Lewiƒuɔ Ɔda Bubo 8:13 - Katɔti Ɔku Kedee

¹³ Nwuna kama ni, Mose ɔ́lɔ Aaron bebi bananabi bammɔ úboku lɛlɔ kudɔ na ɔ́kya-ma lɛwu lɛtɔdi akɔnkɔ bune lɛmmɔ na úti aduni ɔ́da-ma kavobi. Na úti aduni adi úbo ɔ́da-ma eli aani kalɛ kani na Unwoti úbo-nwu ɔda mmɔ.

Lewiƒuɔ Ɔda Bubo 8:13 ပူးပေါင်းရင်းမြစ်များ

Kɔgya 132:9

Ya na ƒula bakpane bataabla ala ani nse siin uwi biala. Na aya na ƒula bekyuli kedee bebo kudu ku lɛlɔyɔ.

Israelƒuɔ Bɔlɛ 40:13

Na ɔmmɔ kama na eti ɔkpane awu kedee ɔmmɔ akya Aaron na awɛɛ-nwu nnɔmii kedee bɔmmɔ ese-nwu likpo. Kalɛ wakana na wabla ɔkpane wete-mi.

Israelƒuɔ Bɔlɛ 40:16

Na Mose ɔ́bla ɔsiaku kalɛ kani na Unwoti úbo-nwu ɔda.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Yesaia 61:6

Nsu ama alati ama badubunwini bakpane ku kabla bablane bete bula Unwoti. Kadi bamba bekyuli akɛla ƒui adubunwini bana ɔdi na baƒɔ lɛnyi.

Esekiel 42:14

Si uwi ɔni na bakpane báklibi lɛlɔ ka balɛ kakpakɔ kammɔ kemmo ni, lɛtɔ lɛmɛni kemmo na ɔlɛka basia asa na benwini besie kaduli kammɔ kemmo. Na bana adala ani na bábla bése sɛsɛɛ ute kabla kammɔ ni, mɛni na ɔlɛka bedie adala ammɔ bese na beti adala bamba bada asa na ama ku bekyuli bamba bataasala ku lɛlɔ.”

Lewiƒuɔ Ɔda Bubo 10:5

Anwuɔsu bálɛ bébo na báda bekpine bammɔ ku awuku ani mmu nkya-ma lɛlɔ mmɔ atu na bágyu-ma bálɛku mmɔ aani kalɛ na Mose úbo-ma ɔda.

Lewiƒuɔ Ɔda Bubo 8:21

Na ɔ́ƒɔ aƒɔla ammɔ ku agyobi ammɔ ƒui na úti koƒonu kɔmmɔ ɔ́kyula ɔ́bla akpala bɔkyula ƒui uyɔ ɔnyi ƒɛƒɛɛ ɔni mɔɔyɔ́ ami Unwoti kaƒɔ aani kalɛ na Unwoti úbo-nwu ɔda.

Petro 1 2:5

Biti lɛlɔ bite Katɔti na ɔtu Kɔyu kemmo kakpakɔ aani kalɛ na ɔtune uuti atabi taatu ɔtɔ. Bɛdubɔbla bakpane kedee bani muuti Kɔyu kemmo akpala ani námanku teete Katɔti ɔkɛnku Yesu Kristo lɛlɔ.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.

Budie Taatina 5:10

Awɔ nábla-ma bénwini baga ku bakpane bani mɔɔkpanku bekyuli teeboku bula Katɔti. Na badubɔdi lɛga na kalɔ lɛlɔ.”