Lewiƒuɔ Ɔda Bubo 4:13 - Katɔti Ɔku Kedee

¹³ “ ‘Na si ɔƒɛni kalɛ kadi kammɔ ƒui naaagyi asa na bábla lɛla lɛdi na báta bénye Unwoti ɔda bubo bɔdi lɛlɔ ni, ɔdi-ma bɔƒiɔ ina ka bátati asa na bábla-ni.

Lewiƒuɔ Ɔda Bubo 4:13 ပူးပေါင်းရင်းမြစ်များ

Esra 10:19

Na bése kenye ka badubɔnyonu bana beleku, na béte ɔmantɛ akɔ ɔkɔdi na béti babla likpidi lili buvele akpala.

Kɔgya 19:13

Na ada-mi edie ekpidi ani ngyi ka adi bɔƒiɔ asa na mɔɔbla lɛnɔ kemmo. Taya na ekpidi ammɔ adi-mi lɛlɔ kalɛ na kɔtɔ bɔdu bɔdi bulakya-mi lɛlɔ na lɛbla siin.

Esekiel 45:22

Na limeyi lideedi lɛlɔ ni, ɔtɔnkune ɔmmɔ ɔdubuti ɔmantɛ akɔ uboku na bakpa aani anwu ɔlati ekpidi lili buvele ku bekyuli bammɔ ƒui ekpidi lili buvele.

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Lewiƒuɔ Ɔda Bubo 16:5

Na ɔƒɔ betukpa inyɔ ku koƒonu kɔgyani kunwi ɔsiku Israelƒuɔ bammɔ kudɔ. Na uti betukpa inyɔ bammɔ ɔbla likpidi lili buvele akpala na uti ɔmantɛ akɔ ɔmmɔ ɔbla bɔkyula akpala.

Lewiƒuɔ Ɔda Bubo 4:21

Ɔmmɔ kama na beti akɔ ɔmmɔ balɛku bana keliekɔ mmɔ besienku kama ƒui batákyula kalɛ kani na bábla udeedi. Na ɔmmɔ ndi kadi ƒui likpidi butitaakyiɛ akpala.

Lewiƒuɔ Ɔda Bubo 5:17

“Ɔƒɛni si ukyuli ɔdi ɔ́bla likpidi ɔ́ƒiɔ ala ani lɛlɔ ɔda na líbo-mii mɛni ɔdi ina útati asa na ɔ́bla-nya ni, ina amu ɔ́bla likpidi, na kɔtu bɔni bɔmmɔ bɔma-nwu lɛlɔ.

Lewiƒuɔ Ɔda Bubo 6:4

“Na si ɔ́nu nwuna likpidi ɔ́ti na ɔ́nu ka úkpi kɔtɔ ni, ɔlɛka ɔsia ulu biala lɛlɔ na ɔsɔku lɛla lɛmmɔ ubese kenye ute ɔlati. Buyu na úyu-nwu o-o bɔnya na ɔ́nya-nwu ɔ́kya úƒie-nwu lɛla lɛdi ɔƒɔ o-o, nwuna lɛla nse-nwu kudɔ na ɔ́da-ni úti o-o,

Bumomo Bɔka 15:22

“ ‘Nsu si tati tati kemmo na ɔdi anu ávi ɔda bubo bɔni na líte Mose mɛni ɔdi lɛlɔ

Korintoƒuɔ 1 11:27

Anwuɔsu ukyuli biala madi Blɔti adila amɛni iye wani na ɔɔƒɛɛ ɔmɛni kemmo na ulu ɔni nátamanku lɛlɔ ni, ɔdubɔtina ka ɔ́bla likpidi ka útabu Blɔti ɔlɔna ku ubugya ɔmmɔ ɔsu.

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Yosua 7:11

Mɔɔsu-ɔ ka Israelƒuɔ bábla likpidi. Na báta bénye ɔda ɔni na líbo-mii mmɔ lɛlɔ. Na béti ala ani na lɛ́su-mi ka bayila mmɔ adi. Na mɔɔsu-ɔ ka buyu na béyu na bányi ɔkɔ lɛnɔ básia-nwu lɛlɔ na béti ala ammɔ bakya bana ala akɔ.