Lewiƒuɔ Ɔda Bubo 27:28 - Katɔti Ɔku Kedee

²⁸ “ ‘Nsu lɛla biala ndi ukyuli ɔlati lɛdi na úti-ni úte Unwoti si ɔdi ukyuli o-o iye ebuo o-o iye ɔtɔ kalɔ kadi o-o ni, útalɛka beti-ni beye iye ɔsɔ unwini ɔlati ɔdi, ɔsika lɛla biala na béti béte Unwoti lise kedee na béti-ni béte-nwu ƒui kede kede.

Lewiƒuɔ Ɔda Bubo 27:28 ပူးပေါင်းရင်းမြစ်များ

Ala Alɛdi 2 31:14

Na Imna ubidi Kore na báƒuna ka utaanu ɔban kenye kani nkya késie ɔƒɛ katukɔ kakɛ. Na anwu kani mɔɔƒɔ́ kaƒɔ ƒaa etela ani na bekyuli beeboku Katɔti na uule-nya teete bakpane ku Lewiƒuɔ bammɔ.

Israelƒuɔ Bɔlɛ 22:20

“Ukyuli biala matábla akpala mete unwoti ɔdi ɔni na ɔɔɔdi Katɔti ni, ɔlɛka badu-nwu.

Esekiel 44:29

Na lɛla lɛni na badubule bete-ma kenye ni, antabi udu etela ani na bekyuli badubuti babakpa bete-mi ku ekpidi lili buvele akpala ani na bekyuli badubɔbla unwi bɔbla akpala ni, badubɔƒɔ ana kakɛ kadi. Na lɛla biala na Israel kalɔ lɛlɔ na bábla-ni kedee bése sɛsɛɛ béte-mi ni, ɔdi bana lɛdi.

Esekiel 48:14

Na útalɛka beti kakɛ kadi beye iye beti-ka badi kuye. Ɔsika kalɔ kammɔ ndi kalɔ kabuni ƒui, na kadi mina kadi.

Lewiƒuɔ Ɔda Bubo 21:22

Ukyuli ɔmɛni udu ɔkana na ɔdi adila kedee ku ani nse kedee ƒui ani béti bákpa béte-mi mmɔ adi,

Lewiƒuɔ Ɔda Bubo 27:21

Si kalɔ kammɔ kálɛ kayu kemmo na Buti Taakyiɛ Lɛkwa ni, kalɔ kammɔ kadi kalɔ kedee na kénwini bakpane kalɔ.

Lewiƒuɔ Ɔda Bubo 27:27

Nsu si ebuo ɔmmɔ ɔdi bebuo bani neeese sɛɛn mmɔ ɔdi ni, ubo kuƒi ka ɔƒɔ ebuo ɔmmɔ uye na kuye kɔni námanku lɛlɔ. Nsu ɔlɛka uti kuye kɔmmɔ lɛkpa lɛlɔndi ɔsia-nwu lɛlɔ. Na si ulayɔ ka ɔsɔ ɔƒɔ-nwu uye ni, bakana na beti ebuo ɔmmɔ beye kuye kɔni na bálɛ ugyii.

Lewiƒuɔ Ɔda Bubo 27:29

“ ‘Ukyuli biala na bédie-nwu sɛsɛɛ bése-nwu kenye béte Unwoti ni, basɔ balakana-nwu bɔƒɔ lɛnɔ ɔlɛka badu-nwu.

Bumomo Bɔka 18:14

“Na lɛla biala nkya Israel kalɔ lɛlɔ na bédie-ni sɛsɛɛ bése béte Unwoti ɔdi bina ɔdi.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Romaƒuɔ 9:3

Ɔsika mɔɔyɔ́ ka libunku mina kadi bekyuli. Si banii nka Katɔti ɔtuna na ɔmami-mi Kristo lɛlɔ na ɔvumana mina bɔƒɔ ute mina kadi bekyuli ni, nka ndubunu kalɔ na ɔyila-mi udu.

Korintoƒuɔ 1 16:22

Ukyuli biala na ulayɔ Blɔti ni, ɔdubɔnuku-ni! O Blɔti, bo!

Galatiƒuɔ 3:10

Na bani na ama béti bana anu básia ɔda bubo bɔkukudi bɔmmɔ lɛlɔ ni, ewida asiaku-ma. Ɔsika bénweni bése banii, “Ukyuli biala ɔni naaadubo etemila ani ƒui na bénweni bése na Ɔda Bubo Ɔku kemmo lɛlɔ bɔdi ni, ewida adubɔsiaku-nwu kama.”

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”

Lɛkpa Ulu 25:19

Anwuɔsu si bítéduo kalɔ kani na bina Unwoti Katɔti ɔ́su úse ka wete-mii mmɔ lɛlɔ na ɔ́ya na bɛ́kɛ bɔnwuna bɛ́siku bina bekisine enu kemmo ni, bɛnu ka bɛ́du Amalekƒuɔ ƒui kalɛ na ukyuli ɔdi ulenyimo-ma muedi. Ɔmɛni ɔsu bise litemi lɛmɛni likpo na bitayiƒala!

Lɛkpa Ulu 7:26

Anwuɔsu bɛyila lɛla biala na Katɔti ukisi mmɔ udu. Ɔsika si ɔdi úti lɛla lɛmmɔ udu úboku nwuna kaduli ni, Katɔti ɔdubɔyila ukyuli ɔni nábla lɛla lɛmmɔ ku nwuna kaduli bekyuli ƒui udu. Anwuɔsu ukyuli biala ɔda lɛlɔ ɔmami lɛƒiɔkpa lɛlɔ, ɔsika Katɔti ɔdubudie ukyuli ɔmmɔ udu use lɛti ka ɔkyula.

Yosua 6:26

Ɔmmɔ kama ka báyila Yeriko ɔma ɔmmɔ udu báwɔlɔ ni, mmɔ na Yosua úbo bekyuli bammɔ ɔda kpakplaa na Unwoti anumi, na ɔ́su ɔnini, “Ukyuli ɔni nsɔ mayɔ ka wasɔ watu Yeriko ɔma ɔdubɔnuku-ni. Na awɔ ɔni malɛ kowodu ni, ƒ'ubidi unengudi lili na aalɛ́-ku. Na awɔ ɔni matu awodu kɔyakun ni, ƒula kawɔkpulo lili lɛlɔ na aatu-ka.”

Yosua 7:1

Na Unwoti ɔda ɔni na úbo Israelƒuɔ ka beteti lɛla biala batakya lɛlɔ si bésie betékpoku Yerikoƒuɔ ni, bátadi-ni lɛlɔ. Ɔsika ɔnana ɔni baalɔ Akan úti ala ammɔ adi ɔ́kya lɛlɔ. Anwuɔsu Unwoti úti kɔnyi kati kati ɔkya Israelƒuɔ. Na Akan ɔmɛni ɔ́si Yuda kaba kemmo na Serah ɔtɔ kemmo. Na Serah náwɔ Sabdi, na Sabdi náwɔ Karmi, na Karmi náwɔ Akan ɔmmɔ.

Yosua 7:25

Na Yosua ɔ́su-nwu ɔnini, “Bi ɔsu na áya na lɛbibo lɛmɛni líbo-bu lɛlɔ. Unwoti ɔdubɔya na awɔ lɛnɔ ebo abi ɔmwi!” Amu na Israelƒuɔ bammɔ bébo Akan atabi badu. Na bébo nwuna bebi ku bebuo bammɔ lɛnɔ atabi badu. Na bákya bana ƒui ku ala ammɔ ogya.

Litemi Batɛne 21:11

Na básu-ma banini, “Si bísie ni, bɛdu ɔnana biala ku uleku biala ɔni naaadi adagyaa.”

Litemi Batɛne 21:18

Na básu lɛlɔ banini, “Bulakana na buti bula belekubi bute-ma na beti-ma. Na kenye kani búse mmɔ ndi ka, ‘Bɔbuɛ bɔdi bute ukyuli ɔni meti nwuna ubi ulekubi wete Benyamin kɔdua kɔdi ka uti-nwu.’

Litemi Batɛne 21:5

Amu ba béye lɛlɔ banini, “Ɔma bene nébu na bula kaba bekyuli akɔ na beeebo Unwoti anumi na mɛni?” Ɔsika bése kenye banii kɔdua kɔni néni ka ubo Unwoti anumi na Mispa ni, ɔlɛka bayila kɔdua kammɔ ƒui udu.

Samuel 1 15:18

Na Unwoti ɔmmɔ nátala-a ɔnini, ‘Sie na etékpoku Amalekƒuɔ belikplune bammɔ utédu ka áyila-ma udu ƒui kede kede.’

Samuel 1 15:3

Anwuɔsu sie na etékpoku-ma na ayila-ma lɛla biala na bebo udu. Tanu ɔdi biala kɔnyana. Banana ku beleku ku banamu ku bebiwɔ ku ɔmantɛ bakɔ ku baƒonu ku bebuo ala betine bani mbo keƒu ku baƒlumu ƒui, na tebu ɔdi tese.’ ”