu lɛkpabi lɛmmɔ lɛlɔ.

Ala Alɛdi 2 6:2

Na ɔƒaani ni, lɛ́tu kakpakɔ kani muukeye kesii kani na adubɔkana na elie uwi ƒui.”

Esra 3:11

Na beedie lɛnu teemwi Unwoti na baagyá-nwu enu banini, Unwoti ɔdia geen. Na nwuna bɔyɔ bɔni na ubo ute Israel buse búsela uwi ƒui. Na bekyuli bammɔ ƒui bébo kudu momoomo bémwi Unwoti ka bákya Unwoti kakpakɔ kowodu ɔka kalɔ ɔsu.

Kɔgya 80:1

O baƒonu ɔdane, awɔ ɔni mɔɔtɔnku Israel Yoseƒ kaba kemmo bebi aani baƒonu kalɛ. Eli ƒula lɛgaboku lɛlɔ na ƒula batu bani mbo avwi na baalɔ-ma Kerub eli. Buuvele-ɔ, ya na bɔnu kalɛ na eekeye.

Israelƒuɔ Bɔlɛ 3:2

Mmɔ na Unwoti ɔtu ɔdi ɔ́da ɔ́lɛ-nwu lɛlɔ aani ogya ɔni mɔɔda na kugyii lɛƒoƒo lɛdi lɛlɔ. Na Mose ɔ́nu ka lɛƒoƒo lɛmmɔ lɛɛda, nsu lɛla biala lilakywi.

Lewiƒuɔ Ɔda Bubo 10:2

Ɔmmɔ ɔsu Unwoti ɔ́ya na ogya unyemi bonwu ɔdi úbo na úbakyula-ma na békpi kɔnakunwi na nwuna anumi mmɔ.

Lewiƒuɔ Ɔda Bubo 6:13

Banu ka ogya ɔkya mmɔ uwi ndi uwi na uteni.

Bumomo Bɔka 14:5

Mmɔ na Mose ku Aaron báyu bebi kalɔ na bekyuli bammɔ ƒui anumi.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Bumomo Bɔka 23:21

“Ɔsika ńtanu ɔgbankpi ɔdi na Yakob kaba lɛlɔ, na ńtanu lɛƒɛda lɛdi na Israelƒuɔ lɛlɔ. Bana Unwoti Katɔti ɔ́kya-ma akɔ. Na beedie kudu taasu banii anwu ndi bana ɔga.

Mateo 26:39

Amu ka úsie lɛtɔtɔ blii ni, ɔ́yu úbi kalɔ na ɔ́kpali katɔ ɔnini, “Mina Ɔti, si wadia ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Budie Taatina 4:9

Ngba batu bammɔ beeti bumwi ku ɔbu ku linugya teete anwu ɔni nlie lɛgaboku lɛmmɔ lɛlɔ na uli ngba úsela ƒui. Na uwi biala na baabla lɛni ni,

Budie Taatina 5:8

Na uwi ɔni na Koƒonu Ubi ɔmɛni ɔɔƒɔ́ kakunkɛ kamɛni ni, ngba batu ine bammɔ ku benengu aavlanyɔ-ine bammɔ báyu bébi kalɔ na Koƒonu Ubi ɔmmɔ anumi. Ɔdi biala ɔda agyala ani béti kɔbuli bábla na baagyá taatu lɛnu. Na ɔdi biala ɔda sika ugyiedi kɔlaku kɔni néyi ku oloƒui. Na oloƒui ɔmɛni unye ute Katɔti bekyuli katɔ bɔkpali.

Budie Taatina 7:11

Batu ƒui benye báka bámana lɛgaboku ku benengu ku ngba batu ine bani nnye mmɔ.

Litemi Batɛne 13:23

Nsu ulekudi udie kenye ɔnini, “Si banii Unwoti bɔbla na ɔbla kasusu ka wadu-bu ni, nka útaƒɔ bula akpala ani bɔ́bla búte-nwu. Iye nka útasu-bu ala ani na ɔ́su-bu mɛni na udie lɛla lɛdi ɔtina-bu.”

Litemi Batɛne 6:21

Na Katɔti ɔtu ɔmmɔ úti ugyii ɔni ɔ́da mmɔ kenye útuku lɛna ku bodobodo ɔmmɔ. Na ogya ɔ́buɛ ɔlɛ lɛtakpɛ lɛmmɔ lɛlɔ na ɔ́kyula lɛna ku bodobodo ɔmmɔ. Mmɔ kani na Unwoti ɔtu ɔmmɔ ɔ́yii ɔ́kya.