Lewiƒuɔ Ɔda Bubo 4:25 - Katɔti Ɔku Kedee

²⁵ Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ.

Lewiƒuɔ Ɔda Bubo 4:25 ပူးပေါင်းရင်းမြစ်များ

Israelƒuɔ Bɔlɛ 29:12

Na eti lɛnimi akya ubugya ɔmmɔ kemmo na eti esusu bebuo ese ani nlɛ lɛkpabi lɛmmɔ lɛlɔ. Na ewilimi ubugya ɔmmɔ ɔkladi ewi kalɔ na lɛkpabi lɛni kudɔ bɛ́du ebuo ɔmmɔ.

Yesaia 40:21

Bɔgyi na bɛɛɛgyi tɔ ukyuli ɔni na Katɔti ɔdi? Munuu bítenu tɔ? Na ɔdi lɛnɔ útasu-mii tɔ ɔ́si kalɔ kesekɔ? Bítenu tɔ ɔmɛni kalɔ ɔ́si ɔni na údie kayawi?

Lewiƒuɔ Ɔda Bubo 16:18

“Ɔmmɔ kama ɔdubɔlɛ ubo Unwoti lɛkpabi lɛmmɔ kudɔ na uti akɔ ɔmmɔ ubugya ku ketukpa kammɔ ubugya ɔdi ususu bebuo ese ani nlɛ lɛkpabi lɛmmɔ lɛlɔ ƒui na ɔbla-ni ɔdi ɔmmɔ kalɛ kani na ɔ́bla Kevo kammɔ.

Lewiƒuɔ Ɔda Bubo 17:11

Ɔsika lɛla lidiedi biala ngba ndi nwuna ubugya, na líti ubugya ɔmmɔ líte-mii ka biti bidie likpidi kɔtu bɔni biala na bina ekpidi lili. Na ubugya ndi lɛla lɛni muudie likpidi kayu na ukyuli lɛlɔ.

Lewiƒuɔ Ɔda Bubo 4:18

Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye.

Lewiƒuɔ Ɔda Bubo 4:24

Ukyuli ɔmmɔ ɔdubuti enu ɔsia ketukpa kammɔ lili uti ɔtina ka aka na úti uunyene lɛlɔ kenye. Ɔmmɔ kama na ɔdu-ka na kesii kani na baadú bebuo taakyula teete-mi mmɔ. Na ndubɔƒɔ lite-nwu aani likpidi lili buvele akpala.

Lewiƒuɔ Ɔda Bubo 4:30

Na ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ bɔkyula lɛkpabi lɛlɔ mmɔ na uti ubugya ɔkladi uwi lɛkpabi lɛmmɔ kalɔ.

Lewiƒuɔ Ɔda Bubo 4:34

Ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ lɛkpabi lɛmmɔ lɛlɔ. Na uti ubugya ɔkladi ɔmmɔ ƒui uwi lɛkpabi lɛmmɔ kalɔ.

Lewiƒuɔ Ɔda Bubo 4:7

Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.

Lewiƒuɔ Ɔda Bubo 5:9

Na ɔdubɔkuna nwuna ubugya ɔmmɔ uwi lɛkpabi lɛmmɔ kɔmadɔ. Na ɔya na ubugya ɔkladi ɔkpala uwi lɛkpabi lɛmmɔ kalɔ. Na ndubɔƒɔ lite-nwu aani likpidi kɔtu bɔni budie akpala.

Lewiƒuɔ Ɔda Bubo 8:10

Ɔmmɔ kama Mose úti likpose nnɔmii bɔmmɔ na ɔ́bla úsusu Unwoti Adi Kevo kammɔ ku kana lɛlɔ ala ani nkya kevo kammɔ kemmo ƒui lɛlɔ na ɔ́bla-nya kedee.

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Lewiƒuɔ Ɔda Bubo 9:9

Na nwuna bebi bananabi béti ubugya ɔmmɔ béte-nwu. Na ɔ́kya-nwu lɛnimi na úti úsusu bebuo ese ani nlɛ lɛkpabi lɛmmɔ lɛlɔ na úti ɔkladi úwi lɛkpabi lɛmmɔ kalɔ.

Romaƒuɔ 10:4

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Hebriƒuɔ 9:22

Geen ni, ɔda bubo bɔmmɔ bɔɔtina na bɔkana na bɔsu bɔnii ala ƒui aabla sɛɛn ɔkɛnku ubugya lɛlɔ. Na ɔkɛnku ubugya kalɔ buwi kemmo na Katɔti uuti bula ekpidi taakyiɛ-bu.