Lewiƒuɔ Ɔda Bubo 26:31 - Katɔti Ɔku Kedee

³¹ Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Lewiƒuɔ Ɔda Bubo 26:31 ပူးပေါင်းရင်းမြစ်များ

Ala Kalɔ Buse 8:21

Na Unwoti ɔ́ƒɔ akpala ammɔ ku kayi ƒui na ɔ́su ɔnini, “Nsɔ lɛɛɛdubo kalɔ kamɛni buwida na ukyuli ɔsu ina ka likpidi kasusu káƒɔ-nwu lɛlɔ kemmo ƒui ɔ́si nwuna lɛnamu uwi. Na nsɔ lɛɛɛdubo bebweyi ƒui udu bɔyila aani kalɛ na lɛ́bla.

Baga 2 22:19

Na ávumana kayi na éboku lɛlɔ kalɔ éte-mi. Na áni ƒula adala ábwɛ na akya eewulo uwi ɔni na énu ásiku ɔku ɔmmɔ kemmo ka ndubo Yerusalem ku bekyuli bammɔ ƒui kɔtu bɔni na lɛbla-ma aani ewida lɛla. Anwuɔsu línu ƒula katɔ bɔkpali.

Ala Alɛdi 2 36:19

Ɔmmɔ kama bátu ogya bákya Katɔti kakpakɔ kammɔ na báƒɛ Yerusalem awodu ammɔ béwi kalɔ, na bákyula baga kesii kammɔ ƒui na bébile ala ani náƒɔ kuye mmɔ ƒui.

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Nehemia 2:17

Nsu ɔƒɛni mɔɔsu-ma nnii, “Bɛɛnu lɛbibo lɛni kemmo na bɔkya? Yerusalem únwini atɔnku ɔma, na nwuna kɔyakun lɛpunu ƒui lɛnɔ bákyula-ni. Anwuɔsu bibo na bɔsɔ butásɔku Yerusalem awodu ammɔ bɔtu. Na bɔlɛ kɔƒa kemmo.”

Nehemia 2:3

Nsu líse kayi na lɛ́su ɔga ɔmmɔ nnini, “Ƒula lɛgadi lise liteesie uwi ƒui! Bi ɔsu na utalɛka mina anumi adu kɔnyana? Ɔsika bula ɔma unengudi ɔni kemmo na báva mina bati kuuku awodu ani bátu bámana ƒui áƒɛ éwi kalɔ. Na bátu ogya bákya ana kɔyakun ƒui.”

Yesaia 1:7

Bina kɔlɔ ƒui kɔ́yii udu na kuwi ukpludi. Na bákyula-mii lɛma linengudi ƒui. Na binye bɛɛnu baƒɔ bammɔ na béti-mii mmo ku lɛla biala bénwini bana lɛdi na bébile lɛla biala.

Yesaia 6:11

Mmɔ na líye Unwoti Katɔti nnini, “Uwi ɛlɛ kemmo na ndubuti lɛbla lɛla lɛmɛni?” Amu na údie kenye ɔnini, “Úti útédu uwi ɔni na ndubɔya na lɛma linengudi ƒui lɛbwɛ lɛyii udu, na bekyuli basɔ balakya-ni kemmo, na lɛtɔ lɛsɔ linye ukpludi, na kalɔ kemodi kammɔ ƒui kebie.

Yesaia 63:18

Keliekɔ kedee kani na éte-bu ni, uwi klukwii ɔdi kani na búlie mmɔ asa na bekisine bébebile mmɔ báyila-ka udu.

Yesaia 64:9

Unwoti, teti kɔnyi takya-bu tetulo kalɛ na ɔ́manku. Na sɔ tenyimo bula ekpidi eteesienku ƒui. Mmomu ni, Ati, bɔɔkpali-ɔ ka anu-bu kɔnyana, ɔsika awɔ ɔdi kani na bula ƒui bɔdi.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Yeremia 22:5

Nsu si bíni na bɛnii bilénu-mi litemi bɔdi ni, na muusé-mii kenye ɔkɛnku mina lɛnyi lɛlɔ ka ndubɔya na babwɛ ɔma ɔmɛni kpɛtɛ kpɛtɛ bewi kalɔ.

Yeremia 26:6

ndubo kakpakɔ kamɛni bɔbwɛ aani kalɛ na lɛ́bwɛ Siloa ɔma. Mmɔ mina kevo kedee kénye dii. Na Yerusalem ɔdubunwini kesii kani na ukyuli biala ɔdubɔkpali uwida ɔnii ɔdubɔlɛku-ɔ aani Yerusalem.’ ”

Yeremia 4:26

Katumalɔ ƒui kénwini kalɔ kakwiidi na lɛma ƒui líbie liwi ukpludi. Kɔnyi kpakplaa kɔni na Unwoti úti ɔsu na ɔmɛni ƒui ɔ́lɛ lɛni.

Yeremia 4:27

Unwoti ɔnini, “Lɛ́ɛbla mina kasusu lɛ́wɔlɔ na nsɔ lɛɛɛdubo-ka bɔvumana. Kalɔ kamɛni kadubo udu bɔyii, nsu lɛɛɛdubo-ka udu bɔyila ƒui kede kede. Kayaa kadubo bɔbla suu na kalɔ kammɔ ƒui kabla kɔnyana na ɔmmɔ ɔsu.”

Yeremia 4:7

“Bekpone badi badubɔda babalɛ-mii lɛlɔ aani gyata ɔni nási ɔ́lɛ nwuna lɛtabi ubu kemmo na babakyula kadi bekyuli pii na ɔbwɛ bina lɛma na lɛsɔ liwi ukpludi.

Yeremia 44:2

“Ami ndi Unwoti Ɔyikune Ƒui, Israel Katɔti. Na bɛ́nu kalɛ na lɛ́yila Yerusalem udu ku lɛma lɛni nkya Yuda kalɔ lɛlɔ. Na ɔmwi ni, lɛma lɛmmɔ lɛ́bwɛ na liwi ukpludi,

Yeremia 44:6

Kawɔlɔkɔ ni, mina kɔnyi kɔ́bwɛ kúwi-ma lɛlɔ aani kalɛ na ketu keeyi taabwɛ na keeƒie bekyuli. Na ɔmwi ni, Yerusalem ku Yuda lɛma liwi ukpludi aani kebu alakpi.

Yeremia 52:13

Unengu ɔmɛni ɔ́kyula Katɔti kakpakɔ kammɔ na ɔ́kyula ɔga kesii ku lɛtɔ linengudi lɛni náƒɔ lɛnyi mmɔ ƒui ku bekyuli kɔduli lɛnɔ.

Yeremia 9:11

Línu ka Unwoti uudie kenye ɔnini, “Si uwi ɔni na lɛ́wɔlɔ ku Yerusalem ku Yuda lɛma ƒui ni, mmɔ kadubɔsɔ kewi ukpludi aani alakpi lisu kesii kani na beƒukutu kani ndubo mmɔ bulie.”

Kɔnyana Buwulo 1:1

Aanu kalɛ na ɔma unengudi ɔmmɔ ɔ́ƒɔ lɛlɔ uwi ukpludi. Ɔma ɔni na nka bekyuli báƒɔ-nwu kemmo pii dii, ɔƒɛni amu ɔ́ta ɔ́bla aani ukpinele. Nka anwu náƒɔ lɛnyi dii na kadi bekyuli akɔ. Anwu ɔni na nka úse aani beleku ɔga na kɔlɔ kɔni na amadɔ mmɔ ƒui akɔ ɔƒɛni amu únwini bekyuli bamba kabla ɔblane.

Kɔnyana Buwulo 1:10

Béyu Sion akɛla ƒui békeliku, na unye ɔɔnu uwi ɔni na kadi bamba bekyuli béduo nwuna kakpakɔ ina ka ɔdi ekisila bubile ka bekyuli bani naaadi Yudaƒuɔ beduo mmɔ.

Kɔnyana Buwulo 2:6

Ɔ́ya na bábwɛ Katɔti kakpakɔ kammɔ béwi kalɔ aani kalɛ na kevoma kemo ɔban ɔɔbwɛ teewi kalɔ. Na úbile lɛla biala na kesii kani na uubo taabasiaku-bu mmɔ. Na ɔ́ya na bɔ́da emeyi buni ku Lɛnwunameyi bɔdi bɔ́ya na Sion ɔma kemmo. Ɔkɛnku nwuna kɔnyi kpakplaa kɔmmɔ ɔsu ni, úni bula baga ku bakpane ƒui.

Kɔnyana Buwulo 2:7

Unwoti údie nwuna lɛkpabi ku kakpakɔ kammɔ ƒui atu, na ɔ́ya na Sion bekisine bábaƒɛ awodu ku libili lɛmmɔ ƒui. Lɛsɛ ku kɔvanu kɔku kani na eenú yoo taasiku kakpakɔ kammɔ kemmo aani si limeyi lɛdi na baadi.

Esekiel 12:20

Badubo ɔma biala bubo bɔbwɛ na lɛla biala lɛsɔ liladia na ɔma ɔmmɔ kemmo, ɔsika kalɔ kammɔ kadubunwini kɔnwinimi kalɔ kakwiidi. Na badubo bɔti ka ami ndi Unwoti.”

Esekiel 21:15

Ɔtɔtɔ ƒui ɔdubo-ma bɔgyu na beteebuli ku liƒu bonwu. Na mina kewii kadubo bunye butaakywɛɛ-ma na ɔban kayakun biala kenye. Na kadubo ogya buteedie na kenye kagyumana ka kadu bekyuli.

Esekiel 21:7

Na si béye-ɔ lɛla lɛni ɔsu na eedumo lɛni ni, su-ma anii énu kenye kekpidi kani mɔɔda liƒu geen na kadubɔya na ukyuli biala nénu-ka ɔtɔtɔ ɔgyu-nwu na utaatɔ ku liƒu kpakpaakpa. Na uwi ɔsɔ uletu asa na ala amɛni adubo bɔlɛ. Ami Unwoti muusé kenye kamɛni!”

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Esekiel 6:6

Na Israel lɛma ƒui lɛdubo bɔbwɛ na lɛnu ka bana baƒiɔ bammɔ ku baƒiɔ lɛtɔ ku abi ammɔ ku ala avɔdi ku anwidi ammɔ ƒui áyii udu.

Daniel 2:46

Amu na Ɔga Nebukadnesar úboku lɛlɔ kalɔ na ɔ́kya Daniel lili kalɔ, na úmwi-nwu na údie lɛdi úte nwuna kabla bablane ɔnii beti oloƒui beboku na bakyula, na babla edula ebi etela lɛkpa beti bete Daniel ɔbu.

Amos 7:9

Na ndubɔbwɛ Isak kaba kemmo bebi baƒiɔ kɔkpakɔ kɔmmɔ ƒui na lɛbwɛ Israelƒuɔ kɔkpakɔ kedee kɔmmɔ ƒui. Na lɛbwɛ Ɔga Yeroboam lɛga kadikɔ kammɔ.”

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Seƒania 3:6

Unwoti ɔ́bɔku kadi bekyuli údie bana lɛma na kɔgyumanakɔ kpakplaa kɔni bátu kúbie na kɔ́ƒɔ lɛlɔ kɔkya alakpi akɔ. Na bana lɛblɔnu ku lɛma ƒui línwini alakpi akɔ lɛti lɛti ɔni na bekyuli basɔ beeebo-ni kemmo.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Batalane Kabla 6:14

Na búnu ka ɔ́su lɛnɔ ɔnii ukyuli ɔni nási Nasaret na baalɔ-nwu banii Yesu mmɔ ni, ɔdubɔƒɛ Katɔti ɔtɔ ɔmɛni na wavumana Mose ɔda bubo bɔni na úte-bu.”

Hebriƒuɔ 10:26

Nsu si bɔgyi ƒui na búti bɔ́sia lɛlɔ na bɔɔbla ala ekpidi na uwi ɔni na bédie litemi geen lɛmmɔ ala bátina-bu ni, na likpidi buti taakyiɛ akpala adi asɔ eeebo na babla lɛnɔ.