Lewiƒuɔ Ɔda Bubo 5:17 - Katɔti Ɔku Kedee

¹⁷ “Ɔƒɛni si ukyuli ɔdi ɔ́bla likpidi ɔ́ƒiɔ ala ani lɛlɔ ɔda na líbo-mii mɛni ɔdi ina útati asa na ɔ́bla-nya ni, ina amu ɔ́bla likpidi, na kɔtu bɔni bɔmmɔ bɔma-nwu lɛlɔ.

Lewiƒuɔ Ɔda Bubo 5:17 ပူးပေါင်းရင်းမြစ်များ

Kɔgya 19:12

Ukyuli ulánu anwu ɔlati ekpidi ƒui taati. Unwoti, die-mi lɛku ala ani na lɛ́bla na lɛɛɛgyi ka bɔƒiɔ na bɔdi kemmo.

Lewiƒuɔ Ɔda Bubo 4:13

“ ‘Na si ɔƒɛni kalɛ kadi kammɔ ƒui naaagyi asa na bábla lɛla lɛdi na báta bénye Unwoti ɔda bubo bɔdi lɛlɔ ni, ɔdi-ma bɔƒiɔ ina ka bátati asa na bábla-ni.

Lewiƒuɔ Ɔda Bubo 4:22

“ ‘Na si ɔtɔnkune ɔdi nábla likpidi lɛdi na ɔ́ƒiɔ Unwoti nwuna Katɔti ɔda bubo bɔdi ina útati ni, ɔ́ƒiɔ.

Lewiƒuɔ Ɔda Bubo 4:27

“ ‘Ɔƒɛni si Israel kadi akɔ ukyuli ɔdi nátati asa na ɔ́bla lɛla lɛdi ɔ́ƒiɔ Unwoti ɔda bubo bɔdi ni, ɔ́ƒiɔ na ɔmmɔ ɔsu.

Lewiƒuɔ Ɔda Bubo 5:15

“Si ɔƒɛni kalɛ ukyuli ɔdi útadi nwuna litemi lɛlɔ ɔkɛnku ala ani na lɛ́lɛ ugyii líse ka ute-mi ka ese-mi sɛsɛɛ kedee ɔsu ni, ɔ́bla likpidi si ina útati na úbati kama. Ɔmmɔ ɔsu ɔlɛka uti kɔtɔ bukpi akpala uboku Unwoti ani ndi koƒonu kɔgyani kɔni nse sɛɛn na kútasɔ kesii kadi ɔsiku nwuna baƒonu akɔ. Na ɔlɛka kuna kuye kudu sika ɔƒualadi ɔni na ɔkpane ɔmmɔ ɔ́su kenye. Ɔmmɔ na ɔdubuti ɔbla kɔtɔ bukpi akpala ammɔ.

Lewiƒuɔ Ɔda Bubo 5:18

Ɔmmɔ ɔsu ɔlɛka uti koƒonu kɔni nse sɛɛn na kútasɔ uboku ɔkpane. Na kuna kuye kulieku kalɛ na baakya kuye teete kɔtɔ bukpi ebuo ɔmmɔ udu. Na ɔkpane ɔmmɔ ɔbla likpidi kɔtu bɔni budie akpala na nwuna ekpidi ani na ɔ́bla lili na útati na liti lɛkyiɛ-nwu.

Lewiƒuɔ Ɔda Bubo 5:19

Ndubɔƒɔ lite-nwu aani kɔtɔ búkpi akpala, ɔsika ɔ́bla likpidi na Unwoti anumi.”

Luka 12:48

Nsu kabla ɔblane ɔni naaagyi lɛla lɛni na nwuna Unwoti ɔɔwia ka ɔbla nsu ɔ́bla lɛla lɛni na bani-nwu kɔtu ni, nwuna kɔtu bɔni bɔɔbla blii suɛ. Si ukyuli ɔni na béte-ɔ ala pii ni, lɛni kani na ɔlɛka abla ala pii. Na ukyuli ɔni na béte-ɔ ala pii betulo ni, lɛni kani na ɔlɛka abla kabla pii etulo.

Romaƒuɔ 14:23

Nsu si ukyuli ɔdi ɔɔdi lɛla lɛdi na nwuna kayi kalátunaku-nwu ni, báadu-nwu kɔtɔ kukuuku, ɔsika uládi lɛla lɛmmɔ na bɔƒɔtaadi kemmo. Na lɛla biala na ukyuli ɔɔbla na ɔɔɔkɛnku bɔƒɔtaadi lɛlɔ ni, ɔdi-nwu likpidi.