Lewiƒuɔ Ɔda Bubo 26:41 - Katɔti Ɔku Kedee

⁴¹ ɔsu na ami lɛnɔ lɛ́ta línye-ma lɛlɔ na líti-ma ńtákya bana bekisine kalɔ lɛlɔ, na si bana kayi kani lɛlɔ na bétekulo ekpidi bétedie mmɔ kébo kalɔ buɛɛ ku udu buni na báƒɔ bana ekpidi lili kayu ni,

Lewiƒuɔ Ɔda Bubo 26:41 ပူးပေါင်းရင်းမြစ်များ

Baga 1 21:29

“Ánu áti kalɛ na Ahab úboku lɛlɔ kalɔ na mina anumi? Ɔ́si lɛla lɛni na ɔ́bla mɛni ɔsu ni, lɛɛɛdubo ɔgbankpi ɔdi buti buboku-nwu lɛlɔ na nwuna ngba uwi. Mmomu ndubɔya na ɔgbankpi ɔmmɔ ɔlɛ nwuna kaduli na ubidi uwi.”

Ala Alɛdi 2 12:12

Rehoboam ɔ́sɔ únwini anumi úboku Unwoti lɛlɔ, anwuɔsu Unwoti útaya na bayila Yuda udu ƒui kede kede, anwuɔsu ala ásɔ ádianku-nwu.

Ala Alɛdi 2 32:26

Na kama ƒui ni, bekyuli bamɛni bánu ka báƒiɔ na békpi kɔtɔ na bévele Unwoti banii uti ɔkyiɛ-ma. Anwuɔsu Unwoti ɔ́sɔ útani-ma kɔtu uwi ɔni ƒui na Hesekia ɔ́sɔ úlie utaadi lɛga mmɔ.

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Ala Alɛdi 2 33:23

Manase únwini kayi úbo Unwoti kudɔ, nsu ubidi Amon anwu úni na útabla ɔmɛni mmomu ekpidi enengudi na ɔ́bla ɔ́sia kama útulo ɔti ƒui.

Esra 9:13

“Ala ani nálɛku-bu ƒui ni, ɔkɛnku bula likyulikpi ku alaekpidi bonwu ani na bɔ́bla ɔsu na úbo-nwu kemmo lɛni. Nsu awɔ bula Katɔti átani-bu kɔtu kɔni námanku bula ekpidi na áya na bula akɔ badi búbu bulie ngba.

Esra 9:15

O Unwoti, Israel Katɔti, ese siin! Na ɔmmɔ ɔsu na bula ɛlɛɛ bamɛni búbu bɔkya ngba ɔmwi. Aanu-bu nnye ƒula anumi ku bula bɔsɔ ina ka nka bula akɔ ɔdi ulakana-a anumi bɔda bɔlɛ.”

Nehemia 9:33

Na ala amɛni ƒui bɔlɛ kemmo ni, édie atina ka aabla ala ulu lɛlɔ. Na abu mmomu ni, bula ɔdi naaadia.

Kɔgya 39:9

Lɛ́bla kpoo na neeebimi kenye, ɔsika awɔ náya na úbo úte lɛni.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yeremia 6:10

“Ami Unwoti lɛ́ɛsu bekyuli bamɛni ka ndubo-ma kɔtu bɔni, nsu bɔma kani na baamá-mi, na bébulo banii belenu-mi litemi na badi-ni lɛlɔ.

Esekiel 14:23

Na ɔdubo-ɔ bɔbla nwaa na atunaku-mi ka lɛla lɛni na ami Unwoti Katɔti lɛ́bla lɛdi ulu lɛlɔ.”

Esekiel 20:43

Mmɔ na bɛdubo bina alaekpidi ku kalala kani na bɛ́bla bunyimo na bina lɛlɔ lɛdubo-mii lɛlɔ buse na kɔbɔ ala ani na bɛ́bla na aladia bɔnu munu munu ɔsu. Na ɔmmɔ ɔsu na bítamanku ka lɛƒɔ-mii,

Esekiel 44:7

Bɛ́kya mina kakpakɔ kammɔ kɔƒa na uwi ɔni na bɛ́ya na baƒɔ bani na balabu-mi na bebo atuɔkplu bébeduo mmɔ uwi ɔni na baabla akpala teete-mi. Bɛ́ƒiɔ-mi na bíbile lɛla kedee lɛni na línyimiku-mii.

Esekiel 44:9

Anwuɔsu na ami Unwoti Katɔti mɔɔsu nnii naaawia ɔƒɔ biala na ulábu-mi na ɔdi mina ɔda bubo lɛlɔ ka uduo mina kakpakɔ. Na ɔmɛni ɔdanku baƒɔ bani nli Israel kalɔ lɛlɔ.”

Esekiel 6:9

na beténwini batɔntɛne bete-ma na mmɔ. Na si bábla kasusu básiku-mi lɛnɔ ni, badubo bunyimo ka bákya-mi kɔƒa na báta bénye-mi lɛlɔ na baƒiɔ bani na bákpa ɔsu. Na badubɔyɔ ka beni bana lɛlɔ na alaekpidi ani na bábla ɔsu.

Lewiƒuɔ Ɔda Bubo 26:24

ami lɛnɔ ndubo bɔta linye-mii lɛlɔ. Na lɛya na ɔgbankpi lidu lidu lɛlɛku-mii na lɛkɔ katɔ akpa maatɛ libu.

Lewiƒuɔ Ɔda Bubo 26:28

ndubuti kɔnyi geen lɛkya-mii na lɛya na bina kɔtu bɔni bɔkɔ katɔ bubu akpa maatɛ.

Bumomo Bɔka 5:7

Ɔlɛka ukyuli ɔmmɔ ɔsu likpidi lɛni na ɔ́bla na ɔƒɔ likpidi lɛni na ɔ́bla mmɔ kayu ƒui ute ukyuli ɔni na ɔ́ƒiɔ mmɔ. Na ɔsɔ ɔƒɔ kayu kammɔ lɛkpa lɛlɔndi ɔsia kayu kammɔ lɛlɔ ute-nwu.

Mateo 23:12

Na ukyuli ɔni na ɔɔtalaku lɛlɔ katɔ ni, Katɔti ɔdubɔyula-nwu kalɔ. Na ukyuli ɔni muuboku lɛlɔ kalɔ ni, Katɔti ɔdubɔtalaku-nwu katɔ.

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Lɛkpa Ulu 10:16

Anwuɔsu bɛda likpidi biala bidie bina kayi kemmo na bɛda atuɔkplu bɔbla bɛya.

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Lɛkpa Ulu 31:21

Na ndubɔya na ɔgbankpi lidu lidu libo-ma lɛlɔ na batu ɔnu ɔmɛni beti benyimene lɛlɔ kalɛ na báƒiɔ-mi. Ɔsika bana bawɔ muedi ƒui kani na bakya beeti balayiƒala-nwu. Ɔƒɛni ngyi-ma kasusu ƒui asa na ndubɔsu ka líiti-ma líselaku kalɔ kani na lɛ́su líse ka ndubute-ma lɛlɔ.”

Ƒilipiƒuɔ 3:3

Abu ndi bekyuli bani mmomu nékulo ago, ɔsika buumwi Katɔti ɔkɛnku nwuna Kɔyu lɛlɔ na bɔɔkɛ́ ebiti ka abu ku Kristo Yesu bɔ́bla unwi ɔsu. Na búteti lɛlɔ bútasia ɔlɔna lɛlɔ ɔdi ala bɔbla lɛlɔ.

Koloseƒuɔ 2:11

Ka bɛ́blaku Kristo unwi ɔsu ni, Katɔti úti nwuna Kɔyu úse-mii likpo ka bɛdi nwuna badi. Nsu ɔɔɔdi aani kalɛ na Yudaƒuɔ baabla ago bukulo ɔdi kalɛ. Mmomu Kristo ɔlati nábla-mii ɔmɛni úti úkulo ekpidi udu údie-bu lɛlɔ.