Lewiƒuɔ Ɔda Bubo 4:12 - Katɔti Ɔku Kedee

¹² Na ala ani ƒui nébu ni, ɔlɛka balɛku-nya bana keliekɔ mmɔ besienku kama ƒui na kesii kani na bédie bése sɛsɛɛ beewi ala ani na bákyula mmɔ ntɔ. Na mmɔ na badubo ogya ɔbambadi bɔsala na bakyula ala ammɔ ƒui na kesii kani na ntɔ bɔmmɔ buwi mmɔ.

Lewiƒuɔ Ɔda Bubo 4:12 ပူးပေါင်းရင်းမြစ်များ

Israelƒuɔ Bɔlɛ 29:14

Nsu ɔmantɛ akɔ ɔgyani ɔmmɔ ɔku ɔni bédie-nwu ku lɛna lɛmmɔ ku ala ani béwilimi-nwu kaƒɔ kemmo ƒui ni, béti-nya bátákyula na keyi na bana keliekɔ kammɔ kama beti bevele likpidi buti taakyiɛ.

Esekiel 43:21

Ɔmmɔ kama na beti ebuo ɔmmɔ balɛku kakpakɔ kaduli geen mmɔ na batákyula-nwu na kesii kani na báƒuna bése.

Lewiƒuɔ Ɔda Bubo 13:46

Na uwi ɔni kemmo ƒui na alɛbi ammɔ asia-nwu lɛlɔ mmɔ ni, na ukyuli ɔmmɔ ɔ́sɔ na uuuse sɛɛn. Na ɔlɛka bedie-nwu sɛsɛɛ.

Lewiƒuɔ Ɔda Bubo 16:27

Na ɔmantɛ akɔ ku ese ɔni ndi likpidi lili buvele akpala bebuo bani ubugya na béti béduoku Katɔma Kedee kemmo mmɔ, na bátábla likpidi kɔtu bɔni budie akpala mmɔ ni, ɔlɛka balɛku-ma bana keliekɔ mmɔ batákyula ƒui na bana kakyakɔ kama ku bana lɛku ku lɛna lɛmmɔ ku ala ani na béwilimi-ma nƒɔ kemmo ƒui.

Lewiƒuɔ Ɔda Bubo 4:21

Ɔmmɔ kama na beti akɔ ɔmmɔ balɛku bana keliekɔ mmɔ besienku kama ƒui batákyula kalɛ kani na bábla udeedi. Na ɔmmɔ ndi kadi ƒui likpidi butitaakyiɛ akpala.

Lewiƒuɔ Ɔda Bubo 6:23

Anwuɔsu ɔkpane edula ebi etela udu biala ani na úti úboku ni, ɔdubɔkyula ana ƒui na batadi ɔdi.”

Lewiƒuɔ Ɔda Bubo 6:30

Nsu likpidi bɔkyiɛ ebuo biala na béti-nwu ubugya béduoku Unwoti Adi Kevo kesii kani nse kedee mmɔ ka babla akpala na bedie kɔtu bɔni na ukyuli ɔmmɔ lɛlɔ ni, útalɛ ka ɔdi biala utuku-nwu kenye, mmomu badubɔkyula-nwu ƒui.’ ”

Lewiƒuɔ Ɔda Bubo 6:4

“Na si ɔ́nu nwuna likpidi ɔ́ti na ɔ́nu ka úkpi kɔtɔ ni, ɔlɛka ɔsia ulu biala lɛlɔ na ɔsɔku lɛla lɛmmɔ ubese kenye ute ɔlati. Buyu na úyu-nwu o-o bɔnya na ɔ́nya-nwu ɔ́kya úƒie-nwu lɛla lɛdi ɔƒɔ o-o, nwuna lɛla nse-nwu kudɔ na ɔ́da-ni úti o-o,

Lewiƒuɔ Ɔda Bubo 8:17

Nsu ɔmantɛ akɔ ɔgyani ɔmmɔ ɔku ɔni bédie-nwu ku lɛna lɛmmɔ ku ala ani béwilimi-nwu kaƒɔ kemmo ƒui ni, béti-nya bátákyula na keyi na bana keliekɔ kammɔ kama kalɛ kani na Unwoti úbo-nwu ɔda.

Lewiƒuɔ Ɔda Bubo 9:11

Na ebuo ɔmmɔ ɔku ku lɛna lɛkladi lɛmmɔ ƒui ni, Aaron ɔ́kyula-ni na bana keliekɔ kammɔ kama.

Bumomo Bɔka 15:35

Mmɔ na Unwoti ɔ́su Mose ɔnini, “Ukyuli ɔni nábla lɛla lɛmmɔ udu ɔ́manku kukpi. Anwuɔsu ɔdi ka kadi bekyuli bammɔ ƒui bakpanku-nwu balɛku bana kakyakɔ na bétébo-nwu atabi bádu.”

Bumomo Bɔka 19:3

Na beti-nwu beboku ɔkpane Eleasar, na beti akɔ ammɔ balɛku bana keliekɔ mmɔ bésienku kama na badu-nwu mmɔ na ɔkpane ɔmmɔ anumi.

Bumomo Bɔka 19:5

Na ɔmmɔ kama na unye ɔnu na bakyula ebuo umodi ɔmmɔ ku nwuna ɔku ku ubugya ku nwuna kaƒɔ ala ƒui.

Bumomo Bɔka 5:3

Bɛda bekyuli bani muusé lɛlɔ uleku iye ɔnana na ɔdi bidie bina keliekɔ kesii kani na nliku-mii na belebile-ka na keteese lɛlɔ.”

Hebriƒuɔ 13:11

Mmɔ na ɔkpane unengudi uuti bebuo ubugya teeduoku kesii kani nse kedee ntulo ƒui mmɔ. Na uusié mmɔ taatákpa teevele ala na bekyuli ekpidi lili. Nsu baakyula bebuo bammɔ na kabanye.