Lewiƒuɔ Ɔda Bubo 4:21 - Katɔti Ɔku Kedee

²¹ Ɔmmɔ kama na beti akɔ ɔmmɔ balɛku bana keliekɔ mmɔ besienku kama ƒui batákyula kalɛ kani na bábla udeedi. Na ɔmmɔ ndi kadi ƒui likpidi butitaakyiɛ akpala.

Lewiƒuɔ Ɔda Bubo 4:21 ပူးပေါင်းရင်းမြစ်များ

Esra 8:35

Na bekyuli bani ƒui na kekpo kéƒie na ami ku-ma búnwini búbo mmɔ ni, bábla bɔkyula akpala béte Israel Katɔti. Na bada ɔmantɛ bakɔ leevu-inyɔ ku baƒonu bagyani liti ku aavlene-ɛku ku baƒonu bagyani bakɔdi liti ku aavlanyɔ-maatɛ. Na béti betukpa leevu-inyɔ bábla likpidi butitakyiɛ buvele akpala. Na ala amɛni ƒui na básala bábla bɔkyula akpala ammɔ béte Katɔti.

Israelƒuɔ Bɔlɛ 29:14

Nsu ɔmantɛ akɔ ɔgyani ɔmmɔ ɔku ɔni bédie-nwu ku lɛna lɛmmɔ ku ala ani béwilimi-nwu kaƒɔ kemmo ƒui ni, béti-nya bátákyula na keyi na bana keliekɔ kammɔ kama beti bevele likpidi buti taakyiɛ.

Esekiel 45:22

Na limeyi lideedi lɛlɔ ni, ɔtɔnkune ɔmmɔ ɔdubuti ɔmantɛ akɔ uboku na bakpa aani anwu ɔlati ekpidi lili buvele ku bekyuli bammɔ ƒui ekpidi lili buvele.

Lewiƒuɔ Ɔda Bubo 16:15

“Ɔmmɔ kama ni, ɔdubɔlɛ utádu likpidi lili buvele akpala ketukpa kammɔ na Israelƒuɔ lili, na uti ebuo ɔmmɔ ubugya uduoku kakpakɔ bule kɔdi kɔmmɔ kama na ɔblaku-nwu kalɛ kani na ɔ́blaku ebuo udeedi ubugya. Ɔdubɔkuna ubugya ɔmmɔ ɔdi uwi libila lɛmmɔ lɛlɔ ku nina anumi.

Lewiƒuɔ Ɔda Bubo 16:21

Na ɔdubuti nwuna enu anyɔ ɔsia ese ɔmmɔ kuli na ɔka Israelƒuɔ ekpidi lidu lidu udie ɔsu na bana ulikplu ala bɔbla ku kalɛ na baalɛ́ bana Unwoti kama ku bana ekpidi lidu bamba lɛni ƒui na baabla. Na ekpidi ammɔ ƒui adubɔsia ese ɔmmɔ kuli. Na ɔkɛnku ukyuli ɔni na báalɛ lɛnimi bése lɛlɔ ni, na ɔbɔku ese ɔmmɔ utákya alakpi akɔ na ketele kalɔ kakwiidi kemmo.

Lewiƒuɔ Ɔda Bubo 16:27

Na ɔmantɛ akɔ ku ese ɔni ndi likpidi lili buvele akpala bebuo bani ubugya na béti béduoku Katɔma Kedee kemmo mmɔ, na bátábla likpidi kɔtu bɔni budie akpala mmɔ ni, ɔlɛka balɛku-ma bana keliekɔ mmɔ batákyula ƒui na bana kakyakɔ kama ku bana lɛku ku lɛna lɛmmɔ ku ala ani na béwilimi-ma nƒɔ kemmo ƒui.

Lewiƒuɔ Ɔda Bubo 4:13

“ ‘Na si ɔƒɛni kalɛ kadi kammɔ ƒui naaagyi asa na bábla lɛla lɛdi na báta bénye Unwoti ɔda bubo bɔdi lɛlɔ ni, ɔdi-ma bɔƒiɔ ina ka bátati asa na bábla-ni.

Lewiƒuɔ Ɔda Bubo 4:20

Na kalɛ kani na ɔkpane ɔmmɔ ɔ́blaku akɔ ɔni na úti ɔ́bla likpidi lili buvele akpala mmɔ ni, lɛni kani geen na ɔlɛka ɔblaku ɔmɛni lɛnɔ. Ulu ɔmɛni lɛlɔ na ɔdubɔsia na uvele-mi na lidie kɔtu bɔni na bana lɛlɔ. Na liti bana ekpidi lɛkyiɛ-ma.

Lewiƒuɔ Ɔda Bubo 6:11

Ɔmmɔ kama na ɔda lɛwu lɛni na ɔkya mmɔ udie na uti lɛwu lɛbambadi ɔkya asa na uti ntɔ bɔmmɔ ɔlɛku mmɔ utéwiakun na kesii kani bédie bése sɛsɛɛ na úsie bana keliekɔ kani na beli mmɔ kama.

Lewiƒuɔ Ɔda Bubo 6:23

Anwuɔsu ɔkpane edula ebi etela udu biala ani na úti úboku ni, ɔdubɔkyula ana ƒui na batadi ɔdi.”

Lewiƒuɔ Ɔda Bubo 8:17

Nsu ɔmantɛ akɔ ɔgyani ɔmmɔ ɔku ɔni bédie-nwu ku lɛna lɛmmɔ ku ala ani béwilimi-nwu kaƒɔ kemmo ƒui ni, béti-nya bátákyula na keyi na bana keliekɔ kammɔ kama kalɛ kani na Unwoti úbo-nwu ɔda.

Bumomo Bɔka 15:24

na kadi kammɔ ƒui bátadi-mu lɛlɔ na tati tati ɔsu ni, ɔlɛka bawia akɔ na beti babla bɔkyula akpala na ɔnyi ƒɛƒɛɛ ɔmmɔ ɔyɔ Unwoti kaƒɔ ku nwuna lɛlɔ edula ebi ku ntɛ akpala, aani kalɛ na bényimi bése, ku ketukpa na beti babla likpidi lili buvele akpala.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Hebriƒuɔ 13:11

Mmɔ na ɔkpane unengudi uuti bebuo ubugya teeduoku kesii kani nse kedee ntulo ƒui mmɔ. Na uusié mmɔ taatákpa teevele ala na bekyuli ekpidi lili. Nsu baakyula bebuo bammɔ na kabanye.