Nsu Aaron ku nwuna kaba bebi ama ni, ama mɔɔbla akpala na Unwoti lɛkpabi lɛlɔ. Na baakyula oloƒui lɛnɔ na kesii kani nse kedee ƒui teeti taabla likpidi kɔtu bɔni budie akpala teete Israelƒuɔ. Aani kalɛ na Mose ɔni ndi Katɔti kabla ɔblane úbo ɔda.
Amu na Unwoti ɔ́su Mose ɔnini, “Ƒ'ɔnwani Aaron ku nwuna bebi bani ndi Nadab ku Abihu ku Eleasar ku Itamar ni, lɔ-ma lɛku Israelƒuɔ bammɔ akɔ na bebo-ɔ kudɔ. Ɔsika ama ndi bekyuli bani na lɛ́ƒuna lɛ́lɛku Israelƒuɔ akɔ ka babla mina bakpane.
“Asa na adubuse Aaron ku nwuna bebi badi bakpane ni, ala amɛni na ɔlɛka abla. Ƒuna ɔmantɛ akɔ ɔgyani ku baƒonu bagyani inyɔ bani na bɔsɔ bɔdi buuubo-ma lɛlɔ.
Na si Aaron úkpi ni, ɔlɛka beti nwuna ɔkpane lɛwu bete nwuna bebi bani mɔɔdi nwuna ala aani ɔkpane unegudi kalɛ. Na ɔlɛka ala ɔdine ɔmmɔ ɔkya lɛwu lɛmmɔ emeyi maatɛ ani kemmo na beesé-nwu ɔkpane mmɔ.
Na eti atɛntɛ aduni ammɔ ada-ma eli. Na eti bana aduni ada-ma kavobi. Na ese-ma aani mina bakpane kalɛ. Ɔsika ama ku bana bawɔ ndubo mina bakpane bɔbla úsela uwi ƒui.
Ala amɛni lɛlɔ ɔda na Unwoti úbo Mose na Sinai kɔbi lɛlɔ na limeyi lɛni lɛlɔ na Unwoti úbo Israel kadi bekyuli ɔda ka beteeti akpala teeboku-nwu na Sinai ketele kemmo mmɔ.
“Sie na etétiku Aaron ku nwuna bebi bananabi eboku ku lɛwu gyɔlɔɔ lɛni baakya mmɔ. Na eti likpose nnɔmii ku ɔmantɛ akɔ ɔgyani ɔni na badubuti bakyula babla likpidi lili buvele akpala ku baƒonu inyɔ. Na eti kagyigyɛ ku bodobodo ɔni kemmo na bɔnyii buuubo ada.
