Lewiƒuɔ Ɔda Bubo 7:13 - Katɔti Ɔku Kedee

¹³ Na si úti unwi bɔbla akpala ammɔ aani enugya ni, na ɔ́lɛka uti bodobodo ɔni kemmo na bɔnyii bɔkya ubunku edula ebi akpala ani bánwu na bɔnyii buuubo-nwu kemmo mmɔ.

Lewiƒuɔ Ɔda Bubo 7:13 ပူးပေါင်းရင်းမြစ်များ

Yeremia 33:11

lɛlɔyɔ kɔvanu ku ebiti kasala lidu lidu. Na adubunu ka beeti beleku taawɛɛ-ma ku ebiti katɔ. Na si bekyuli bébo-mi kudɔ na mina kakpakɔ banii beeti etela babakpa bete-mi ni, adubunu ka baasu banini, “ ‘Buumwi-ɔ, Unwoti Ɔyikune Ƒui! Bɛgya Unwoti enu, ɔsika ɔdia na ɔɔyɔ́-bu uwi ndi uwi.’ Na kalɔ kammɔ kadubɔsɔ kadia edula.

Lewiƒuɔ Ɔda Bubo 2:12

Bakana beti ala ammɔ basala ku kemo edula awɔdi ani báka bɔƒɛ beboku-mi aani etela, nsu balakyula-nya aani ogya akpala bɔkyula ƒui na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 23:17

Na kesi kesii na bilie ni, kaduli biala basiku bodobodo inyɔ inyɔ ɔni na béƒi ku ɔlaaƒɔ ɔni muukeye na bɔnyii bɔkya-nwu kemmo biboku bibakɔliku katɔ bɛtina Unwoti bibo kudu aani edula ebi edeedi akpala.

Lewiƒuɔ Ɔda Bubo 23:18

Na biti baƒonu bebi maatɛ bani na ɔdi biala ɔ́ƒɔ lɛkwa linwi na bɔsɔ bɔdi buuubo-ma lɛlɔ ku ɔmantɛ akɔ unwi ku baƒonu bagyani inyɔ bibunku bodobodo ɔmmɔ. Ala amɛni na bɛdubuti bɛkyula ƒui úbunku edula ebi ku nwuna lɛlɔ ntɛ aani akpala bɔkyula na ana uyɔ ɔnyi ƒɛƒɛɛ ɔyɔ Unwoti kaƒɔ.

Amos 4:5

“Amii biti bina etela lidu bitátina na bitaakun lɛmɛnɛ ɔsika ɔmmɔ udu kani na bɛgyi na bɛɛyɔ́ ka bitaabla. Ami Unwoti násu!

Mateo 13:33

Yesu ɔ́sɔ úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Uleku ɔdi úti bɔnyii ɔ́salaku ɔlaaƒɔ koƒo kunwi na ɔ́nwu ɔ́sala útédu uwi ɔni na bɔnyii bɔmmɔ bɔ́ƒɔ ɔlaaƒɔ ɔmmɔ ƒui na úƒu.”

Timoteo 1 4:4

Na sɔsɔ ni, lɛla biala na Katɔti údie ni, lɛdia. Anwuɔsu útalɛka bekyuli beni lɛdila lɛdi. Mmomu ɔlɛka baka Katɔti enu bɔgya na ana lili.