Lewiƒuɔ Ɔda Bubo 5:1 - Katɔti Ɔku Kedee

¹ “ ‘Si báda ukyuli ɔdi kenye na kadi akɔ na awɔ ɔdi agyi lɛla lɛdi iye énu-ni lɛlɔ lɛla lɛdi na ébulo na étedie kenye ni, ƒula etila na adi na ebo lɛtuni na ɔmmɔ ɔsu.

Lewiƒuɔ Ɔda Bubo 5:1 ပူးပေါင်းရင်းမြစ်များ

Baga 1 22:16

Mmɔ na ɔga ɔmmɔ úye Mikaia ɔnini, “Kɔlɛ na ɔlɛka lɛya-a na ese kenye ka alasu lɛla lɛdi eletulo lɛla lɛni ndi sɔsɔ geen litemi na Unwoti lɛnyi kemmo?”

Baga 1 8:31

“Na muuvele-ɔ nnii si ɔnwa ɔdi ɔ́ƒiɔ ɔkpanadi na ɔlɛka use kenye kadi, na úbo kakpakɔ kamɛni Lɛkpabi lɛlɔ úbese kenye kammɔ ni,

Ala Alɛdi 2 18:15

Mmɔ na ɔga ɔmmɔ úye Mikaia ɔnini, “Kɔlɛ na ɔlɛka lɛya-a na ese kenye ka alasu lɛla lɛdi eletulo lɛla lɛni ndi sɔsɔ geen litemi na Unwoti lɛnyi kemmo?”

Kɔgya 38:4

Ɔsika mina ekpidi énwini etila asia-mi lili. Na ebo-mi unu geen na étulo-mi muedi.

Israelƒuɔ Bɔlɛ 22:11

ukyuli ɔmmɔ ɔlɛka usie utákpali ala use kenye na Katɔti anumi ka ɔɔɔdi anwu néyu ebuo ɔni bete-nwu bɔda mmɔ. Na si ɔɔɔdi buyu na beyu ebuo ɔmmɔ ni, utalɛka ɔƒɔ ukyuli ɔni néte-nwu ebuo bɔtumini mmɔ kayu kadi. Ebuo ɔlati uti-nwu lɛni kani.

Agba 29:24

Ukyuli ɔni nébunku uyune ni, anwu ɔlati muukisi lɛlɔ. Ɔsika ulakana kenye buse na ɔsu lɛla lɛni nálɛ.

Agba 30:9

Ɔsika ɔƒɛni kalɛ lɛ́kɛ lɛmmɔ lɛdubumo-mi lɛvili na lini-ɔ, na ndubuye nnini, ‘Ɔma ndi Unwoti?’ Na si kɔwaba lɛnɔ nda-mi kɔ́vili ni, ɔƒɛni kalɛ ndubo buyu na bekyuli balabu mina Katɔti lɛnyi kedee.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yeremia 23:10

Bekyuli bani nálɛ Unwoti kama na kalɔ kammɔ lɛlɔ bemomo geen na ɔkɛnku bana ngba bukpidi bɔni na belie ku kalɛ na baabla ɔyikun ɔni na bebo lɛlɔ kabla kalɛ kalɛ na kalɔ kammɔ ƒui lɛlɔ ɔsu Unwoti úwida kalɔ kammɔ na ɔ́ya na bebuo kadikɔ kammɔ kénwini kalɔ kakwiidi na kasɔ kaládia lɛla lɛla bɔbla.

Esekiel 18:20

Bekyuli bani muulie taabla likpidi kani na badubo bɔdu. Bebi baaadubo abi adi bubo na bana bawɔne ablala ɔsu. Na lɛni kani na bawɔne lɛnɔ baaadubo abi bubo na bana bebi ablala kenye. Mmomu bekyuli bani nábla likpidi kani na badubo bɔdu. Bebi baaadubo abi bubo na bana bati ekpidi ɔsu. Na bawɔne lɛnɔ baaadubo abi bubo na bana bebi ekpidi ɔsu. Na badubo kayu kabuni bɔƒɔ bute bekyuli babuni na ala ani na bábla ɔsu.

Esekiel 18:4

Ɔsika ngba bɔni na bawɔne ku bebi bammɔ ƒui belie ni, ami na belie-mu bete. Na bani nábla likpidi lɛdi kani ndubo bukpi.

Lewiƒuɔ Ɔda Bubo 17:16

Nsu si úni na útaƒɔ nwuna adala na útakpi ntu ni, anwu ɔlati nwuna etila na adi.’ ”

Lewiƒuɔ Ɔda Bubo 19:8

Na ukyuli ɔni makun lɛna lɛmmɔ ɔdubɔkɛ nwuna kɔtu bɔni. Ɔsika úbile Unwoti lɛla lɛni na ɔ́bla kedee. Na ɔlɛka bedie ukyuli ɔmmɔ udu bina akɔ.

Lewiƒuɔ Ɔda Bubo 20:17

“ ‘Si ɔnana ɔdi úti ɔnwani ulekubi, ɔti ubidi na ɔdi o-o, uni ubidi na ɔdi o-o ni, ɔdi kɔƒa ala bɔbla na ɔlɛka bedie-ma bana badi akɔ.

Lewiƒuɔ Ɔda Bubo 4:2

“Tásu Israel kadi bekyuli ƒui anini, ‘Ɔƒɛni kalɛ ɔdi ɔdubɔƒiɔ na tati tati ɔsu na ɔbla ala ani lɛlɔ na líbo-mii ɔda ɔdi.

Lewiƒuɔ Ɔda Bubo 5:15

“Si ɔƒɛni kalɛ ukyuli ɔdi útadi nwuna litemi lɛlɔ ɔkɛnku ala ani na lɛ́lɛ ugyii líse ka ute-mi ka ese-mi sɛsɛɛ kedee ɔsu ni, ɔ́bla likpidi si ina útati na úbati kama. Ɔmmɔ ɔsu ɔlɛka uti kɔtɔ bukpi akpala uboku Unwoti ani ndi koƒonu kɔgyani kɔni nse sɛɛn na kútasɔ kesii kadi ɔsiku nwuna baƒonu akɔ. Na ɔlɛka kuna kuye kudu sika ɔƒualadi ɔni na ɔkpane ɔmmɔ ɔ́su kenye. Ɔmmɔ na ɔdubuti ɔbla kɔtɔ bukpi akpala ammɔ.

Lewiƒuɔ Ɔda Bubo 5:17

“Ɔƒɛni si ukyuli ɔdi ɔ́bla likpidi ɔ́ƒiɔ ala ani lɛlɔ ɔda na líbo-mii mɛni ɔdi ina útati asa na ɔ́bla-nya ni, ina amu ɔ́bla likpidi, na kɔtu bɔni bɔmmɔ bɔma-nwu lɛlɔ.

Lewiƒuɔ Ɔda Bubo 7:18

Anwuɔsu si unwi bɔbla akpala ebuo ɔmmɔ lɛna lɛdi líbu limeyi lɛtɛdi na ɔdi ɔ́kun-ni ni, lɛɛɛdubo ukyuli ɔmmɔ bɔƒɔ ulu ɔdi lɛlɔ. Na akpala ammɔ aaadubo kɔsia kɔdi bɔlɛ bute ukyuli ɔmmɔ mmomu ɔdubɔkya-mi kɔnyi geen na ndubɔdu-nwu kɔtɔ geen.

Bumomo Bɔka 9:13

Nsu ukyuli ɔni na use sɛɛn na útesie ulu ɔdi lɛnɔ na úni limeyi lɛmmɔ bɔdi ni, ɔdi ka bedie-nwu nwuna badi akɔ, ɔsika úni nwuna akpala buti busienku Unwoti na uwi ɔni na bése bése lɛlɔ. Na ukyuli ɔmmɔ ɔlati ɔdubuti anwu ɔlati nwuna ekpidi etila.

Mateo 26:63

Nsu Yesu úbile kenye na útasu lɛla lɛdi. Ɔkpane unengudi ɔ́sɔ ɔ́su-nwu ɔnini, “Lɛ́kpali Katɔti mɔɔkya-a nnii su-bu si awɔ ndi Ukyuli Ɔƒunadi ɔni ndi Katɔti Ubidi ɔmmɔ.”

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Litemi Batɛne 17:2

Na ɔnana ɔmɛni ɔ́su uni ɔnini, “Sika ɔƒualadi ebi apim ku eti anyɔ lɛlɔ kɔtɛ ani násu ka ukyuli ɔdi úyu-ɔ ni, línu ka ɔkɛnku ɔmɛni ɔsu éwida ukyuli ɔmmɔ. Ami néti sika ɔƒualadi ebi ammɔ, na ese-mi kudɔ.” Amu na uni ɔ́su-nwu ɔnini, “Unwoti ute-ɔ kusɛ kusɛ, mina ubi.”