Lewiƒuɔ Ɔda Bubo 6:11 - Katɔti Ɔku Kedee

¹¹ Ɔmmɔ kama na ɔda lɛwu lɛni na ɔkya mmɔ udie na uti lɛwu lɛbambadi ɔkya asa na uti ntɔ bɔmmɔ ɔlɛku mmɔ utéwiakun na kesii kani bédie bése sɛsɛɛ na úsie bana keliekɔ kani na beli mmɔ kama.

Lewiƒuɔ Ɔda Bubo 6:11 ပူးပေါင်းရင်းမြစ်များ

Israelƒuɔ Bɔlɛ 29:37

Na abla ala amɛni asia kama emeyi maatɛ. Na ɔmɛni ɔdubɔya na lɛkpabi lɛmmɔ lɛbla kedee. Na si ukyuli ɔdi útuku lɛkpabi lɛmmɔ ni, anwu lɛnɔ ɔdubɔbla kedee.”

Esekiel 44:19

Na asa na badubɔlɛ kakpakɔ mmɔ lɛnɔ ni, ɔdi bedie ɔkpane adala ammɔ bese likpo kedee lɛni na báklibi bése na lɛtɔ lɛmmɔ kemmo na beti ama alati adala bada asa na basɔ batásalaku bana bekyuli na kaduli kemmo mmɔ. Si bábla lɛni ni, ukyuli bamba ɔdi ulétuku adala ammɔ na weboku ɔgbankpi nwuna lɛlɔ.

Lewiƒuɔ Ɔda Bubo 16:27

Na ɔmantɛ akɔ ku ese ɔni ndi likpidi lili buvele akpala bebuo bani ubugya na béti béduoku Katɔma Kedee kemmo mmɔ, na bátábla likpidi kɔtu bɔni budie akpala mmɔ ni, ɔlɛka balɛku-ma bana keliekɔ mmɔ batákyula ƒui na bana kakyakɔ kama ku bana lɛku ku lɛna lɛmmɔ ku ala ani na béwilimi-ma nƒɔ kemmo ƒui.

Lewiƒuɔ Ɔda Bubo 24:9

Na bodobodo ɔmmɔ ɔdi Aaron ku nwuna kaba ɔdi. Na ɔlɛka badi bodobodo ɔmmɔ na kesii kani nse kedee. Ɔsika bodobodo ɔmɛni ɔdi adila ani nse kedee na beti bete Unwoti ka bakpane badi.”

Lewiƒuɔ Ɔda Bubo 4:12

Na ala ani ƒui nébu ni, ɔlɛka balɛku-nya bana keliekɔ mmɔ besienku kama ƒui na kesii kani na bédie bése sɛsɛɛ beewi ala ani na bákyula mmɔ ntɔ. Na mmɔ na badubo ogya ɔbambadi bɔsala na bakyula ala ammɔ ƒui na kesii kani na ntɔ bɔmmɔ buwi mmɔ.

Lewiƒuɔ Ɔda Bubo 4:21

Ɔmmɔ kama na beti akɔ ɔmmɔ balɛku bana keliekɔ mmɔ besienku kama ƒui batákyula kalɛ kani na bábla udeedi. Na ɔmmɔ ndi kadi ƒui likpidi butitaakyiɛ akpala.

Lewiƒuɔ Ɔda Bubo 6:10

Ɔkpane ɔmmɔ ɔdubɔka lɛwuku bɔkya use kalɔ asa na ɔkya awu kpɛtɛ kpɛtɛ bonwu gyɔlɔɔ ɔsia-nwu katɔ. Na udie ntɔ bɔni na lɛkpabi lɛmmɔ kalɔ ɔni na ogya ɔmmɔ ɔ́kyula akpala ammɔ ɔ́wɔlɔ uboku asi ammɔ kɔmadɔ.

Lewiƒuɔ Ɔda Bubo 6:12

Na ogya ɔni na lɛkpabi lɛmmɔ lɛlɔ ni, ɔlɛka banu ka ɔkya mmɔ uwi mmɔ uwi biala na uteni. Mmomu bakpane bammɔ banu ka bákya ekyweni ogya ɔmmɔ kemmo ɔtanta biala. Na akpala ani na bekyuli beeboku ni, ɔkpane ɔmmɔ ɔnu ka bákyula-nya ƒui ku lɛmwi lɛni bédie na unwi bɔbla akpala ammɔ kemmo.

Lewiƒuɔ Ɔda Bubo 6:20

“Akpala ani ndubo-ɔ bɔtina mɛni ndi akpala ani na Aaron ku nwuna bebi bananabi badubuti beboku-mi na limeyi lɛni lɛlɔ na badubuwi bana ɔdi nnɔmii lili na bese-nwu likpo. Ɔlaaƒɔ sɛɛn ɔni mabla aani antabi lɛkyami linwi na badubuti beboku aani limeyi ndi limeyi etela ani beele kakɛ ɔtanta ku kakɛ useyi uwi.

Lewiƒuɔ Ɔda Bubo 6:22

Ɔƒɛni ɔkpane unengudi ɔni bése likpo mmɔ lɛnɔ ɔdubunye nwuna kenyekɔ na nwuna bebi bammɔ akɔ. Na anwu uti akpala ammɔ ɔkyula ƒui ute-mi na ulu ɔni lɛlɔ na lɛ́lɛ ugyii líse lɛlɔ.

Lewiƒuɔ Ɔda Bubo 7:6

Ɔnana biala na bakpane bammɔ akɔ ɔdubɔkana na ɔkun lɛna lɛmmɔ lɛdi na Unwoti Adi Kevo kammɔ kaduli kesii kani na bédie bése sɛsɛɛ na use kedee ƒui mmɔ.