Lewiƒuɔ Ɔda Bubo 8:31 - Katɔti Ɔku Kedee

³¹ Amu na Mose ɔ́su Aaron ku nwuna bebi bananabi ɔnini, “Biti lɛna lɛmmɔ na biƒulo-ni na Unwoti Adi Kevo kayakun kenye mmɔ. Na biti bodobodo ɔni béti bábla ɔkpane buse akpala ammɔ na ɔkya kagyigyɛ kemmo mmɔ na amii kani bɛdi ku lɛna lɛmmɔ aani kalɛ na líbo-mii ɔda.

Lewiƒuɔ Ɔda Bubo 8:31 ပူးပေါင်းရင်းမြစ်များ

Lewiƒuɔ Ɔda Bubo 10:17

“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi.

Lewiƒuɔ Ɔda Bubo 6:28

Na avɔbui ani ƒui kemmo na béƒulo lɛna lɛmmɔ ni, ɔdi ka bebo-nya babwɛ. Na si abuala ebui kemmo na béƒulo-ni ni, ɔlɛka bekuo-nya kemmo baƒɔ kaduɛ.

Lewiƒuɔ Ɔda Bubo 7:15

Ɔƒɛni ebuo ɔni na úti úboku úbo ɔɔbla unwi bɔbla enugya akpala ammɔ ni, limeyi lɛni na bábla akpala ammɔ lɛlɔ kani na ɔlɛka bakun lɛna lɛmmɔ. Na ukyuli ɔmmɔ ulada-ni ulése na kadi kegye kewi-nwu lɛlɔ.

Yohane 6:33

Ɔsika Katɔti adila geen ani na uute bekyuli ndi ami ɔni mɔɔyá na bekyuli beelie ngba.”

Yohane 6:35

Mmɔ na Yesu ɔ́su-ma ɔnini, “Ami ndi adila ani mɔɔyá na bekyuli beelie ngba. Na ukyuli ɔni muubo-mi kudɔ ni, kɔka kɔsɔ kulada-nwu. Na ukyuli ɔni mɔɔƒɔ́-mi taadi ni, utukwɛ ɔsɔ ulada-nwu kudi kudii.

Yohane 6:51

Ami ndi adila ani muute ngba. Na lɛ́si katɔ lɛ́yu líbo. Ukyuli biala ɔni mɔɔdi adila amɛni adi ni, ɔdubo ngba bulie uwi ƒui. Na adila ani ndubute bekyuli ni, anya ndi mina ɔlɔna.”

Galatiƒuɔ 2:20

Ami ku Kristo na bákana bámana ugyii lɛlɔ. Ɔsɔ ɔɔɔdi ami nli ngba, mmomu Kristo nli ngba na mina kemmo. Na ngba bɔni na nli ɔƒɛni ni, nli-mu ɔkɛnku ɔyikun ɔni na lɛ́kɛ ka lɛ́ƒɔ Katɔti Ubidi ɔmmɔ lɛ́di ɔsu. Anwu néti nwuna ngba ɔ́kpa na mina lili, ɔsika ɔɔyɔ́-mi.