Lewiƒuɔ Ɔda Bubo 5:10 - Katɔti Ɔku Kedee

¹⁰ Na unyɔdi ni, ɔdubuti-nwu ɔbla akpala bɔkyula ƒui ɔdi aani kalɛ na líbo-mii ɔda ute ukyuli ɔmmɔ ekpidi ani ƒui na ɔ́bla bɔkyiɛ na liti-nya lɛkyiɛ-nwu.

Lewiƒuɔ Ɔda Bubo 5:10 ပူးပေါင်းရင်းမြစ်များ

Lewiƒuɔ Ɔda Bubo 4:20

Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma.

Lewiƒuɔ Ɔda Bubo 4:26

Na ebuo ɔmmɔ lɛmwi ƒui ni, ɔdubuti-ni ɔkyula na lɛkpabi lɛmmɔ lɛlɔ aani kalɛ baakyula unwi bɔbla lɛmwi. Ulu ɔmɛni lɛlɔ na ɔkpane ɔmmɔ ɔdubɔsia na ɔbla likpidi kɔtu bɔni budie akpala na lidie likpidi kɔtu bɔni biala na ukyuli ɔmmɔ lɛlɔ na liti-nya lɛkyiɛ-nwu.

Lewiƒuɔ Ɔda Bubo 4:31

Mmɔ ni, ɔdubudie ebuo ɔmmɔ lɛmwi ƒui aani kalɛ na bédie unwi bɔbla akpala ebuo ɔmmɔ lɛmwi. Na ɔkpane ɔmmɔ ɔdubuti ɔkyula. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔdubɔsia na ɔbla akpala na udie likpidi kɔtu bɔni na ukyuli ɔmmɔ lɛlɔ.

Lewiƒuɔ Ɔda Bubo 4:35

Ɔmmɔ kama badubudie lɛmwi lɛmmɔ ƒui aani kalɛ na beedie koƒonu ubi ɔni na béti bábabla unwi bɔbla akpala kalɛ. Na ɔkpane ɔmmɔ ɔdubuti ɔbla akpala bɔkyula na lɛkpabi lɛmmɔ lɛlɔ. Na ɔmmɔ ɔdubɔbla ogya akpala bɔkyula ƒui ute-mi na uyɔ ɔmmɔ ɔnyi ƒɛƒɛɛ ɔyɔ-mi kaƒɔ. Ulu ɔmɛni lɛlɔ na ɔkpane ɔmmɔ ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.’ ”

Lewiƒuɔ Ɔda Bubo 5:13

Ulu ɔmmɔ lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ. Na ɔlaaƒɔ ɔkladi ɔni mebu ɔdubunwini ɔkpane ɔmmɔ kadikɔ aani kalɛ na baabla edula akpala.’ ”

Lewiƒuɔ Ɔda Bubo 5:16

Na ala kedee ani na úni na úteti úteboku-mi mmɔ ni, ɔlɛka uti-nya uboku na ɔƒɔ ala ammɔ kayu lɛkpa lɛlɔndi ɔsia-nya lɛ́lɔ ute ɔkpane ɔmmɔ. Na ɔkpane ɔmmɔ uti koƒonu ɔbla akpala na lidie kɔtu bɔni na ukyuli ɔmmɔ lɛlɔ na liti lɛkyiɛ-nwu.

Lewiƒuɔ Ɔda Bubo 5:6

Ɔmmɔ kama na uti nwuna likpidi kɔtu bɔni budie akpala uboku Unwoti anumi na likpidi lɛni na ɔ́bla ɔsu. Ɔlɛka uboku koƒonu iye ese uledi ɔsiku nwuna bebuo akɔ ute akpala ammɔ. Na ulu ɔmɛni lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.

Romaƒuɔ 5:11

Na ɔɔɔdi ɔmɛni lɛti, mmomu lɛlɔ lɛɛyɔ́-bu geen na Katɔti lɛlɔ ɔkɛnku Blɔti Yesu Kristo ɔni lɛlɔ na Katɔti ɔ́sia na ɔ́sɔku abu ku-nwu ntɛ ɔ́klibi ɔsu.

Eƒesoƒuɔ 5:2

Na bɛsiaku Kristo ɔbladu kama na bɛyɔ lɛlɔ aani kalɛ na ɔɔyɔ́-bu na úti lɛlɔ ɔ́kpa na bula lili aani akpala ƒɛƒɛɛ úte Katɔti. Na adi akpala ani mɔɔyɔ́ Katɔti kaƒɔ.

Yakobo 5:15

Na si baƒɔtaadine bammɔ bákpali Katɔti na bɔƒɔtaadi kemmo ni, ɔlɛne ɔmmɔ ɔlɛ ɔdubɔba-nwu na ɔkɛ ɔlɔkplu. Na si ɔ́bla likpidi lɛdi ni, Katɔti ɔdubuti ɔkyiɛ-nwu.

Yohane 1 2:2

Na Kristo ɔmmɔ ɔlati úti nwuna ngba ɔ́kpa na bula lili, kalɛ na ɔklibi abu ku Katɔti ntɛ. Nsu ɔɔɔdi abu lɛti ekpidi lili, mmomu ku bayawine ƒui ekpidi lili.