Lewiƒuɔ Ɔda Bubo 9:18 - Katɔti Ɔku Kedee

¹⁸ Ɔmmɔ kama ni, ɔ́du ɔmantɛ akɔ ɔgyani unengudi ɔmmɔ ku koƒonu kɔni na badubuti babla unwi bɔbla akpala mmɔ úte bekyuli bammɔ ƒui. Na Aaron bebi bananabi bammɔ béti ubugya ɔmmɔ béte-nwu na ɔ́kuna úwi lɛkpabi lɛmmɔ lɛlɔ ɔ́mana.

Lewiƒuɔ Ɔda Bubo 9:18 ပူးပေါင်းရင်းမြစ်များ

Lewiƒuɔ Ɔda Bubo 9:9

Na nwuna bebi bananabi béti ubugya ɔmmɔ béte-nwu. Na ɔ́kya-nwu lɛnimi na úti úsusu bebuo ese ani nlɛ lɛkpabi lɛmmɔ lɛlɔ na úti ɔkladi úwi lɛkpabi lɛmmɔ kalɔ.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.