Lewiƒuɔ Ɔda Bubo 26:45 - Katɔti Ɔku Kedee

⁴⁵ Nsu na ama ɔsu ni, ndubo bunyimo bunyimi bɔni línyimi ku bana bati kuuku bani na lídie lɛ́lɛku Egyipte kalɔ lɛlɔ na kadi bamba pii anumi ka lɛbla bana Katɔti. Ami ndi Unwoti.’ ”

Lewiƒuɔ Ɔda Bubo 26:45 ပူးပေါင်းရင်းမြစ်များ

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Ala Kalɔ Buse 26:24

Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”

Ala Kalɔ Buse 28:15

Nliku-ɔ na ndubɔsia-a anu kesii biala na aaví. Na ndubɔsɔku-ɔ liboku kalɔ kamɛni lɛlɔ. Lɛɛɛdubo-ɔ bɔnyonu buse uwi ɔdi wetédu ka lɛ́bla lɛla lɛni kenye na líse-ɔ ka mabla.”

Ala Kalɔ Buse 9:15

ndubo bunyimo mina lɛla lɛni na línyimiku-mii ku kayawi bebweyi lidu ƒui ka ntu bɔsɔ buleyi buláƒɔ kayawi ƒui na bɔyila kayawi ala ammɔ udu.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Israelƒuɔ Bɔlɛ 2:24

Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob.

Israelƒuɔ Bɔlɛ 20:2

“Ami ndi bina Unwoti Katɔti ɔni nédie-mii ɔ́lɛku Egyipte kalɔ lɛlɔ kesii kani nka bénye-mii lɛlɔ na bɛɛbla bana kabla.

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 6:8

Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”

Esekiel 20:14

Nsu ɔmmɔ lɛnɔ ami ɔla kɔƒa na kɔdi. Ɔsika kadi bamba bekyuli pii bánu ka ami nákpanku Israelƒuɔ lɛ́lɛku Egyipte kalɔ kemmo.

Esekiel 20:22

Nsu ńtabla ńtasiaku lɛni. Ɔsika nka ɔmmɔ ɔdubɔbla-mi kɔƒa na kadi bekyuli bani nánu-mi ka lɛ́kpanku Israelƒuɔ lɛ́lɛku Egyipte kalɔ kemmo.

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Lewiƒuɔ Ɔda Bubo 11:45

Ami ndi Unwoti ɔni nákpanku-mii lɛ́lɛku Egyipte kalɔ lɛlɔ kalɛ na lɛbla bina Katɔti. Ɔmɛni ɔsu bɛbla lɛlɔ kedee ɔsika nse kedee.

Lewiƒuɔ Ɔda Bubo 22:33

na lɛ́kpanku-mii lɛ́siku Egyipte líboku ka lɛbla bina Katɔti. Ami ndi Unwoti.”

Lewiƒuɔ Ɔda Bubo 25:38

Ami ndi Unwoti bina Katɔti ɔni nédie-mii ɔ́lɛku Egyipte kalɔ lɛlɔ na bísie bítélie Kanaanƒuɔ kalɔ lɛlɔ na lɛbla bina Katɔti.

Romaƒuɔ 11:12

Yudaƒuɔ likpidi ɔsu na Katɔti ɔ́ya na kayawi ƒui bákɛ nwuna ala abuni. Na ɔni na Yudaƒuɔ báyila kɔyu kemmo ala abuni ɔsu ni, bani naaadi Yudaƒuɔ bálɛ lili na bákɛ Katɔti kusɛ kusɛ geen. Na si bana bɔƒiɔ bɔdanku kusɛ kusɛ ɔmɛni udu búboku kayawi ni, si uwi ɔni na Yudaƒuɔ bakladi bábasalaku Katɔti badi ƒui ni, nwuna kusɛ kusɛ ɔmmɔ ɔdubo bumomo geen bubu!

Lɛkpa Ulu 4:31

Ɔsika Katɔti ubo lɛƒɔndia na ulada-mii ulanyonu iye ɔyila-mii udu na ulayiƒala bunyimi bɔni na anwu ɔlati únyimi ku bina bati kuuku.

Lɛkpa Ulu 9:27

Na enyimo ƒula kabla bablane bani ndi Abraham ku Isak ku Yakob, na alakpete bekyuli bamɛni atuɔkplu ku likyulikpi ku bana ekpidi ani bábla.