Lewiƒuɔ Ɔda Bubo 5:7 - Katɔti Ɔku Kedee

⁷ “ ‘Nsu si nwuna ɔyikun útedu koƒonu ni, na uti babloduma inyɔ iye bamangbɛ inyɔ uboku Unwoti anumi aani nwuna likpidi kɔtu bɔni budie akpala na nwuna ekpidi lili. Na badubuti unwi babla likpidi kɔtu bɔni budie akpala, na beti unyɔdi babla ogya akpala bɔkyula ƒui ɔdi.

Lewiƒuɔ Ɔda Bubo 5:7 ပူးပေါင်းရင်းမြစ်များ

Lewiƒuɔ Ɔda Bubo 12:6

“ ‘Na si lɛlɔ bɔbla sɛɛn emeyi ammɔ édu na ubi ɔnanabi iye ulekubi bɔwɔ kama ni, ɔlɛka uwele ɔmmɔ ɔwia koƒonu ubi ɔni náakɛ lɛkwa uboku ɔkpane na Unwoti Adi Kevo kammɔ kayakun na uti ɔbla akpala bɔkyula ku mangbɛ iye abloduma na uti ɔbla likpidi lili buvele akpala ute Unwoti.

Lewiƒuɔ Ɔda Bubo 12:8

“ ‘Na si uleku ɔmmɔ ulakana koƒonu ubi bute ni, ɔkana na ɔwia bamangbɛ inyɔ iye babloduma inyɔ na uti unwi ɔbla akpala bɔkyula. Na uti unyɔdi ɔbla likpidi lili buvele akpala Na ulu ɔmɛni lɛlɔ na ɔkpane ɔdubɔbla lɛlɔ bɔbla sɛɛn ɔdi ɔmmɔ ute-nwu na ɔbla sɛɛn.’ ”

Lewiƒuɔ Ɔda Bubo 14:30

Na ɔmmɔ kama na uti nwuna babloduma iye bamangbɛ bakɔdi bani na ɔ́kɛ mmɔ ɔkpa.

Lewiƒuɔ Ɔda Bubo 14:31

Na lɛla lɛni na ɔ́kɛ ni, uti unwi ɔbla likpidi lili buvele akpala na uti unyɔdi ɔbla akpala bɔkyula úbunku edula ebi akpala ammɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla lɛlɔ bɔbla sɛɛn ɔdi ɔmmɔ ute ukyuli ɔmmɔ.”

Lewiƒuɔ Ɔda Bubo 15:30

Na ɔkpane ɔmmɔ ɔdubuti baasɛ bammɔ unwi ɔbla likpidi lili buvele akpala na uti ɔkladi ɔbla akpala bɔkyula. Na lɛni na ɔkpane ɔmmɔ ɔdubɔbla akpala ammɔ na Unwoti udie kɔtu bɔni biala na uleku ɔmmɔ lɛlɔ.

Lewiƒuɔ Ɔda Bubo 16:5

Na ɔƒɔ betukpa inyɔ ku koƒonu kɔgyani kunwi ɔsiku Israelƒuɔ bammɔ kudɔ. Na uti betukpa inyɔ bammɔ ɔbla likpidi lili buvele akpala na uti ɔmantɛ akɔ ɔmmɔ ɔbla bɔkyula akpala.

Lewiƒuɔ Ɔda Bubo 27:8

Nsu si ukyuli ɔni nése kenye mmɔ ɔdi ɔwabane geen ni, na ɔkpanku ukyuli ɔni na úti úse kenye mmɔ usienku ɔkpane kudɔ na ɔsɔku kayu kani na ɔwabane ɔmmɔ wakana bɔƒɔ ɔkya-nwu.

Lewiƒuɔ Ɔda Bubo 5:11

“ ‘Nsu si uuubo babloduma inyɔ iye bamangbɛ inyɔ ni, na uti ɔlaaƒɔ ɔni muukeye lɛɛƒɛɛ inyɔ ubabla likpidi kɔtu bɔni budie akpala ammɔ. Na uteti nnɔ iye oloƒui utasia, ɔsika likpidi bɔkyiɛ etela na adi.

Lewiƒuɔ Ɔda Bubo 7:1

“ ‘Ɔda bubo bɔmɛni ndanku kɔtɔ bukpi akpala ani ndi lɛla lɛni nse kedee ƒui.

Lewiƒuɔ Ɔda Bubo 9:3

Amu na Unwoti ɔ́su Mose ɔnini, “Su Israelƒuɔ anini ‘Biti ketukpa bɛbla alaekpidi bɔkyiɛ akpala. Na biti ɔmantɛ akɔ ɔkɔdi ku koƒonu kɔkɔdi bani maƒɔ aani lɛkwa linwi linwi kani, na bese sɛɛn, na lɛla lɛdi lɛɛɛda-ma, na biti bɛbla akpala bɔkyula.

Bumomo Bɔka 5:6

“Sɔ kɔ lɛsa na asu Israelƒuɔ anini, ‘Si ukyuli ɔ́lɛ Unwoti kama na útábla ɔkpanadi likpidi lɛdi ni,

Bumomo Bɔka 6:10

Na limeyi maanedi lɛlɔ ni, ɔlɛka ɔwia babloduma inyɔ iye bamangbɛ inyɔ na uti-ma usienku ɔkpane na Unwoti Adi Kevo kayakun.

Bumomo Bɔka 6:11

Na ɔkpane ɔmmɔ ɔdubuti aasɛ unwi ɔbla likpidi lili buvele akpala na uti unyɔdi ɔbla bɔkyula akpala ute Unwoti na nwuna likpidi lili kayu bɔƒɔ. Ɔsika úlie bekyuli bani muuwulo ukpine akɔ ɔsu ɔ́bla likpidi. Na limeyi lɛmmɔ kani lɛlɔ ni, ɔlɛka ɔsɔ ɔbla nwuna lili linwini kedee sɛsɛɛ use ute Unwoti.

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Mateo 21:12

Yesu úsie útéduo Katɔti kakpakɔ na ɔ́gya bekyuli bani nkya mɔɔdi kuye na mmɔ ɔ́lɛku kaduli kammɔ kemmo. Údi kasiakɔ kani lɛlɔ na bekyuli bani mɔɔvumana kɔlɔ bamba egulabi teete bekyuli mmɔ úbo. Na údi bani muuyé babloduma lɛnɔ eboku úbo.

Mateo 3:16

Amu ka Yohane ɔ́kpila Yesu ntu na ɔ́nya ɔ́lɛ ntu bɔmmɔ kemmo kani na katɔ kálɛmi na Katɔti Kɔyu kɔ́si kɔɔyu aani abloduma kalɛ, na kúbelie-nwu lɛlɔ.

Luka 2:24

Na bésie bátábla akpala béte Unwoti, ɔsika ɔda bubo bɔmmɔ bɔ́tina ka beti babloduma inyɔ iye bamangbɛ inyɔ bakpa bete-nwu.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.