Lewiƒuɔ Ɔda Bubo 26:33 - Katɔti Ɔku Kedee

³³ Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.

Lewiƒuɔ Ɔda Bubo 26:33 ပူးပေါင်းရင်းမြစ်များ

Baga 1 8:46

“Ukyuli biala uuubo na ulábla likpidi. Anwuɔsu si bábla likpidi lɛdi ni, ɔƒɛni kalɛ adubuti kɔnyi akya-ma, na anyonu-ma ete bana bekisine, na badubuƒie-ma batákya bana kɔlɔ kɔni na amadɔ iye ɔgyu kakaaka kemmo.

Baga 2 25:9

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Ala Alɛdi 2 7:19

“Nsu si awɔ iye Israel kadi bekyuli bammɔ akɔ ɔdi úse kalɔ ɔɔkpá baƒiɔ bani na kadi bamba bekyuli baakpá mmɔ ni,

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Nehemia 1:8

“Na enyimo ɔda ɔni na ébo ƒula kabla ɔblane Mose ásu anii, ‘Si bítabla ala bítasiaku ulu lɛlɔ ni, ndubo-mii bɔbɔku butákya kadi bamba bekyuli akɔ.

Ester 3:8

Amu na Haman útásu Ɔga Ahasweros ɔnini, “Kadi bekyuli badi básala bakya ƒula kɔlɔ kɔni lɛlɔ na aadi bekyuli ƒui akɔ. Na bebo ɔdi ɔdi na baabla na ɔ́vumanaku bekyuli bakladi ƒui ɔdi, na baládi ƒula ɔda bubo lɛnɔ lɛlɔ. Na lɛla lɛmɛni lɛɛɛdububoku kɔsia biala na ƒula lɛga kadikɔ. Anwuɔsu ɔlɛka bɔyila-ma udu kalɛ na lɛga kadikɔ kammɔ kenye kaduɛ.

Kɔgya 106:27

Na ɔdubo bana kaba bebi bugyingya bɔkya kadi bamba bekyuli akɔ. Na bekpi na kalɔ kammɔ kemmo.

Kɔgya 44:11

Na ányonu-bu éte-ma aani baƒonu na báduli-bu kɔkɛ kɔkɛ bébweli. Na búgyingya bɔkya kadi bamba bekyuli akɔ.

Kɔgya 44:12

Na éti-bu éye éte bekyuli bamba ku kuye blii kani na átakɛ kɔsia kɔdi na kuye bɔdi bɔmmɔ kemmo.

Yesaia 1:7

Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yeremia 13:24

“Ndubo-mii bubo bugyingya aani kalɛ na ɔƒɛƒɛɛ ɔni muukpó na kalɔ kakwiidi lɛlɔ uubo aƒaaƒa teedie kamu ebi kemmo si baaƒɛ́-nya.

Yeremia 15:4

Na ndubo-mii kɔtu kɔmmɔ bɔni na ala ekpidi bonwu ani udu na bina Ɔga Hesekia ubidi Manase ɔ́bla ɔsu. Na kɔtu bɔni bɔmmɔ bɔdubɔya na liƒu bonwu lɛda kalɔ lɛlɔ bekyuli ƒui.

Yeremia 31:10

“Amii kadi bekyuli ƒui binu, amii bani na amadɔ ku bani na ɛpu ɔvi ƒui. Lígyingya Israel kadi bekyuli lɛ́kya. Nsu nsɔ ndubo-ma bɔsala ƒui. Na ndububo-ma bɔgyumana aani kalɛ na baƒonu ɔdane ɔɔgyumana nwuna baƒonu.

Yeremia 4:7

“Bekpone badi badubɔda babalɛ-mii lɛlɔ aani gyata ɔni nási ɔ́lɛ nwuna lɛtabi ubu kemmo na babakyula kadi bekyuli pii na ɔbwɛ bina lɛma na lɛsɔ liwi ukpludi.

Yeremia 7:34

Na si uwi ɔni na lɛ́wɔlɔku bina kalɔ lɛni lɛ́wɔlɔ ni, mmɔ kadubo bɔba mana mana aani kekpine na kesii kani na líbile lɛla biala na Yerusalem mmɔ ku Yuda lɛma lɛmmɔ ƒui kemmo. Na lɛlɔyɔ kɔku kɔdi kɔsɔ kulakya mmɔ iye limeyi bɔdi ku beleku buti ablala adi lɛnɔ asɔ alakya mmɔ.’ ”

Yeremia 8:3

“Amii Yudaƒuɔ kadi bekyuli badi bɛdubo bubu bulie ngba, nsu ndubunye-mii lɛlɔ na beƒie-mii besienku baƒɔ kalɔ lɛlɔ. Na ami Unwoti Ɔyikune Ƒui násu kenye kamɛni.”

Yeremia 9:16

Na ndubo-ma bugyingya bɔkya na lɛbɔku-ma ntákya kaƒɔ kakaaka kesii kani kɔku na ama ku bana bati kuuku bétenu kudii. Na kawɔlɔkɔ ni, ndubo bɔya na bana bekisine bekpone bebo babadu bana bekplodi ɛlɛɛ bani mebu.”

Kɔnyana Buwulo 1:1

Aanu kalɛ na ɔma unengudi ɔmmɔ ɔ́ƒɔ lɛlɔ uwi ukpludi. Ɔma ɔni na nka bekyuli báƒɔ-nwu kemmo pii dii, ɔƒɛni amu ɔ́ta ɔ́bla aani ukpinele. Nka anwu náƒɔ lɛnyi dii na kadi bekyuli akɔ. Anwu ɔni na nka úse aani beleku ɔga na kɔlɔ kɔni na amadɔ mmɔ ƒui akɔ ɔƒɛni amu únwini bekyuli bamba kabla ɔblane.

Kɔnyana Buwulo 1:3

Kekpo kéƒie Yuda kátɔlɔku késinku kalɔ bamba, na únwini bekyuli bamba kabla ɔblane ku lɛbibo. Kadi bamba bekyuli akɔ na ɔkya na útakɛ kanwunakɔ kadi. Na bekyuli bani nsia beekpóku-nwu báavi báda-nwu na kesii kani na úmii ɔkya.

Kɔnyana Buwulo 4:15

Mmomu bekyuli ƒui baava taabɔku-ma banini, “Bɛgyu-bu lɛlɔ mɛni biteesie, na bitetuku-bu! Ɔsika biisé lɛlɔ, na bítamanku ka amii lɛnɔ bɛbla Katɔti bekyuli akɔ badi.” Ɔmmɔ ɔsu ɔlɛka batɔlɔ mmɔ na beténwini baƒɔ na kalɔ bamba. Nsu mmɔ lɛnɔ ni, kalɔ kammɔ bekyuli básu-ma banini, “Bilakana bula kalɔ mɛni lɛnɔ bulie!”

Kɔnyana Buwulo 4:16

Unwoti ɔlati nábɔku úgyingya-ma lɛni, na ɔ́da-ma údie nwuna kasusu. Na ukyuli ɔdi ɔsɔ uleboku lili kalɔ ulete-ma na babla bakpane ku kenye bediene bammɔ lɛƒɔndia lɛdi.

Esekiel 12:20

Badubo ɔma biala bubo bɔbwɛ na lɛla biala lɛsɔ liladia na ɔma ɔmmɔ kemmo, ɔsika kalɔ kammɔ kadubunwini kɔnwinimi kalɔ kakwiidi. Na badubo bɔti ka ami ndi Unwoti.”

Esekiel 20:23

Anwuɔsu na lɛ́kanku mina lɛlɔ kpakplaa ka ndubo Israelƒuɔ bugyingya bɔkya kadi bamba bekyuli akɔ na kalɔ kammɔ ƒui lɛlɔ,

Esekiel 22:15

Ndubo-mii bugyingya bɔkya kadi bamba bekyuli kɔlɔ ƒui lɛlɔ na kalɔ lɛlɔ mɛni, lɛya na bɛda bina alaekpidi bɔbla ngba bɔni udu na bilie mmɔ bɛya.

Esekiel 5:2

Na si uwi ɔni na ékpoku lɛtabi lɛni nnye nte Yerusalem mmɔ áwɔlɔ ni, na akyula linwini lɛmmɔ lɛkpa linwi na lɛtabi lɛmmɔ lɛlɔ. Na eti lɛkpa linyɔdi na ekulo-ni wɛlɛ wɛlɛ ewi aka amana lɛtabi lɛmmɔ lɛlɔ. Na lɛkpa lɛtɛdi ni, bo-ni kɔliku kayaa na ɔƒɛƒɛɛ kemmo na ami ndubo-ni bukulo ku mina kewii.

Hosea 9:6

Na si ina badi bákana ɔgbankpi ɔmmɔ bukeli ni, Egyipte na badubusie batáwɔlɔ, na bava-ma na Memƒis ɔma unengudi kemmo. Na bina sika ɔƒualadi akɛla ƒui adubɔyii akya liyu alakpi akɔ na livo lɛkwɛ lɛƒɔ ekpo ani ƒui na bina nvo búnye ƒui.

Amos 9:4

Si bana bekisine nábɔku-ma bátákya kaƒɔ ɔgyu dɛ muedi ni, ndubɔya na kuwii kɔtu-ma kɔdu na mmɔ. Mina anumi adubɔlɛ-ma lɛlɔ geen ute likpidi lɛni ndubɔlɛku-ma, na ɔɔɔdi lɛbuni lɛdi munu munu.”

Sakaria 7:14

Anwuɔsu na líbo na ndaku ɔƒɛƒɛɛ kpakplaa ɔni mɔɔkya ligede na ḿbegyingya bana ƒui lɛ́kya kaƒɔ kɔlɔ ƒui lɛlɔ, na báda bana ɔma ɔbuni ɔmmɔ béwi, na bekyuli bása-nwu kemmo na bébile ala lɛnɔ.’ ”

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Lɛkpa Ulu 4:27

Na mɔɔsu-mii lɛnɔ nnii, Katɔti ɔdubo-mii bugyingya bɔkya kadi bamba bekyuli akɔ ɔni na bina ɛlɛɛ badi kani ndubo bubu na bana akɔ mmɔ.

Yakobo 1:1

Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.