Lewiƒuɔ Ɔda Bubo 8:23 - Katɔti Ɔku Kedee

²³ Mose ɔ́du-ku na úti ubugya ɔmmɔ ɔdi úsusu Aaron kɔdianu kɔtu kawɔlɔkɔ mmɔ ku nwuna kɔdianu kɔnu ku nwuna kɔdianu ɔgba animigya.

Lewiƒuɔ Ɔda Bubo 8:23 ပူးပေါင်းရင်းမြစ်များ

Israelƒuɔ Bɔlɛ 29:20

Na adu ebuo ɔmmɔ. Na eti ubugya ɔmmɔ ɔdi esusu Aaron kɔdianu kɔtu kawɔlɔkɔ ku nwuna kɔdianu kɔnu ku ɔgba animigya. Na abla lɛni kani ete nwuna bebi lɛnɔ. Na akuna ubugya ewi lɛkpabi lɛmmɔ ekpo ene ammɔ ƒui.

Israelƒuɔ Bɔlɛ 29:21

Na eti ubugya ɔmmɔ ɔdi na eti nnɔmii bɔni na eti éwi Aaron lili mmɔ ɔdi ewi ubugya ɔmmɔ kemmo. Na akuna ewi Aaron ku lɛwu lɛni na ɔkya mmɔ lɛlɔ. Na asɔ akuna ɔdi ewi nwuna bebi ku bana lɛwu lɛlɔ. Na ɔmɛni ndubɔtina ka bése-ma bakpane bete-mi.

Lewiƒuɔ Ɔda Bubo 14:14

Na kɔtɔ bukpi ebuo ɔmmɔ ubugya ni, ɔlɛka ɔkpane ɔmmɔ ɔbla-nwu ɔdi utu ukyuli ɔni na baabla sɛɛn bɔbla ɔdi ɔmmɔ teete mmɔ kɔdianu kɔtu kawɔlɔkɔ ku nwuna kɔdianu kɔnu ku kɔdianu ɔgba animigya.

Lewiƒuɔ Ɔda Bubo 14:17

Na nnɔmii bɔkladi bɔni nwi ɔkpane ɔmmɔ lɛkɔkɔ ni, ɔbla-mu utu ukyuli ɔni na ɔɔbla sɛɛn bɔbla ɔdi ɔmmɔ teete kɔdianu kɔtu kawɔlɔkɔ ku kɔdianu kɔnu lɛnimigya ku kɔdianu ɔgba lɛnimigya na kesii kani na úsusu kɔtɔ bukpi ebuo ɔmmɔ ubugya mmɔ kani.

Lewiƒuɔ Ɔda Bubo 14:25

Na ɔmmɔ kama ɔkpane ɔmmɔ ɔdubɔdu kɔtɔ bukpi akpala koƒonu kɔmmɔ na uti ubugya ɔmmɔ ɔdi utu ukyuli ɔmmɔ kɔdianu kɔtu ku kɔdianu kɔnu lɛnimigya ku kɔdianu ɔgba lɛnimigya.

Lewiƒuɔ Ɔda Bubo 14:28

Na uti nnɔ bɔmmɔ bɔdi utu ukyuli ɔni baabla sɛɛn mmɔ kɔdianu kɔtu ku nwuna kɔdianu lɛnimigya ku nwuna kɔdianu ɔgba lɛnimigya na kesii kani na bétu-nwu kɔtɔ bukpi ebuo ɔmmɔ ubugya kani.

Lewiƒuɔ Ɔda Bubo 7:37

Ɔda ɔmɛni na Unwoti úbo ɔkɛnku ebuo bɔdu taakyula akpala ku edula ebi akpala ku likpidi lili buvele akpala ku kɔtɔ bukpi akpala ku ɔkpane buse akpala ku unwi bɔbla akpala ƒui lɛlɔ.

Romaƒuɔ 12:1

Anwuɔsu ni, mina banwa, ka Katɔti ɔ́bla-bu kaƒɔ buni geen ɔsu ni, muuvele-mii geen nnii biti bina lɛlɔ bite Katɔti aani akpala ani nse kedee na aayɔ́-nwu kaƒɔ lɛnɔ bɛda na bina ngba bulie kemmo mɛni. Ɔmmɔ ndi bina kɔyu kemmo akpala kabla.

Romaƒuɔ 6:13

Iye bitete kuƒi na likpidi lɛƒɔ bina ɔlɔna kemmo kesii biala na bitaabla likyulikpi. Mmomu biti bina lɛlɔ bite Katɔti aani bekyuli bani na Katɔti ɔ́gyila ɔ́lɛku kukpi kemmo úboku ngba kemmo. Na bɛnyonu bina lɛlɔ ekpo ƒui bite Katɔti aani ala ani nse siin na uti ɔbla nwuna kabla.

Romaƒuɔ 6:19

Mɔɔyɔ́ ka lɛsia kalɛ na bekyuli baatɛmi kenye na lidie ɔmɛni kalɔ lite-mii na ɔbla-mii kpɛtɛ kpɛtɛ. Na uwi ɔni nábavi kemmo ni, bɛ́nyonu lɛlɔ ƒui bíte alaekpidi bɔbla ku ala ani muusé lɛlɔ ku likyulikpi ala bɔbla. Lɛni kani na ɔlɛka biti lɛlɔ ƒui bite siin bɔbla na bɛbla kedee.

Korintoƒuɔ 1 1:2

Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 6:20

Ɔsika Katɔti ɔ́ƒɔ kayu bonwu na bina lili. Anwuɔsu biti bina ɔlɔna bɛbla ala ani muute Katɔti ɔbu.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Tesalonikaƒuɔ 1 5:22

Bɛda lɛlɔ bidie likpidi ulu biala lɛlɔ.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Hebriƒuɔ 5:8

Na ina ka ubidi na ɔdi ni, ɔ́tɛya abi ani na ɔdi ka ukyuli ubo si uunú Katɔti litemi.