Lewiƒuɔ Ɔda Bubo 7:18 - Katɔti Ɔku Kedee

¹⁸ Anwuɔsu si unwi bɔbla akpala ebuo ɔmmɔ lɛna lɛdi líbu limeyi lɛtɛdi na ɔdi ɔ́kun-ni ni, lɛɛɛdubo ukyuli ɔmmɔ bɔƒɔ ulu ɔdi lɛlɔ. Na akpala ammɔ aaadubo kɔsia kɔdi bɔlɛ bute ukyuli ɔmmɔ mmomu ɔdubɔkya-mi kɔnyi geen na ndubɔdu-nwu kɔtɔ geen.

Lewiƒuɔ Ɔda Bubo 7:18 ပူးပေါင်းရင်းမြစ်များ

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Yesaia 65:4

Bakɛ bekpine kɔvakɔ na kɔƒiɔtɔ akɔ usien umodi lɛlɛɛ talɛɛ talɛɛ banii baakpali ala. Na baadú baplakuo taakun na béƒulo lɛna lidu lɛni muusé lɛlɔ béyile kutu lɛtata.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Yeremia 14:10

“Mina bekyuli, bɛɛyɔ́ ka bitaagyú lɛgba taatɔlɔ-mi kudɔ uwi ndi uwi na bilakya ɔkplu ka bɛni bide-mi. Anwuɔsu ɔƒɛni ni, ami lɛnɔ ndubo-mii atu budie. Na lɛni-mii kɔtu na bina ekpidi ani na bɛ́bla ɔsu. Ami Unwoti násu.”

Yeremia 14:12

Bakana na bakɛ bataavi ku kɔka na bakyula akpala bayala-mi kaƒɔ na beti edula akpala babagya-mi enu. Nsu si béwulo bákpali-mi ni, lɛɛɛdubo-ma bɔkpete na lɛɛɛdubo-ma akpala ammɔ lɛnɔ bɔƒɔ. Mmomu ndubɔya na kekpo ku kɔka ku lɛlɛ lidu libadu-ma na lɛyila-ma udu ƒui.”

Esekiel 18:20

Bekyuli bani muulie taabla likpidi kani na badubo bɔdu. Bebi baaadubo abi adi bubo na bana bawɔne ablala ɔsu. Na lɛni kani na bawɔne lɛnɔ baaadubo abi bubo na bana bebi ablala kenye. Mmomu bekyuli bani nábla likpidi kani na badubo bɔdu. Bebi baaadubo abi bubo na bana bati ekpidi ɔsu. Na bawɔne lɛnɔ baaadubo abi bubo na bana bebi ekpidi ɔsu. Na badubo kayu kabuni bɔƒɔ bute bekyuli babuni na ala ani na bábla ɔsu.

Hosea 8:13

Bɛɛdú bina bebuo babuni ƒui taabla akpala na bɛɛdi akpala ammɔ lɛnɔ, nsu ami Unwoti anwu muuní bina akpala ammɔ. Mina anumi adubɔsia bina ekpidi lɛlɔ na lɛni-mii kɔtu na bɛsɔ binwini bisie Egyipte.

Lewiƒuɔ Ɔda Bubo 10:17

“Bi ɔsu na bítakun likpidi lili buvele akpala ammɔ na Kevo kammɔ kaduli? Ɔdi lɛla lɛni na lise kedee ƒui, na buti na béti-nwu béte-ɔ ka edie ekpidi na bekyuli ƒui lili aani kɔtɔ bukpi akpala na Unwoti anumi.

Lewiƒuɔ Ɔda Bubo 10:19

Amu na Aaron údie kenye ɔnini, “Ɔmwi na bábla bana likpidi buvele ku akpala bɔkyula na Unwoti anumi, nsu lɛla lɛmɛni udu lɛ́ɛlɛku-mi, na muuye-ɔ ni, si bɔdi na lɛ́di likpidi lili buvele akpala ammɔ ɔmwi ni, nka ɔdubo Unwoti kaƒɔ bɔyɔ ntuu?”

Lewiƒuɔ Ɔda Bubo 11:41

“ ‘Kebweyi biala mɔɔkpɛ́ kalɔ kadi kebweyi kani muusé lɛlɔ na utalɛka bɛkun ebuo ɔmmɔ.

Lewiƒuɔ Ɔda Bubo 17:16

Nsu si úni na útaƒɔ nwuna adala na útakpi ntu ni, anwu ɔlati nwuna etila na adi.’ ”

Lewiƒuɔ Ɔda Bubo 19:5

“ ‘Na si bina ɔdi ɔɔbla unwi bɔbla akpala ute-mi ni, ɔnu ka akpala ammɔ adubɔyɔ-mi kaƒɔ.

Lewiƒuɔ Ɔda Bubo 20:17

“ ‘Si ɔnana ɔdi úti ɔnwani ulekubi, ɔti ubidi na ɔdi o-o, uni ubidi na ɔdi o-o ni, ɔdi kɔƒa ala bɔbla na ɔlɛka bedie-ma bana badi akɔ.

Lewiƒuɔ Ɔda Bubo 20:19

“ ‘Ukyuli ɔdi ku uni ɔnwani ulekubi iye ɔti ɔnwani ulekubi batatɛ, ɔsika ɔmmɔ ɔdubudie ɔbu na ƒula ɔtɔ iye kaduli bekyuli lɛlɔ na ɔlɛka bani bana inyɔ ƒui kɔtu.

Lewiƒuɔ Ɔda Bubo 22:16

na baya na ukyuli ɔni na útalɛka ɔdi adila ammɔ adi ɔdi nya na ɔƒiɔ na uti kɔtu bɔni uboku lɛlɔ. Ami ndi Unwoti ɔni nábla akpala ammɔ kedee.’ ”

Lewiƒuɔ Ɔda Bubo 22:23

Si ɔdi ɔnii ɔɔbla kaƒɔ ƒaa akpala ni, ɔkana na uboku ɔmantɛ akɔ ɔgyani iye uledi iye koƒonu kɔni na ɔ́si-nwu bɔwɔ kemmo na kesii kadi kásɔ, nsu ɔɔɔdia uuute lili budie na kenye kani na ɔdi úse ɔsu.

Lewiƒuɔ Ɔda Bubo 22:25

na bitaƒɔ ɔmmɔ udu bitasiku ɔƒɔ ɔdi lɛnɔ kudɔ ka biti bɛkpa aani lɛdila bite Katɔti. Unwoti ɔɔɔdubo-ma bɔƒɔ, ɔsika bétedu na bɔsɔ bɔkya-ma lɛlɔ.’ ”

Lewiƒuɔ Ɔda Bubo 5:17

“Ɔƒɛni si ukyuli ɔdi ɔ́bla likpidi ɔ́ƒiɔ ala ani lɛlɔ ɔda na líbo-mii mɛni ɔdi ina útati asa na ɔ́bla-nya ni, ina amu ɔ́bla likpidi, na kɔtu bɔni bɔmmɔ bɔma-nwu lɛlɔ.

Lewiƒuɔ Ɔda Bubo 7:19

“ ‘Na lɛna biala nétuku lɛla lɛni muusé lɛlɔ ni, lɛsɔ lɛɛɛdia ka ɔdi ɔkun-ni. Mmomu ɔlɛka bakyula-ni kede kede. Na si uwi ɔni na lɛ́mu lise sɛɛn na lítetuku lɛla lɛni muusé lɛlɔ ni, ukyuli ɔni na use sɛɛn kani ndubɔkana na ɔkun-ni.

Amos 5:22

Na lɛɛɛdubo bina etela ku bebuo bani na bɛɛkyula teete-mi bɔƒɔ ina dɛ na bɛ́klibi-nya na adi akpala enengudi ƒui ani na bɛɛnu ka adia. Bina lɛsɛ likpludi lɛmmɔ lɛ́wɔ ɔƒaamu.

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Malakai 1:13

Bina ala bɔbla bɔɔtina ka bɛ́ɛnɔnku ala ammɔ bɔbla na biidie enu taakywɛ-nya ku lɛlɔ bɔtina. “Na si bíti bebuo bani na básɔ bíboku bɛnii bibakpa bite-mi ni, bɔƒɔ na ɔlɛka lɛƒɔ-ma?

Bumomo Bɔka 18:27

Na badubuti etela ammɔ aani edula ebi ani nási bina mmo edula ebi kewiilekɔ iye egyiibi ntu bɔni nási bina ntɛ kebulokɔ.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Romaƒuɔ 4:11

Lego bukulo ɔdi ɔni na Abraham ɔ́bla mɛni ni, anwu ndi likpo buse bɔni mɔɔtina ka Katɔti ɔ́ƒɔ-nwu. Ɔsika nwuna bɔƒɔtaadi náya na Katɔti ɔ́ƒɔ-nwu ka use siin asa na úkulo lego. Na bɔƒɔtaadi bɔmɛni ɔsu ni, Abraham únwini baƒɔtaadine ƒui ɔti. Na Katɔti ɔkɛnku Abraham lɛlɔ ɔ́ƒɔ-ma ka bese siin ina ka bétekulo tɔ lego muedi.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.