Lewiƒuɔ Ɔda Bubo 9:2 - Katɔti Ɔku Kedee

² Mmɔ na ɔ́su Aaron ɔnini, “Ti ɔmantɛ akɔ ɔgyani ɔkɔdi na eti abla likpidi lili buvele akpala. Na eti koƒonu kɔgyani kunengudi abla akpala bɔkyula. Na anu ka bebuo bammɔ ƒui bese sɛɛn na lɛla lɛdi lɛɛɛda-ma. Na eti-ma eboku Unwoti anumi.”

Lewiƒuɔ Ɔda Bubo 9:2 ပူးပေါင်းရင်းမြစ်များ

Israelƒuɔ Bɔlɛ 29:1

“Asa na adubuse Aaron ku nwuna bebi badi bakpane ni, ala amɛni na ɔlɛka abla. Ƒuna ɔmantɛ akɔ ɔgyani ku baƒonu bagyani inyɔ bani na bɔsɔ bɔdi buuubo-ma lɛlɔ.

Esekiel 29:1

Na uwi ɔni na béti Ɔga Yekonia ku abu bakladi bátɔlɔku bésienku Babilon kalɔ lɛlɔ aani batɔntɛne kalɛ akwa leevu kama ni, Unwoti ɔ́tɛmiku-mi na kɔbuli leevudi limeyi leevu-linyɔdi lɛlɔ na ɔ́su-mi ɔnini,

Lewiƒuɔ Ɔda Bubo 1:10

“ ‘Na si koƒonu iye ese lɛnɔ na ɔdi ɔ́ƒuna na nwuna bebuo akɔ ka uti ɔbla akpala bɔkyula ƒui ɔdi ɔmmɔ lɛnɔ ni, ɔlɛka ɔbla ebuo ɔgyani ɔni na use sɛɛn na útasɔ kesii kadi.

Lewiƒuɔ Ɔda Bubo 1:3

“ ‘Ɔƒɛni si bebuo bɔkyula akpala na ɔdi ɔdanku ebuo ɔdi ka ubabla ni, na ɔƒuna ebuo ɔni nse sɛɛn na útasɔ kesii kadi na ɔdi ebuo ɔgyani. Na ebuo ɔmmɔ ni, Unwoti Adi Kevo kammɔ kayakun kenye na ɔdubuti-nwu uboku na lɛnu si ɔdia-mi.

Lewiƒuɔ Ɔda Bubo 16:3

“Ulu ɔni lɛlɔ na ɔdubɔsia uduo Unwoti Adi Kevo kammɔ kaduli ndi ɔmɛni, si úsela ni, ɔlɛka uti ɔmantɛ akɔ ɔgyani ɔkɔdi ku koƒonu kɔgyani na uti akɔ ɔmmɔ ɔbla likpidi lili buvele akpala, na uti koƒonu kɔgyani kɔmmɔ ɔbla akpala bɔkyula ƒui ɔdi.

Lewiƒuɔ Ɔda Bubo 16:5

Na ɔƒɔ betukpa inyɔ ku koƒonu kɔgyani kunwi ɔsiku Israelƒuɔ bammɔ kudɔ. Na uti betukpa inyɔ bammɔ ɔbla likpidi lili buvele akpala na uti ɔmantɛ akɔ ɔmmɔ ɔbla bɔkyula akpala.

Lewiƒuɔ Ɔda Bubo 4:3

“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Lewiƒuɔ Ɔda Bubo 8:14

Ɔmmɔ kama úti ɔmantɛ akɔ ɔgyani ɔni na badubuti babla likpidi lili buvele akpala ammɔ úboku. Na Aaron ku nwuna bebi bananabi béti bana enu básia ebuo ɔmmɔ lili bátina ka ɔmmɔ na béti bényene bana kenye ka beti babla akpala ammɔ.

Lewiƒuɔ Ɔda Bubo 8:18

Ɔmmɔ kama béti koƒonu kɔgyani kɔni na badubuti babla akpala bɔkyula mmɔ béboku na Aaron ku bebi béti enu básia-ku lili.

Lewiƒuɔ Ɔda Bubo 9:3

Amu na Unwoti ɔ́su Mose ɔnini, “Su Israelƒuɔ anini ‘Biti ketukpa bɛbla alaekpidi bɔkyiɛ akpala. Na biti ɔmantɛ akɔ ɔkɔdi ku koƒonu kɔkɔdi bani maƒɔ aani lɛkwa linwi linwi kani, na bese sɛɛn, na lɛla lɛdi lɛɛɛda-ma, na biti bɛbla akpala bɔkyula.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Hebriƒuɔ 5:3

Lɛni ɔsu na ɔlɛka ɔbla akpala na anwu ɔlati ekpidi ku bekyuli bammɔ ƒui ekpidi lili.

Hebriƒuɔ 7:27

Na uuuse aani bakpane benengudi babambadi bammɔ kalɛ bani nálɛ ka bataabla akpala na ama ku bekyuli bakladi lili taasia kama limeyi ndi limeyi. Mmomu kunwi kɔni na anwu úti lɛlɔ ɔ́kpa na bekyuli ƒui lili ni, ɔ́kpa kunwi pɛ kɔmmɔ kani na ɔ́sa.