Lewiƒuɔ Ɔda Bubo 4:32 - Katɔti Ɔku Kedee

³² “ ‘Nsu si koƒonu ubi na úti úboku ubabla likpidi lili buvele akpala ammɔ ni, ɔlɛka uboku koƒonu kuledi kɔni nse sɛɛn na kútasɔ kesii kadi.

Lewiƒuɔ Ɔda Bubo 4:32 ပူးပေါင်းရင်းမြစ်များ

Israelƒuɔ Bɔlɛ 12:3

Anwuɔsu bibo ɔda ɔmɛni bite Israelƒuɔ ƒui ka ni, kɔbuli kɔmɛni limeyi leevudi lɛlɔ ni, ɔnana biala ɔwia koƒonubi iye ese ubi use ute nwuna kaduli bekyuli.

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Yesaia 53:7

Bekyuli bédumi-nwu na básupa-nwu ɔni na nka ɔɔɔdi anwu na babla lɛni, nsu útakpete na ɔsu lɛla lɛdi. Mmomu úbile kenye kpoo na bada-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-nwu linwini na útebimi kenye.

Lewiƒuɔ Ɔda Bubo 1:3

“ ‘Ɔƒɛni si bebuo bɔkyula akpala na ɔdi ɔdanku ebuo ɔdi ka ubabla ni, na ɔƒuna ebuo ɔni nse sɛɛn na útasɔ kesii kadi na ɔdi ebuo ɔgyani. Na ebuo ɔmmɔ ni, Unwoti Adi Kevo kammɔ kayakun kenye na ɔdubuti-nwu uboku na lɛnu si ɔdia-mi.

Lewiƒuɔ Ɔda Bubo 4:28

Na si ɔdi údie nwuna likpidi lɛni na ɔ́bla mmɔ ɔ́tina-nwu ni, na ɔlɛka uti ese uledi ɔni nse sɛɛn na útasɔ uboku na likpidi lɛni na ɔ́bla lili.

Lewiƒuɔ Ɔda Bubo 5:6

Ɔmmɔ kama na uti nwuna likpidi kɔtu bɔni budie akpala uboku Unwoti anumi na likpidi lɛni na ɔ́bla ɔsu. Ɔlɛka uboku koƒonu iye ese uledi ɔsiku nwuna bebuo akɔ ute akpala ammɔ. Na ulu ɔmɛni lɛlɔ na ɔkpane ɔdubɔsia na ɔbla akpala na udie kɔtu bɔni na ukyuli ɔmmɔ lɛlɔ.

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Yohane 1:36

Yesu úsie úbavi. Amu ka Yohane ɔ́nu-nwu ni, ɔ́su ɔnini, “Bɛnu! Ɔmɛni ndi Katɔti Lɛkpa Koƒonu Ubi!”

Eƒesoƒuɔ 5:27

Na ɔ́klibi anwu ɔni ndi nwuna baƒɔtaadine lɛkpa kedee lɛni muukeye na bɔƒiɔ bɔdi buuubo-ni lɛlɔ, ɔsika likpidi iye bɔsɔ bɔdi bɔɔɔma-ni lɛlɔ.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Hebriƒuɔ 9:14

Na si ɔbladu ɔmɛni ɔɔyá na ukyuli ɔɔbla sɛɛn ni, na Kristo ubugya ɔɔkana na ɔɔbla ukyuli sɛɛn teetulo. Ɔkɛnku Katɔti Kɔyu kɔni nli uwi ƒui lɛlɔ ni, Kristo úti lɛlɔ ɔ́bla akpala ani nédu áwɔlɔ úte Katɔti na lɛla lɛdi lítebie-mu lɛlɔ. Nwuna ubugya ɔdubɔbla bina kayi sɛɛn bɔsiku ɔdi bɔbla bɔni nsɔ neeebo kɔsia ƒui kudɔ kalɛ na bɔbla Katɔti ɔni nli kabla.

Petro 1 2:22

“Anwu útabla likpidi lɛdi, na útanyi ɔkɔ ɔdi lɛnɔ kudii.”

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.

Budie Taatina 5:6

Ɔmmɔ kama ni, lɛ́nu ka Katɔti Koƒonu Ubi ɔdi unye agaboku ammɔ lɛlɔ. Na ngba batu ine bammɔ ku benengu aavlanyɔ-ine bammɔ báka bámana-nwu. Na ɔɔtina aani si bɔkpa na béti-nwu bákpa. Ese maatɛ alɛ Koƒonu Ubi ɔmmɔ lili, na ubo anumi maatɛ. Na alakpa maatɛ amɛni adi Katɔti Kɔyu kɔni mbo ɔyikun maatɛ kɔni na Katɔti ɔ́tala ɔ́kya kayawi ƒui.