Lewiƒuɔ Ɔda Bubo 26:32 - Katɔti Ɔku Kedee

³² Ndubo bina kalɔ bubile na kasɔ kaladia lɛla lɛdi bɔbla na si bina bekisine bánu na ɔbla-ma kɔnyana ku ɔtɔtɔ bɔgyu geen.

Lewiƒuɔ Ɔda Bubo 26:32 ပူးပေါင်းရင်းမြစ်များ

Baga 1 9:8

Na ina ka ɔtɔ ɔmɛni úbomo na ɔɔdia bɔnu lɛni ɔƒɛni ni, uwi ɔdi ɔdubo na ɔtɔ ɔmɛni ɔdubunwini lɛmala ute ukyuli biala ɔni mavi mɛni, na badubɔma na bapii basu banini, ‘Bi ɔsu na Unwoti ɔ́bla lɛla lɛmɛni udu na kalɔ kamɛni ku kakpakɔ kamɛni lɛlɔ lɛni?’

Yesaia 24:1

Bɛnu, Katɔti ɔdubo kalɔ kammɔ ƒui bubile na kana anumi kasɔ kaladia lɛla lɛla. Na ɔdubɔbɔku bekyuli bammɔ ƒui ɔkya kalɔ kammɔ ekpo ekpo.

Yesaia 5:6

Ndubo-ka atu budie na uyi ɔbla lɛku. Na nsɔ neeedie adingyii ammɔ kɔgba akɔ iye lidie livo kana kemmo. Liyu ku alakpi bamba ndubɔƒɔ-ka kemmo. Ndubutile liƒlukutu kuƒi na ɔnantu ɔsɔ ulana ulewi-ka.”

Yesaia 5:9

Unwoti Ɔyikune Ƒui ɔ́su na ami ɔlati línu ku mina atu ɔnini, “Lɛtɔ pii ku katu taasia lɛtɔ buni lɛmmɔ lɛdubo buse ukpludi ɔni na basɔ balákɛ bekyuli bani nelie-ni kemmo.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 64:10

Ƒula lɛma linengudi lɛni na áƒuna ése sɛsɛɛ ƒui línwini ketele kalɔ kakwiidi. Sion únwini kalɔ kakwiidi na Yerusalem ɔsɔ ɔɔɔdi kesii kani madia lɛla lɛdi bɔbla.

Yeremia 12:11

Na kadubɔƒɔ lɛlɔ katɛ ukpludi na mina anumi, na kasɔ kaladia lɛla lɛdi bɔbla ɔsika ukyuli ɔdi ɔɔɔdaku-ka lɛda.

Yeremia 18:16

Bina kalɔ kemodi ƒui kadubo udu bɔyii na belusiene bani mɔɔsia mmɔ badubɔnu na liƒu lɛda-ma na bataapii-mii ku edumi.

Yeremia 19:8

Ndubɔya na ɔma unengudi ɔmmɔ únwini aani kebu alakpi ku lɛmala na ɔbla bekyuli bammɔ kalɛ kadi na ukyuli biala ɔni násia mmɔ ɔɔví ɔpii-mii na udumi-mii lɛnɔ na bina ɔgbankpi ɔsu.

Yeremia 25:11

Kalɔ kamɛni ƒui kadubɔta kenwini aani kɔnwinimi kalɔ kakwiidi, ɔsika ndubɔya na bina ƒui binwini Babilonƒuɔ Ɔga Nebukadnesar kabla bablane akwa liti ku aavlanyɔ sɔɔn.

Yeremia 25:18

Na líse kalɔ lɛ́si Yerusalem lɛlɔ ku lɛma lɛni na Yuda kalɔ lɛlɔ. Na sɔsɔ békpeli baga bammɔ ku bana lɛku batine ƒui bébo kalɔ ɔ́siku bana kunyekɔ ku agaboku lɛlɔ ku kɔƒa. Na ukyuli biala ɔda-ma lɛnyi ku lɛma na kesi kesii na beeti-ma anyi teewida bekyuli ka bana ɔgbankpi ɔmmɔ udu ɔdubɔlɛku bekyuli bani na beeyuda mmɔ.

Yeremia 25:38

Unwoti úni nwuna bekyuli na báda bana kɔduli béwi aani kalɛ na gyata ɔɔlɛ́ nwuna lɛtabi ubu taatɔlɔ na ɔda ubu ɔmmɔ uwi.

Yeremia 33:10

“Yeremia, aasu anii kalɔ kamɛni kadi ketele kalɔ kakwiidi na bekyuli ku bebuo ƒui basɔ beeebo-ka lɛlɔ. Sɔsɔ na ásu na use lɛni ɔƒɛni. Yuda lɛma ku Yerusalem lɛblɔnu ƒui liwi ukpludi na bekyuli ku bebuo badi basɔ beeebo kesii kadi na anu. Nsu limeyi lɛdi ni, adubunu

Yeremia 44:2

“Ami ndi Unwoti Ɔyikune Ƒui, Israel Katɔti. Na bɛ́nu kalɛ na lɛ́yila Yerusalem udu ku lɛma lɛni nkya Yuda kalɔ lɛlɔ. Na ɔmwi ni, lɛma lɛmmɔ lɛ́bwɛ na liwi ukpludi,

Yeremia 44:22

Na uwi ɔni na útulo-nwu na ɔ́nɔ bɔnu ni, úwida bina kalɔ na káta kénwini ketele kalɔ kakwiidi kalɛ udu na kese ɔmwi na bɛɛnu mɛni.

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Kɔnyana Buwulo 4:12

Na ɔga ɔdi uuubo kalɔ kamɛni lɛlɔ iye kadi badi bátati banii bekisine badi badubɔkana na babwɛ beduo ɔma ɔmɛni lɛban kayakun kemmo kudii.

Kɔnyana Buwulo 5:18

Bula ɔma ɔ́bwɛ na lɛku kemmo begidi sɔɔn náƒɔ-nwu kemmo beli.

Esekiel 5:15

badubo-mii budumi na bakya-mii lɛlɔ lɛma, nsu liƒu lɛnɔ lɛdubo-ma bɔda geen na ala ani na lɛ́bla-mii ɔsu.

Daniel 9:18

Buvele, nu ƒula ɔma ɔƒunadi ɔmɛni kɔnyana ɔɔɔdi ɔni na abu bɔ́manku ɔsu mmomu na ƒula lɛƒɔndia bonwu lɛni ebo ete bekyuli ɔsu.

Daniel 9:2

Na nwuna lɛga bɔdi lɛkwa lideedi kemmo ni, líbo ḿbanu lɛ́ti na kenye bediene ala ani na bénweni bése bɔka kemmo ka Unwoti ɔ́su Kenye Udiene Yeremia úse ɔnini, “Bekisine badubo Yerusalem bɔbwɛ na ɔsɔ uwi ukpludi akwa liti ku aavlanyɔ.”

Habakuk 3:17

Ina adingyii lidu ƒui líbulo bɔnwu, na lɛla lɛdi liiibo na edula ɔƒɛwi na bekyuli baƒɛ bakya linwu, iye bebuo ayu ƒui ese ukpludi na baƒonu iye ɔmantɛ bɔkɔ beeebo-ni kemmo,

Luka 21:20

“Si uwi ɔni na bɛ́nu ka bekpone báka bámana Yerusalem ni, bɛdubɔti ka ɔma ɔmmɔ bɔbwɛ uwi údu.

Lɛkpa Ulu 28:37

Unwoti ɔdubugyingya-mii ɔkya kɔlɔ kɔmmɔ ƒui lɛlɔ. Na ɔdubɔbla kɔlɔ kɔmmɔ bekyuli dɛye dɛye na beye banii bi ɔsu na ɔ́lɛku-mii lɛni. Na ɔmmɔ ɔsu badubɔma-mii.