1 Amu na Unwoti ɔ́su Mose ɔnini,
“Ulu ɔni lɛlɔ na ɔdubɔsia uduo Unwoti Adi Kevo kammɔ kaduli ndi ɔmɛni, si úsela ni, ɔlɛka uti ɔmantɛ akɔ ɔgyani ɔkɔdi ku koƒonu kɔgyani na uti akɔ ɔmmɔ ɔbla likpidi lili buvele akpala, na uti koƒonu kɔgyani kɔmmɔ ɔbla akpala bɔkyula ƒui ɔdi.
“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”
“ ‘Na si ɔƒɛni kalɛ kadi kammɔ ƒui naaagyi asa na bábla lɛla lɛdi na báta bénye Unwoti ɔda bubo bɔdi lɛlɔ ni, ɔdi-ma bɔƒiɔ ina ka bátati asa na bábla-ni.
“Tásu Israel kadi bekyuli ƒui anini, ‘Ɔƒɛni kalɛ ɔdi ɔdubɔƒiɔ na tati tati ɔsu na ɔbla ala ani lɛlɔ na líbo-mii ɔda ɔdi.
Nsu likpidi bɔkyiɛ ebuo biala na béti-nwu ubugya béduoku Unwoti Adi Kevo kesii kani nse kedee mmɔ ka babla akpala na bedie kɔtu bɔni na ukyuli ɔmmɔ lɛlɔ ni, útalɛ ka ɔdi biala utuku-nwu kenye, mmomu badubɔkyula-nwu ƒui.’ ”
Amu na Aaron ɔ́ni úde lɛkpabi lɛmmɔ, na ɔ́du ɔmantɛ akɔ ubi ɔni na ɔdubuti ɔbla nwuna likpidi lili buvele akpala ute lɛlɔ.
