Lewiƒuɔ Ɔda Bubo 27:8 - Katɔti Ɔku Kedee

⁸ Nsu si ukyuli ɔni nése kenye mmɔ ɔdi ɔwabane geen ni, na ɔkpanku ukyuli ɔni na úti úse kenye mmɔ usienku ɔkpane kudɔ na ɔsɔku kayu kani na ɔwabane ɔmmɔ wakana bɔƒɔ ɔkya-nwu.

Lewiƒuɔ Ɔda Bubo 27:8 ပူးပေါင်းရင်းမြစ်များ

Baga 2 7:5

Anwuɔsu uwi ɔni na kadi kese kalɔ kaayu ni, bátɔlɔ bésie Siriaƒuɔ kakyakɔ mmɔ. Nsu ka bétéduo mmɔ ni, ukyuli biala uuubo mmɔ.

Yeremia 5:7

Unwoti ɔnini, “Amii Yudaƒuɔ, dɛ na ndubɔkana na liti bina kɔtu bɔni lɛkyie-mii? Líte-mii lɛla biala na bɛɛwia, nsu bíni-mi na bísie bɛɛkpá baƒiɔ. Amii banana bɛ́lɛ bina beleku kama na bísie bɛsiaku bayalɛ.

Lewiƒuɔ Ɔda Bubo 12:8

“ ‘Na si uleku ɔmmɔ ulakana koƒonu ubi bute ni, ɔkana na ɔwia bamangbɛ inyɔ iye babloduma inyɔ na uti unwi ɔbla akpala bɔkyula. Na uti unyɔdi ɔbla likpidi lili buvele akpala Na ulu ɔmɛni lɛlɔ na ɔkpane ɔdubɔbla lɛlɔ bɔbla sɛɛn ɔdi ɔmmɔ ute-nwu na ɔbla sɛɛn.’ ”

Lewiƒuɔ Ɔda Bubo 27:7

Na si ukyuli ɔmmɔ ɔ́ɔƒɔ akwa liti ku leevu ku kama ni, na nwuna kuye kɔbla edula ebi lɛkyami kemmo bule kakɛ leevu sika ɔƒualadi unu. Na si uleku na ɔdi ni, na ɔbla lɛkyami kakɛ leevu-ɛlɔ sika ɔƒualadi unu.

Lewiƒuɔ Ɔda Bubo 27:9

“ ‘Na si ukyuli ɔmmɔ kenye kani úse ɔdi ebuo ɔni námanku úte akpala buti bɔbla bute Unwoti ni, ebuo ɔni na úti uute Unwoti mmɔ use sɛsɛɛ.

Lewiƒuɔ Ɔda Bubo 5:11

“ ‘Nsu si uuubo babloduma inyɔ iye bamangbɛ inyɔ ni, na uti ɔlaaƒɔ ɔni muukeye lɛɛƒɛɛ inyɔ ubabla likpidi kɔtu bɔni budie akpala ammɔ. Na uteti nnɔ iye oloƒui utasia, ɔsika likpidi bɔkyiɛ etela na adi.

Lewiƒuɔ Ɔda Bubo 5:7

“ ‘Nsu si nwuna ɔyikun útedu koƒonu ni, na uti babloduma inyɔ iye bamangbɛ inyɔ uboku Unwoti anumi aani nwuna likpidi kɔtu bɔni budie akpala na nwuna ekpidi lili. Na badubuti unwi babla likpidi kɔtu bɔni budie akpala, na beti unyɔdi babla ogya akpala bɔkyula ƒui ɔdi.

Marko 14:7

Bawabane bakya-mii akɔ uwi biala. Na uwi biala na amii bɛɛyɔ́ ni, bɛkana na bibunku-ma. Na ami ni, ɔɔɔdi uwi biala na ndubɔkya-mii kudɔ.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.