Lewiƒuɔ Ɔda Bubo 6:18 - Katɔti Ɔku Kedee

¹⁸ Ɔnana biala na Aaron bebi akɔ ɔkana na ɔdi adila ammɔ. Ɔsika adi bana kadikɔ na ala ani na bákyula béte-mi kemmo úsie bina kaba kaba kemmo bekyuli ƒui akɔ. Na lɛla biala nétuku ala ammɔ adubɔbla kedee. Na ukyuli biala metuku ala ammɔ lɛnɔ ɔ́bla kedee.’ ”

Lewiƒuɔ Ɔda Bubo 6:18 ပူးပေါင်းရင်းမြစ်များ

Israelƒuɔ Bɔlɛ 29:37

Na abla ala amɛni asia kama emeyi maatɛ. Na ɔmɛni ɔdubɔya na lɛkpabi lɛmmɔ lɛbla kedee. Na si ukyuli ɔdi útuku lɛkpabi lɛmmɔ ni, anwu lɛnɔ ɔdubɔbla kedee.”

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Lewiƒuɔ Ɔda Bubo 4:24

Ukyuli ɔmmɔ ɔdubuti enu ɔsia ketukpa kammɔ lili uti ɔtina ka aka na úti uunyene lɛlɔ kenye. Ɔmmɔ kama na ɔdu-ka na kesii kani na baadú bebuo taakyula teete-mi mmɔ. Na ndubɔƒɔ lite-nwu aani likpidi lili buvele akpala.

Lewiƒuɔ Ɔda Bubo 4:3

“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Lewiƒuɔ Ɔda Bubo 4:33

Ɔdubuti enu ɔsia likpidi bɔkyiɛ ebuo ɔmmɔ lili, na badu-ku na ɔmmɔ kama na beti babla likpidi bɔkyiɛ ɔdi ɔmmɔ.

Lewiƒuɔ Ɔda Bubo 6:10

Ɔkpane ɔmmɔ ɔdubɔka lɛwuku bɔkya use kalɔ asa na ɔkya awu kpɛtɛ kpɛtɛ bonwu gyɔlɔɔ ɔsia-nwu katɔ. Na udie ntɔ bɔni na lɛkpabi lɛmmɔ kalɔ ɔni na ogya ɔmmɔ ɔ́kyula akpala ammɔ ɔ́wɔlɔ uboku asi ammɔ kɔmadɔ.

Lewiƒuɔ Ɔda Bubo 6:19

Ɔmmɔ kama ni, Unwoti ɔsɔ ɔ́su Mose ɔnini,

Lewiƒuɔ Ɔda Bubo 6:27

Na ukyuli biala ɔni métuku lɛna lɛmmɔ ni, ɔ́bla kedee. Na si ebuo ɔmmɔ ubugya úwi awu ɔdi lɛlɔ ni, ɔdi ka baƒɔ awu ɔmmɔ na kesii kani nse kedee mmɔ.

Lewiƒuɔ Ɔda Bubo 6:29

Ɔnanabi biala na bakpane bammɔ akɔ ɔkana na ɔkun lɛna lɛmmɔ ƒaa, ɔsika lise kedee ƒui.

Lewiƒuɔ Ɔda Bubo 7:6

Ɔnana biala na bakpane bammɔ akɔ ɔdubɔkana na ɔkun lɛna lɛmmɔ lɛdi na Unwoti Adi Kevo kammɔ kaduli kesii kani na bédie bése sɛsɛɛ na use kedee ƒui mmɔ.

Bumomo Bɔka 18:10

Na si bɛɛdi ala ammɔ na bɛdi-nya na kesii kani nse kedee. Na awɔ ku ƒula bebi bananabi kani ɔlɛka bɛdi adila ammɔ. Bɛbu adila ammɔ ka ese kedee.

Bumomo Bɔka 18:8

Ɔmmɔ kama Unwoti ɔ́su Aaron ɔnini, “Ami ɔlati néti-ɔ líse etela biala na béti béboku-mi kenye. Na etela kedee biala na Israelƒuɔ badubuti buboku-mi ni, lɛ́sɔku-nya muute awɔ ku ƒula bebi bananabi aani bina kadikɔ ku lɛla lɛni na ɔdi ka bitaakɛ.

Korintoƒuɔ 1 9:13

Bɛgyi kede kede ka bekyuli bani mɔɔbla kabla na Katɔti kakpakɔ ni, mmɔ na baakɛ́ bana lɛdila. Na bekyuli bani muuti akpala taatásia lɛkpabi lɛmmɔ lɛlɔ ni, beete-ma bana kadikɔ.

Petro 1 1:16

Na Bunweni Kedee Ɔku kemmo ni, bénweni ka Katɔti ɔ́su nwuna bekyuli ɔnini, “Bɛbla lɛlɔ kedee, ɔsika ami nse kedee.”

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.