Lewiƒuɔ Ɔda Bubo 8:35 - Katɔti Ɔku Kedee

³⁵ Na ɔlɛka bɛsɔ bɛkya Unwoti Adi Kevo kaduli kammɔ kayakun kenye emeyi maatɛ usien ku ɔƒɛ. Na bɛbla ala ani ƒui na Unwoti ɔɔwia ka bɛbla kalɛ na bilekpi, ɔsika lɛni na Unwoti ɔɔwia.”

Lewiƒuɔ Ɔda Bubo 8:35 ပူးပေါင်းရင်းမြစ်များ

Baga 1 2:3

Na adi ƒula Unwoti Katɔti etemila lɛlɔ ku ala ani ƒui na únyimi na nwuna ɔda bubo kemmo na bénweni bákya Mose ɔda bubo ɔku kemmo. Na ataasia-nya anu na asia nwuna ulu lɛlɔ kalɛ na lɛla biala na aabla lɛtɛku-ɔ. Na keyi kayɔdi kasiaku-ɔ na kesi kesii na akɛ.

Israelƒuɔ Bɔlɛ 29:35

“Na eti emeyi maatɛ ese Aaron ku bebi mina bakpane aani kalɛ kani libo-ɔ ɔda pɛpɛɛpɛ.

Esekiel 43:25

“Emeyi maatɛ ani nsia kadi biala megye ni, ɔlɛka bɛdu ese ku akɔ ku koƒonu bete-mi aani alaekpidi lili buvele akpala. Na ɔlɛka bɛnu ka bátasɔ kesii kadi.

Esekiel 48:11

Na bakpane bani nási Sadok ɔtɔ kemmo lɛti pɛ ndubo kadikɔ bɔkɛ na kalɔ kamɛni bule kemmo. Ɔsika ama kani násiaku-mi kama siin na bátalɛ-mi kama uwi ɔni na Lewiƒuɔ ku Israelƒuɔ bakladi bése kalɔ baabla ekpidi.

Lewiƒuɔ Ɔda Bubo 10:1

Na uwi ɔmmɔ ni, Aaron bebi bananabi inyɔ bani ndi Nadab ku Abihu béti bana kɔlɛkɛ kɔni lɛlɔ na beedie ogya teewi na bédie ogya béwi-ku lɛlɔ. Béti oloƒui béwi ogya ɔmɛni lɛlɔ banii baakyula bete Unwoti na ɔmɛni ɔ́ta únye ɔda bubo bɔni na úte-ma lɛlɔ.

Lewiƒuɔ Ɔda Bubo 14:8

“Na ukyuli ɔni na baabla lɛlɔ bɔbla sɛɛn ɔdi ɔmmɔ teete ɔlɛka ɔƒɔ nwuna adala na ukpeyi lili na ɔkpi ntu na ɔmmɔ ɔɔtina ka ɔ́bla sɛɛn. Na ɔmmɔ kama ɔkana utéduo nwuna badi akɔ. Nsu ɔdi ka ɔka kevoma bulie emeyi maatɛ asa.

Lewiƒuɔ Ɔda Bubo 8:30

Anwuɔsu Mose úti nnɔmii bɔni na ɔdubuti use Aaron likpo mmɔ ku ubugya ɔni nsia lɛkpabi lɛlɔ mmɔ ɔdi na ɔ́kuna-nwu úwi Aaron lɛlɔ ku nwuna lɛkpa lɛwu gyɔlɔɔ lɛmmɔ lɛlɔ ku nwuna bebi bananabi bammɔ. Na ɔ́ƒuna-nwu úse sɛsɛɛ na ɔ́bla-nwu kedee ku nwuna lɛwu ku nwuna bebi bananabi lɛwu ƒui lɛnɔ.

Lewiƒuɔ Ɔda Bubo 8:34

Ala ani ƒui na bɔ́bla ɔmwi mɛni adi akpala ani ɔda na Unwoti úbo ka bɔbla na udie kɔtu bɔni biala na bina lɛlɔ.

Lewiƒuɔ Ɔda Bubo 8:36

Ɔmmɔ ɔsu Aaron ku nwuna bebi bananabi bábla lɛla biala aani kalɛ na Unwoti ɔkɛnku Mose lɛlɔ úbo-ma ɔda.

Bumomo Bɔka 19:12

Na limeyi lɛtɛdi ku limeyi maatɛdi lɛlɔ ni, ɔlɛka uti ntu bɔmmɔ ɔbla lɛlɔ sɛɛn, na nwuna lɛlɔ lɛdubɔbla sɛɛn. Nsu si úteti ntu bɔmmɔ útabla lɛlɔ sɛɛn na limeyi lɛtɛdi ku maatɛdi lɛmmɔ lɛlɔ ni, ɔɔɔdubo buse sɛɛn.

Bumomo Bɔka 3:7

Na ama ndubo kabla butaabla teebunku-nwu, na bataabla bana kadi bekyuli ƒui kabla teete-ma na Kasakɔ Kevo mmɔ na Unwoti Adi Kevo kemmo.

Bumomo Bɔka 9:19

Si uwi ɔni na liƒlukutu lɛmmɔ lɛ́ƒɔ ɔtɔ ɔmmɔ katɔ útu uwi ni, Israelƒuɔ beenú Unwoti lɛdi na ɔdi ulayu ulu.

Korintoƒuɔ 2 7:1

Banwa, ka Katɔti úse-bu kenye na ala amɛni ƒui lɛlɔ úse ɔsu ni, bɛya na bɔbla lɛlɔ sɛɛn na bɔda lɛlɔ budie ala ani ƒui mɔɔyá na bula ɔlɔna ku kɔyu kuusé lɛlɔ kudɔ. Na bɛya na buti lɛlɔ ƒui bute Katɔti ka bɔɔbu-nwu na bɔɔyia-nwu ɔsu.

Lɛkpa Ulu 11:1

Bɛyɔ bina Unwoti Katɔti na bitaadi nwuna litemi lɛlɔ uwi ndi uwi.

Timoteo 1 1:18

Mina ubi Timoteo, kabla ku ɔda bubo bɔni na líti muute-ɔ mɛni ni, kadanku ala ani na bula kenye bediene básu básiku-ɔ lɛlɔ. Ƒie etemila amɛni da na adubɔdi likpidi lɛlɔ na Blɔti kekpo kamɛni kemmo.

Timoteo 1 5:21

Anwuɔsu mɔɔlɛ-ɔ na Katɔti ku Kristo ku Katɔti batu ƒui anumi nnii sia ala amɛni anu kaduɛ na alanu ukyuli ɔdi anumi alabla lɛla lɛdi.

Timoteo 1 6:13

Na Katɔti ɔni nédie lɛla biala ku Yesu Kristo ɔnii nése kayi na údie nwuna bɔƒɔtaadi keyi na Pontio Pilato anumi muudie-mi kenye ka muute-ɔ ɔda bubo bɔmɛni.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Timoteo 1 6:20

Timoteo, nu ka ágyumana ala ani na béti béte-ɔ bɔda kaduɛ. Takya atɛ keeke ku kɔdɔlɔ unyeƒi kenye. Anya na bekyuli badi beeti taatɔlɔ bekyuli banii lɛlati lɛdi kenye.

Timoteo 2 4:1

Nnye Katɔti ku Kristo ɔni ndubɔsɔ ubo ubatɛku bayawine ku bekpine litemi anumi. Na ka ɔdubɔsɔ ubo na nwuna lɛga bɔdi kemmo ɔsu ni, mɔɔlɛ-ɔ kpakplaa nnii

Hebriƒuɔ 7:28

Ɔsika ni, ɔda bubo bɔmmɔ bɔɔƒuna bakpane bani naaakana bunye kpakplaa ama alati. Nsu linyese lɛni nébo na ɔda bubo bɔmmɔ kama ni, bɔ́ƒuna Ubi ɔmmɔ na ɔ́ya na ɔ́wɔlɔ nwuna kabla úte uwi ƒui.