Lewiƒuɔ Ɔda Bubo 7:16 - Katɔti Ɔku Kedee

¹⁶ “ ‘Nsu is akpala ammɔ adi lili budie iye kaƒɔ ƒaa akpala ni, bakana bakun lɛna lɛmmɔ na limeyi lɛmmɔ. Na si lítasa ni, bakana bakun-ni kadi kégye.

Lewiƒuɔ Ɔda Bubo 7:16 ပူးပေါင်းရင်းမြစ်များ

Kɔgya 116:14

Na ala ani kenye na líse ka meboku Unwoti ni, ndubuti-nya liboku na kadi ƒui anumi.

Kɔgya 116:18

Na ala ani kenye na líse-ɔ ni, ndubuti-nya liboku-ɔ na kadi bekyuli anumi.

Kɔgya 66:13

Ndubuti akpala liboku mbakyula lite-ɔ na ƒula kakpakɔ. Na ndubuti ala ani kenye na líse liboku-ɔ.

Israelƒuɔ Bɔlɛ 35:29

Na Israelƒuɔ beleku ku banana bédie kayi ƒaa na béti ala pii bésienku Unwoti ka beti babla kabla kani na Unwoti ɔkɛnku Mose lɛlɔ úbo-ma ɔda mmɔ.

Agba 7:14

“Lɛ́bla mina unwi bɔbla akpala. Na ɔmwi lɛ́wɔlɔ lɛla biala ɔkɛnku kenye kani na líse lɛlɔ.

Esekiel 46:12

“Na si kaƒɔ ƒaa etela na ɔtɔnkune ɔmmɔ úti úboku ɔnii ubabla unwi bɔbla akpala iye uvele-mi na lite-nwu kusɛ kusɛ ni, badubɔlɛmi kakpakɔ geen kaduli ɔban kayakun kani na ɔƒɛ katukɔ kakɛ bete-nwu. Na ɔdubɔbla nwuna akpala aani kalɛ kani na ɔɔbla na Lɛnwunameyi biala lɛlɔ. Na si ɔ́tɔlɔ ni, na bakalɛ kayakun kammɔ.

Lewiƒuɔ Ɔda Bubo 22:23

Si ɔdi ɔnii ɔɔbla kaƒɔ ƒaa akpala ni, ɔkana na uboku ɔmantɛ akɔ ɔgyani iye uledi iye koƒonu kɔni na ɔ́si-nwu bɔwɔ kemmo na kesii kadi kásɔ, nsu ɔɔɔdia uuute lili budie na kenye kani na ɔdi úse ɔsu.

Lewiƒuɔ Ɔda Bubo 22:29

“Si ɔdi ébo ka ababla linugya akpala ni, bla akpala ammɔ kalɛ na Unwoti ɔƒɔ-nya ute-ɔ.

Lewiƒuɔ Ɔda Bubo 23:38

Na emeyi bɔdi bɔmmɔ kemmo biti bina lɛnwuna emeyi bɔdi ku bina etela akpala ku bina kenye kani bise Unwoti ku bina kayi ƒaa etela bɛda bibunku.

Nahum 1:15

“Amii Yudaƒuɔ, bɛɛnu ka ɔtalane ɔdi ɔ́si abi lɛlɔ ɔdubo ku keyi buɛɛ linyesia lɛbuni. Bɛdi bina emeyi abuni ku lɛlɔyɔ na bɛbla bɛsiaku kenye kani na bíse Unwoti lɛlɔ. Ɔsika lɛ́yila bina bekisine ƒui udu, na nsɔ lɛɛɛdubo bɔya na basɔ bebekpo-mii.”

Bumomo Bɔka 15:3

na ɔdi ɔɔyɔ́ ka uti ebuo ɔdi ɔsiku nwuna bebuo lidu akɔ ɔbla bɔkyula akpala ƒɛƒɛɛ ani mɔɔyɔ́ ami Unwoti kaƒɔ, iye kenye kadi na úse na ɔnii ɔɔbla akpala iye kayi ƒaa akpala iye akpala ani ndanku emeyi bɔdi ni,

Lɛkpa Ulu 12:11

Na Unwoti ɔlati ɔdubudie kesii kadi use na bitaakpa-nwu. Na mmɔ na bɛdubuti bina akpala ani ƒui na úbo-mii ɔda biboku. Na akpala ammɔ ndi akpala akyuladi ku akpala bamba ku bina akɛla lɛkpa leevudi ku bina etela ku etela ani bíse kenye ka bɛdubute Unwoti.

Lɛkpa Ulu 12:17

Na ɔdi utadi lɛla lɛni na ɔdubuti ɔkpa ute Unwoti na kesii kani na ulie. Bitadi bina edula lɛkpa leevudi iye bina ntɛ bɔwɔdi iye bina nnɔ iye bina ɔmantɛ bakɔ ku baƒonu ku bese bebi bedeedi iye etela ani bíse kenye ka bɛdubuti bite Unwoti iye bina kaƒɔ ƒaa etela iye etela biala na bina kuliekɔ mmɔ.

Lɛkpa Ulu 12:26

Na biti bina etela ku akpala ani bɛ́su bíse ka bɛdubute Unwoti bisienku kesii kani na Katɔti ɔ́su úse ka bitaakpa-nwu mmɔ.

Lɛkpa Ulu 12:6

Na mmɔ na bɛdubuti bina akpala akyuladi ku akpala bamba ku bina etela ku bina akɛla lɛkpa leevudi ku etela ani bíse kenye ka bɛdubute Unwoti ku bina kaƒɔ ƒaa etela ku bina ɔmantɛ bakɔ ku baƒonu ku bese bebi bedeedi biboku na bɛkpa bite-nwu.