Lewiƒuɔ Ɔda Bubo 8:15 - Katɔti Ɔku Kedee

¹⁵ Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Lewiƒuɔ Ɔda Bubo 8:15 ပူးပေါင်းရင်းမြစ်များ

Ala Alɛdi 2 29:24

Ɔmmɔ kama bakpane bammɔ bádu bese bammɔ na béti bana ubugya bákuna béwi lɛkpabi lɛmmɔ lɛlɔ aani ekpidi lili buvele akpala na Israelƒuɔ ƒui lili.

Esekiel 45:20

“Na ɔdi ka babla limeyi bɔdi ablala amɛni na kɔbuli kɔmmɔ limeyi maatɛdi lɛnɔ lɛlɔ. Ɔmmɔ ɔdubɔya na si ukyuli ɔdi ɔ́bla likpidi lɛdi na tati tati kemmo iye likpidi lɛmmɔ líyu-nwu lɛ́tu ni, na liti lɛkyiɛ-nwu kalɛ na kakpakɔ kammɔ kedee.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Lewiƒuɔ Ɔda Bubo 1:11

Na badubɔdu ebuo ɔmmɔ na lɛkpabi lɛmmɔ katɔ kakɛ na Unwoti anumi. Na Aaron bebi, bakpane bammɔ badubuti ubugya ɔmmɔ na bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 1:5

Ɔmmɔ kama ni, ɔdubɔdu ɔmantɛ akɔ ɔgyani ɔmmɔ na Unwoti Adi Kevo kammɔ kayakun kenye. Na Aaron bebi bananabi bani ndi bakpane mmɔ ndubɔkɔliku ubugya ɔmmɔ katɔ batina-mi asa na bakuna-nwu bewi lɛkpabi lɛni nnye Unwoti Adi Kevo kammɔ kayakun kenye mmɔ lɛlɔ bamana.

Lewiƒuɔ Ɔda Bubo 16:20

“Si Aaron ɔ́wɔlɔ sɛɛn bɔbla akpala ɔdi ɔmmɔ bɔbla bute Katɔma Kedee kammɔ ku Kevo Kasakɔ kammɔ ku lɛkpabi lɛmmɔ ni, mmɔ na ɔdubuti ketukpa kani ku ngba mmɔ uboku.

Lewiƒuɔ Ɔda Bubo 3:2

Na uti nwuna enu ɔsia ebuo ɔmmɔ lili uti ɔtina ka ɔmmɔ na úti únyene nwuna lɛlɔ kenye. Ɔmmɔ kama na badu ebuo ɔmmɔ na Unwoti Adi Kevo kammɔ kenye. Na Aaron bebi bananabi bakpane bammɔ beti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 3:8

Na ɔdubuti enu ɔsia-ku lili na ɔmmɔ kama na ɔdu-nwu na Unwoti Adi Kevo kammɔ kenye. Na Aaron bebi bananabi bammɔ badubuti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 4:25

Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ.

Lewiƒuɔ Ɔda Bubo 4:30

Na ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ bɔkyula lɛkpabi lɛlɔ mmɔ na uti ubugya ɔkladi uwi lɛkpabi lɛmmɔ kalɔ.

Lewiƒuɔ Ɔda Bubo 4:7

Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.

Lewiƒuɔ Ɔda Bubo 6:30

Nsu likpidi bɔkyiɛ ebuo biala na béti-nwu ubugya béduoku Unwoti Adi Kevo kesii kani nse kedee mmɔ ka babla akpala na bedie kɔtu bɔni na ukyuli ɔmmɔ lɛlɔ ni, útalɛ ka ɔdi biala utuku-nwu kenye, mmomu badubɔkyula-nwu ƒui.’ ”

Bumomo Bɔka 8:12

“Ɔmmɔ kama na Lewiƒuɔ bammɔ béti bana enu basia bakɔ bammɔ eli lɛlɔ. Na edie unwi abla likpidi lili buvele akpala ete Unwoti na eti unyɔdi lɛnɔ abla bɔkyula akpala ute Lewiƒuɔ likpidi kɔtu bɔni budie bana lɛlɔ.

Romaƒuɔ 5:10

Na si Katɔti ɔ́sɔku abu ku-nwu ntɛ ɔ́klibi ɔkɛnku ubidi kukpi lɛlɔ na uwi ɔni kemmo na nka bɔdi-nwu bekisine mmɔ ni, na uwi ɔni na abu ku-nwu ntɛ bɔdia mɛni ni, Katɔti ɔdubɔnu-bu kɔnyana utulo ƒui na bɔkɛ ngba bɔƒɔ ɔkɛnku Kristo ɔmmɔ lɛlɔ.

Eƒesoƒuɔ 2:16

Na lɛnɔ ni, Kristo kukpi na ugyii lɛlɔ ɔ́klibi bana inyɔ ƒui ku Katɔti ntɛ, na ɔ́da bukisi ala ani ƒui ńkya-ma ntɛ údie, na bábla unwi ku Katɔti.

Hebriƒuɔ 2:17

Ɔmɛni ɔsu na Katɔti ɔ́bla-nwu aani nwuna banwa kalɛ na ulu biala lɛlɔ. Ɔ́bla lɛni kalɛ na unwini ɔkpane unengudi ɔni mɔɔnu kɔnyana na ɔɔbla lɛla biala ulu lɛlɔ teete Katɔti, na uti nwuna ngba ɔkpa kalɛ na Katɔti uti bekyuli ekpidi ɔkyiɛ-ma.