Lewiƒuɔ Ɔda Bubo 5:16 - Katɔti Ɔku Kedee

¹⁶ Na ala kedee ani na úni na úteti úteboku-mi mmɔ ni, ɔlɛka uti-nya uboku na ɔƒɔ ala ammɔ kayu lɛkpa lɛlɔndi ɔsia-nya lɛ́lɔ ute ɔkpane ɔmmɔ. Na ɔkpane ɔmmɔ uti koƒonu ɔbla akpala na lidie kɔtu bɔni na ukyuli ɔmmɔ lɛlɔ na liti lɛkyiɛ-nwu.

Lewiƒuɔ Ɔda Bubo 5:16 ပူးပေါင်းရင်းမြစ်များ

Kɔgya 69:4

Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Israelƒuɔ Bɔlɛ 22:1

“Si ukyuli ɔdi úyu ɔmantɛ akɔ iye koƒonu na ɔ́du-ku iye úti-ku úye ni, ɔlɛka ɔƒɔ ɔmantɛ bakɔ ɛlɔ kayu na akɔ ɔgyani ɔni na úyu lili, na ɔlɛka ɔƒɔ baƒonu ine kayu na koƒonu kɔni na úyu lili.

Lewiƒuɔ Ɔda Bubo 22:14

Si ukyuli ɔni nátasi ɔkpane kaba kemmo útati na ɔ́di adila ammɔ adi ni, ɔlɛka ɔƒɔ adila ani na ɔ́di mmɔ kayu na ɔ́sɔ uti adila ammɔ kuye bɔƒɔ lɛkpa lɛlɔndi ubunku kayu kammɔ lɛlɔ ute ɔkpane ɔmmɔ.

Lewiƒuɔ Ɔda Bubo 27:13

Na si ɔlati ɔmmɔ ɔɔyɔ́ ka ɔƒɔ ebuo ɔmmɔ lili kayu na ɔsɔ ɔƒɔ-nwu ni, ɔlɛka ɔƒɔ kuye kɔmmɔ lɛkpa lɛlɔndi ɔsia-nwu lɛlɔ.

Lewiƒuɔ Ɔda Bubo 27:15

Na si ukyuli ɔni néti nwuna kaduli úte mmɔ ɔɔyɔ́ ka ɔsɔ ɔƒɔ-ka ni, ɔlɛka uti kuye kɔmmɔ lɛkpa lɛlɔndi ubunku sika ugyii ɔmmɔ na kadubɔsɔ kenwini nwuna kadi.

Lewiƒuɔ Ɔda Bubo 27:27

Nsu si ebuo ɔmmɔ ɔdi bebuo bani neeese sɛɛn mmɔ ɔdi ni, ubo kuƒi ka ɔƒɔ ebuo ɔmmɔ uye na kuye kɔni námanku lɛlɔ. Nsu ɔlɛka uti kuye kɔmmɔ lɛkpa lɛlɔndi ɔsia-nwu lɛlɔ. Na si ulayɔ ka ɔsɔ ɔƒɔ-nwu uye ni, bakana na beti ebuo ɔmmɔ beye kuye kɔni na bálɛ ugyii.

Lewiƒuɔ Ɔda Bubo 27:31

Lɛla lɛkpa leevudi biala na ukyuli ɔdi úte na ɔɔwia ka ɔsɔ ɔƒɔ-ni uye ni, ɔlɛka ɔƒɔ kayu kani básu bése na ɔsɔ ɔƒɔ kayu kammɔ lɛkpa lɛlɔndi ɔsia-nwu lɛlɔ.

Lewiƒuɔ Ɔda Bubo 4:20

Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma.

Lewiƒuɔ Ɔda Bubo 4:26

Na ebuo ɔmmɔ lɛmwi ƒui ni, ɔdubuti-ni ɔkyula na lɛkpabi lɛmmɔ lɛlɔ aani kalɛ baakyula unwi bɔbla lɛmwi. Ulu ɔmɛni lɛlɔ na ɔkpane ɔmmɔ ɔdubɔsia na ɔbla likpidi kɔtu bɔni budie akpala na lidie likpidi kɔtu bɔni biala na ukyuli ɔmmɔ lɛlɔ na liti-nya lɛkyiɛ-nwu.

Lewiƒuɔ Ɔda Bubo 5:10

Na unyɔdi ni, ɔdubuti-nwu ɔbla akpala bɔkyula ƒui ɔdi aani kalɛ na líbo-mii ɔda ute ukyuli ɔmmɔ ekpidi ani ƒui na ɔ́bla bɔkyiɛ na liti-nya lɛkyiɛ-nwu.

Lewiƒuɔ Ɔda Bubo 5:13

Ulu ɔmmɔ lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ. Na ɔlaaƒɔ ɔkladi ɔni mebu ɔdubunwini ɔkpane ɔmmɔ kadikɔ aani kalɛ na baabla edula akpala.’ ”

Lewiƒuɔ Ɔda Bubo 5:6

Ɔmmɔ kama na uti nwuna likpidi kɔtu bɔni budie akpala uboku Unwoti anumi na likpidi lɛni na ɔ́bla ɔsu. Ɔlɛka uboku koƒonu iye ese uledi ɔsiku nwuna bebuo akɔ ute akpala ammɔ. Na ulu ɔmɛni lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 7:2

Na kesii kani na bádu bɔkyula ƒui akpala ebuo ni, mmɔ kani na ɔlɛka badu kɔtɔ bukpi akpala ebuo ɔmɛni lɛnɔ na beti nwuna ubugya bakuna bewi lɛkpabi lɛmmɔ lɛlɔ bamana.

Bumomo Bɔka 5:7

Ɔlɛka ukyuli ɔmmɔ ɔsu likpidi lɛni na ɔ́bla na ɔƒɔ likpidi lɛni na ɔ́bla mmɔ kayu ƒui ute ukyuli ɔni na ɔ́ƒiɔ mmɔ. Na ɔsɔ ɔƒɔ kayu kammɔ lɛkpa lɛlɔndi ɔsia kayu kammɔ lɛlɔ ute-nwu.

Bumomo Bɔka 5:8

Nsu si ukyuli ɔni na badubɔƒɔ kayu kammɔ bete úkpi na uuubo lɛlɔ ukyuli ɔdi na baƒɔ kayu kammɔ bete-nwu ni, na lɛla lɛni na nka ɔlɛka baƒɔ mmɔ línwini Unwoti ɔdi na ɔlɛka beti bete ɔkpane ku ɔmantɛ akɔ ɔni na béti baabla likpidi lili kayu bɔƒɔ bɔmmɔ na ukyuli ɔni náƒiɔ mmɔ lili.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Batalane Kabla 26:20

Lɛ́ka litemi buni bɔsu bute Damaskoƒuɔ ku Yerusalemƒuɔ ku Yudaƒuɔ ƒui ku bani naaadi Yudaƒuɔ lɛnɔ nnii benwini kama bakya bana ekpidi na beti anumi besienku Katɔti kudɔ, na bataabla ala ani mɔɔtina ka bávumana sɔsɔ.

Samuel 1 6:3

Mmɔ na bédie kenye banini, “Si bɛ́sɔku Unwoti Bunyimi Adaka ɔmmɔ bíselaku Israel ni, biteti anwu lɛti bitada, mmomu biti etela adi bibunku bitékpi kɔtɔ. Na bina ɔlɛ ɔdubɔba-mii. Na bɛdubɔti lɛnɔ lɛla lɛni ɔsu na Unwoti ɔ́ya na ɔgbankpi ɔmɛni udu ɔ́siaku-mii lɛni.”