Lewiƒuɔ Ɔda Bubo 26:36 - Katɔti Ɔku Kedee

³⁶ “ ‘Na bina akɔ bani nébu ni, ndubuti liƒu geen lɛkya-ma kayi na kaƒɔ kesii kani na bakya bana bekisine akɔ mmɔ, na si ina ɔƒɛƒɛɛ nébo livete lɛdi ɔɔvínku muedi ɔdubɔya na beteekeli aani ukyuli ɔdi mɔɔbɔku-ma. Na badubo bukeli aani kewii na bada baabɔku-ma na bebuli ina ka ɔdi ɔɔɔsiaku-ma.

Lewiƒuɔ Ɔda Bubo 26:36 ပူးပေါင်းရင်းမြစ်များ

Ala Kalɔ Buse 35:5

Nwuna kama ni, báyu ulu na bátɔlɔ. Na Unwoti Katɔti ɔyikun ɔni na kadi kammɔ bekyuli bánu ɔsu ni, liƒu lɛ́da-ma na Yakob ku anwu badi lɛlɔ ɔsu ni, bátakana na basia-ma kama.

Ala Kalɔ Buse 4:12

Si átuma-ka lɛlɔ ni, kasɔ kaladia-a edula. Na adubo ukeline bunwini na aaadubo keliekɔ kadi bɔkɛ na kayawi kammɔ ƒui lɛlɔ.”

Ala Alɛdi 2 14:14

Na bekyuli bani nkya Gerar ekutɛ mmɔ bénu lɛla lɛni nálɛ na béti bɔyia geen béte Unwoti. Anwuɔsu úse ɔ́bla Yudaƒuɔ kpɛtɛ kpɛtɛ geen ka badi bana bekisine bammɔ lɛlɔ na béti bana ala ani ƒui náƒɔ-na kuye bálɛku bana lɛma kemmo bátɔlɔku.

Hiob 13:25

Bɔyɔ na ɔɔyɔ́-ɔ kaƒɔ ka eteebo-mi taavinku aani kalɛ na ɔƒɛƒɛɛ uubó livete lɛnudi?

Kɔgya 53:5

Liƒu bonwu líbo-mii lɛlɔ lɛni udu nétebo tɔ kudii. Ɔsika Katɔti úbo amii mina bekisine ekubi úgyingya. Na kɔƒa kúkpo geen, ɔsika Katɔti úni-mii.

Kɔgya 53:6

Muuvele kpakplaa nnii Katɔti ɔya na bɔƒɔ bɔsi Sion bubo bute Israel. Na si Katɔti ɔ́sɔku nwuna bekyuli lɛkɛ úte-ma ni, lɛlɔ lɛdubɔyɔ-ma geen.

Kɔgya 89:43

Áya na nwuna ekpola ƒui énwini kekuma na útakana na unye ɔsiaku nwuna bekisine.

Agba 28:1

Ukyuli ɔdi ulábɔku bekyuli bekpidi asa na ama alati beekeli. Nsu bekyuli babuni baakya kayi aani bagyata.

Yesaia 30:17

Na ukisine unwi ɔdubo bina nkyuli eti leevu bɔbɔku. Na bana ɛlɔ muedi badubɔbɔku bina ƒui batɔlɔku. Na kawɔlɔkɔ ni, bina ɛlɛɛ kani ndubo bubu na bɛbla kɔnyana aani kalɛ na beekú lɛkpa linwi pɛ teenyene kɔbi kɔdi lili.”

Yesaia 7:2

Kenye kébedu Ahas kudɔ banini, “Ɔga Resin ku Ɔga Peka bása lili na ama ku bana bekyuli báta ka bebékpo-bu.” Ɔmmɔ ɔsu ɔtɔtɔ ɔ́gyu Ɔga Ahas ku nwuna bekyuli na baatɔ́ kpakpaakpa aani kalɛ na ɔƒɛƒɛɛ uukpó taavi egyii akɔ.

Yesaia 7:4

Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa.

Yeremia 37:10

Ina bɛ́di-ma lɛlɔ muedi ni, bekpone bani náƒɔ ɔlɛ, nsu bétekpi mmɔ badubo na bɔsi bana adi nvo kemmo bebo na batu ogya Yerusalem ɔma umodi ɔmmɔ.”

Yeremia 46:16

Na ƒula bekpone ni, bubuli kani na beebuli teebo bana bakpana lɛlɔ na baasu lɛlɔ banini, ‘Ta nye! Amu ntu bukeli na bukele búsie bula kalɔ lɛlɔ amu bekisine badubo-bu bɔdu.’

Kɔnyana Buwulo 1:3

Kekpo kéƒie Yuda kátɔlɔku késinku kalɔ bamba, na únwini bekyuli bamba kabla ɔblane ku lɛbibo. Kadi bamba bekyuli akɔ na ɔkya na útakɛ kanwunakɔ kadi. Na bekyuli bani nsia beekpóku-nwu báavi báda-nwu na kesii kani na úmii ɔkya.

Kɔnyana Buwulo 1:6

Kalɛ na Sion uukeye ɔ́yii udu, na nwuna batɔnkune báta bábla aani bakwa bani nsɔ naaakɛ́ taadi, anwuɔsu basɔ beeebo ɔyikun na bekeli na bagbini bammɔ kudɔ.

Kɔnyana Buwulo 4:19

Bátu bási bébo-bu lɛlɔ ku usi ɔni ntulo kalɛ na kɔdigbo aasɛ ɔɔyu teebo kalɔ. Na bábwi-bu bási abi lɛlɔ, na bákywɛ-bu kɔkpagyuɛ bése ka beƒie-bu na kalɔ kakwiidi kemmo.

Esekiel 21:12

Esekiel, teedumo ku kɔnyana momoomo, ɔsika báani kewii kammɔ bákpa béte mina kadi bekyuli ku bana batɔnkune bammɔ bɔdu. Na badubo bukpi sɔsɔ, anwuɔsu sɔ tasia lɛla lɛdi anu.

Esekiel 21:15

Ɔtɔtɔ ƒui ɔdubo-ma bɔgyu na beteebuli ku liƒu bonwu. Na mina kewii kadubo bunye butaakywɛɛ-ma na ɔban kayakun biala kenye. Na kadubo ogya buteedie na kenye kagyumana ka kadu bekyuli.

Esekiel 21:7

Na si béye-ɔ lɛla lɛni ɔsu na eedumo lɛni ni, su-ma anii énu kenye kekpidi kani mɔɔda liƒu geen na kadubɔya na ukyuli biala nénu-ka ɔtɔtɔ ɔgyu-nwu na utaatɔ ku liƒu kpakpaakpa. Na uwi ɔsɔ uletu asa na ala amɛni adubo bɔlɛ. Ami Unwoti muusé kenye kamɛni!”

Hosea 8:3

Nsu bina bekisine badubo-mii bɔbɔku ka bíni bunyimi bɔbuni bɔni na ami ku-mii búnyimi ɔsu.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Lewiƒuɔ Ɔda Bubo 26:35

Na uwi ɔni na katɛ ukpludi mmɔ na bɛsɔ bilábla-ka lɛla lɛdi mmɔ ni, kalɔ kammɔ kadubɔkɛ bɔnwuna bɔni na bítete-ka uwi ɔni na bɛ́kya-ka kemmo.

Lɛkpa Ulu 1:44

Na ɔmɛni ɔ́ya na Amoriƒuɔ bani nli abi lɛlɔ kalɔ kammɔ amadɔ báta bábabi básiaku-mii aani kalɛ banwɛnwɛ lisu bonwu lɛɛta. Na bábi básiaku-mii na bádu-mii kaduɛ básiku Edom abi lɛlɔ kalɔ mmɔ laa útédu Horma.

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.

Yosua 7:5

Na Aiƒuɔ bekpone bábi básiaku-ma bási ɔma ɔmmɔ kayakun kenye úti útédu atakpɛ adi akɔ. Na bádu Israelƒuɔ bekpone nkyuli aani avlaatɛ-ɛku uwi ɔni na békeli baayu kɔbi kɔdi. Mmɔ na Israelƒuɔ enu áƒɛ-ma na liƒu lise kalɔ lɛɛda-ma.

Samuel 1 17:24

Ka Israelƒuɔ bánu ka Goliat ɔ́sɔ ɔ́da úbalɛ kani na békeli bébo kama ku liƒu.