Lewiƒuɔ Ɔda Bubo 3:9 - Katɔti Ɔku Kedee

⁹ Na koƒonu ubi ɔni na ɔdanku úboku úbabla unwi bɔbla akpala ammɔ ni, ɔdubudie kuna lɛmwi lɛni ndanku nwuna ɔka ku kasɔma likubi lɛmwi ku kaƒɔ ala lɛmwi lɛni mma-nwu lɛlɔ ku kaƒɔ kemmo lɛmwi lɛmmɔ ƒui.

Lewiƒuɔ Ɔda Bubo 3:9 ပူးပေါင်းရင်းမြစ်များ

Samuel 2 6:17

Béti Unwoti Bunyimi Adaka ɔmmɔ bébeduoku ɔma na béti-nwu bétése Adi Kevo kani kemmo na Dawid ɔ́ya na bátu bése béte adaka ɔmmɔ kemmo. Ɔmmɔ kama Dawid ɔ́kyula akpala úte Unwoti na ɔ́bla unwi bɔbla akpala lɛnɔ.

Baga 1 3:15

Amu na Salomo ɔ́gyinya na ɔ́nu ɔ́ti ka kɔna na úgye. Mmɔ ni, ɔ́sɔ únwini úsie Yerusalem na úténye Unwoti Bunyimi Adaka ɔmmɔ kudɔ. Na ɔ́bla bɔkyula ku unwi bɔbla akpala úte Unwoti. Ɔmmɔ kama ɔ́ya na bánwa adila kaduɛ na anwu ku kabla bablane bani mɔɔbla-nwu kabla na kaduli mmɔ bádi limeyi.

Baga 1 8:63

Na ɔ́du ɔmantɛ bakɔ mpim aavlanyɔ-inyɔ (22,000) ku baƒonu ku bese mpim eti anyɔ ku aavlanyɔ (120,000) na béti bábla unwi bɔbla akpala béte Unwoti. Anwuɔsu Ɔga Salomo ku Israelƒuɔ bammɔ béti kakpakɔ kammɔ bákya Unwoti enu kemmo.

Baga 1 8:64

Na limeyi lɛmmɔ kani lɛlɔ ni, Salomo údie Unwoti kakpakɔ kaduli kani nwi anumi kakɛ ntɛntɛ bɔdi sɛsɛɛ na ɔ́bla mmɔ kedee. Na mmɔ na ɔ́kyula akpala ku edula akpala, na ɔ́kyula lɛmwi lɛni na bédie na unwi bɔbla akpala bɔbla lɛnɔ kemmo, ɔsika lɛbualagyie lɛkpabi lɛni nlɛ Unwoti anumi mmɔ lise blii suɛ lite akpala amɛni ƒui bɔkyula na mmɔ.

Ala Alɛdi 1 16:1

Na uwi ɔmmɔ ni, béti Bunyimi Adaka ɔmmɔ bébese kevo kani na Dawid ɔ́tu úte Bunyimi Adaka ɔmmɔ kemmo. Na bábla bɔkyula ƒui akpala ku unwi bɔbla akpala lɛnɔ béte Katɔti.

Israelƒuɔ Bɔlɛ 29:22

“Koƒonu kɔmɛni kubunku bakpane buse kabla kammɔ kadi. Anwuɔsu ti lɛmwi lɛni nkya ebuo ɔmmɔ ɔka kakɛ ku kaƒɔ kemmo ku akɔ ammɔ kawɔlɔkɔ kakɛ ku nwuna akabi anyɔ ku kuna kɔdianu libuli lɛmmɔ se sɛsɛɛ.

Agba 23:26

O mina ubi, ti ƒula kayi te-mi. Na ƒula anu asia lɛnunda ulu ɔni mɔɔtina-a lɛlɔ.

Yesaia 53:10

Nsu Unwoti ɔlati nése ɔmɛni úse lɛni ɔnii nwuna kabla ɔblane ubo abi amɛni udu na badu-nwu, na ɔƒɔ kayu na bekyuli ƒui lili na bana ekpidi ɔsu. Na ina ka úbo lɛni muedi ni, ɔdubulie na ɔnu nwuna bawɔ bawɔ. Na ɔkɛnku nwuna lɛlɔ ni, lɛla lɛni na Unwoti ɔ́lɛ ugyii úse lɛdububo-nwu kemmo.

Lewiƒuɔ Ɔda Bubo 17:5

Na lɛla lɛni na ɔmɛni ɔdanku ndi ka akpala ani na Israelƒuɔ bátaabla na kesi kesii ni, beti-nya beboku ɔkpane na Unwoti anumi ɔƒɛni amu na Kevo Kasakɔ kayakun kenye na beti babla unwi bɔbla akpala.

Lewiƒuɔ Ɔda Bubo 7:3

Na badubuti nwuna lɛmwi ƒui bete-mi. Lɛmwi lɛni ndanku ɔka ku lɛmwi lɛni mma kaƒɔ ala ammɔ ƒui lɛlɔ.

Lewiƒuɔ Ɔda Bubo 8:25

Na úti lɛmwi lɛmmɔ ku lɛmwi lɛni ndanku ɔka ku lɛmwi lɛni nkya ebuo ɔmmɔ kaƒɔ kemmo ƒui ku akɔ ammɔ kenye munu munu kammɔ ku akabi anyɔ ammɔ ƒui ku ana lɛmwi úbunku kɔdianu libuli.

Lewiƒuɔ Ɔda Bubo 9:19

Na ɔmantɛ akɔ bonwu ɔmmɔ lɛmwi ku koƒonu kɔmmɔ kesii kani bene nélie lɛmwi na lɛdanku nwuna ɔka ku akabi ammɔ ku ákɔ ammɔ lɛmwi lɛni mma-nwu lɛlɔ ƒui ni,

Bumomo Bɔka 7:88

Na bebuo bani na béte ka béti babla unwi bɔbla akpala ndi bakɔ bakɔdi aavlanyɔ-ine ku baƒonu liti ku leevu ku betukpa liti ku leevu ku baƒonu bakɔdi bagyani bani náƒɔ lɛkwa liti ku leevu. Akpala ammɔ na béti bésienku uwi ɔni na béti lɛkpabi lɛmmɔ baakya Unwoti enu kemmo na likpose nnɔmii bususu kama.

Samuel 1 10:8

“Mɔɔyɔ́ ka agyu atɔ-mi na Gilgal. Na ami ndubɔsia-a kama libo mbanu-ɔ na mmɔ. Na bɔdubɔbla akpala bɔkyula bute Katɔti ku unwi bɔbla akpala lɛnɔ. Nsu ɔlɛka enye agya-mi emeyi maatɛ wetédu ka líbo ḿbatina-a lɛla lɛni na ɔlɛka abla.”