Lewiƒuɔ Ɔda Bubo 6:10 - Katɔti Ɔku Kedee

¹⁰ Ɔkpane ɔmmɔ ɔdubɔka lɛwuku bɔkya use kalɔ asa na ɔkya awu kpɛtɛ kpɛtɛ bonwu gyɔlɔɔ ɔsia-nwu katɔ. Na udie ntɔ bɔni na lɛkpabi lɛmmɔ kalɔ ɔni na ogya ɔmmɔ ɔ́kyula akpala ammɔ ɔ́wɔlɔ uboku asi ammɔ kɔmadɔ.

Lewiƒuɔ Ɔda Bubo 6:10 ပူးပေါင်းရင်းမြစ်များ

Kɔgya 20:3

Na unyimo akpala ani na ábla éte-nwu ku ala ani na ákyula éte-nwu na aƒɔ-nwu anu.

Kɔgya 37:20

Na bekyuli bekpidi ama ni, badi Unwoti Katɔti bekisine. Anwuɔsu badubɔyii aani kalɛ kugyii anwula aanu taayii udu. Na badubɔyii ku udu aani kalɛ uyɔ ɔyii takya kayaa kemmo.

Esekiel 44:19

Na asa na badubɔlɛ kakpakɔ mmɔ lɛnɔ ni, ɔdi bedie ɔkpane adala ammɔ bese likpo kedee lɛni na báklibi bése na lɛtɔ lɛmmɔ kemmo na beti ama alati adala bada asa na basɔ batásalaku bana bekyuli na kaduli kemmo mmɔ. Si bábla lɛni ni, ukyuli bamba ɔdi ulétuku adala ammɔ na weboku ɔgbankpi nwuna lɛlɔ.

Lewiƒuɔ Ɔda Bubo 1:13

Na agyobi ku kaƒɔ ala ammɔ ni, ɔdubuti-nya ɔkya ntu kemmo na ɔƒɔ kaduɛ. Na bakpane bammɔ beti ana ƒui basia ogya na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 1:9

Na ukyuli ɔmmɔ ɔdubuti kaƒɔ ala ammɔ ku agyobi ɔkya ntu kemmo na ɔƒɔ kaduɛ na beti basia ogya ɔmmɔ lɛlɔ na akywi. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 16:4

Ɔdi ka ɔkya nwuna awu kpɛtɛ kpɛtɛ gyɔlɔɔ ɔmmɔ ɔsia awuku kpɛtɛ kpɛtɛ ani na ɔdubɔkya use kalɔ na ama-nwu ɔlɔna lɛlɔ mmɔ lɛlɔ. Na ɔkya awu ɔtɔdi akɔnkɔ bune ɔmmɔ ɔsia-nwu lɛlɔ, na uti kavobi lɛduni kpɛtɛ kpɛtɛ lɛmmɔ ɔbala kavobi, na uti dukuu kabwa kpɛtɛ kpɛtɛ kammɔ ubi. Lɛwu lɛmɛni lɛdi lɛwu kedee, anwuɔsu ɔlɛka ɔkpi ntu asa na ɔkya-ni.

Lewiƒuɔ Ɔda Bubo 2:11

“ ‘Edula ebi etela biala na ɔdi éti aduboku-mi ni, nu ka bɔnyii bɔdi buuubo-nwu kemmo. Ɔsika lɛla lɛni kemmo na bɔnyii bɔkya iye uwɔ ni, utalɛka beti-nwu babla ogya akpala bɔkyula ƒui bete-mi.

Lewiƒuɔ Ɔda Bubo 21:22

Ukyuli ɔmɛni udu ɔkana na ɔdi adila kedee ku ani nse kedee ƒui ani béti bákpa béte-mi mmɔ adi,

Lewiƒuɔ Ɔda Bubo 4:12

Na ala ani ƒui nébu ni, ɔlɛka balɛku-nya bana keliekɔ mmɔ besienku kama ƒui na kesii kani na bédie bése sɛsɛɛ beewi ala ani na bákyula mmɔ ntɔ. Na mmɔ na badubo ogya ɔbambadi bɔsala na bakyula ala ammɔ ƒui na kesii kani na ntɔ bɔmmɔ buwi mmɔ.

Lewiƒuɔ Ɔda Bubo 6:11

Ɔmmɔ kama na ɔda lɛwu lɛni na ɔkya mmɔ udie na uti lɛwu lɛbambadi ɔkya asa na uti ntɔ bɔmmɔ ɔlɛku mmɔ utéwiakun na kesii kani bédie bése sɛsɛɛ na úsie bana keliekɔ kani na beli mmɔ kama.

Lewiƒuɔ Ɔda Bubo 6:18

Ɔnana biala na Aaron bebi akɔ ɔkana na ɔdi adila ammɔ. Ɔsika adi bana kadikɔ na ala ani na bákyula béte-mi kemmo úsie bina kaba kaba kemmo bekyuli ƒui akɔ. Na lɛla biala nétuku ala ammɔ adubɔbla kedee. Na ukyuli biala metuku ala ammɔ lɛnɔ ɔ́bla kedee.’ ”

Lewiƒuɔ Ɔda Bubo 6:22

Ɔƒɛni ɔkpane unengudi ɔni bése likpo mmɔ lɛnɔ ɔdubunye nwuna kenyekɔ na nwuna bebi bammɔ akɔ. Na anwu uti akpala ammɔ ɔkyula ƒui ute-mi na ulu ɔni lɛlɔ na lɛ́lɛ ugyii líse lɛlɔ.

Lewiƒuɔ Ɔda Bubo 8:2

“Sie na etétiku Aaron ku nwuna bebi bananabi eboku ku lɛwu gyɔlɔɔ lɛni baakya mmɔ. Na eti likpose nnɔmii ku ɔmantɛ akɔ ɔgyani ɔni na badubuti bakyula babla likpidi lili buvele akpala ku baƒonu inyɔ. Na eti kagyigyɛ ku bodobodo ɔni kemmo na bɔnyii buuubo ada.

Bumomo Bɔka 16:21

“Bɛmami lɛlɔ bɛsiku bekyuli bammɔ ƒui kudɔ na ɔdia-mi na lɛyila-ma udu ƒui kɔnakunwi.”

Bumomo Bɔka 16:35

Kɔnakunwi ni, ogya ɔ́si katɔ úbakyula nkyuli eti alɔ bani mɔɔkyula oloƒui mmɔ.

Budie Taatina 19:14

Na katɔ bekpone ƒui bakya lɛwu lɛbuni lɛƒualadi lɛni nse sɛɛn, na belie bapɔnkɔ baƒualadi lɛlɔ na basiaku ukyuli ɔmmɔ kama.

Budie Taatina 19:8

Blɔti úte-ma kɔdi kɔbuni kɔni muukeye sɛɛn ka beti benyimi.” Na kɔdi kɔbuni kɔmmɔ ndi ala siin ani na Katɔti bekyuli bammɔ bábla.

Budie Taatina 7:13

Amu na benengu bammɔ akɔ unwi úye-mi ɔnini, “Ɔma bene ndi bekyuli bani nkya lɛwu lɛƒualadi mɛni lɛni? Na wɛ na bási?”