Lewiƒuɔ Ɔda Bubo 26:22 - Katɔti Ɔku Kedee

²² Na ndubudie beƒiebuo lɛkya-mii na beƒie bina bebi, na bayila bina bebuo ƒui udu kede kede, na bina bumomo bubo kalɔ geen, na ɔkɛnku ɔmmɔ ɔsu na bina lilu lɛtɛ kɔka ukpludi na bekyuli basɔ balasia-ni lɛlɔ.

Lewiƒuɔ Ɔda Bubo 26:22 ပူးပေါင်းရင်းမြစ်များ

Baga 2 17:25

Na uwi ɔni na bekyuli bammɔ báka mmɔ butélie ni, na bekyuli bammɔ balákya lili kalɔ teete Unwoti. Ɔmmɔ ɔsu Unwoti ɔ́ya na bagyata bábadu badi.

Baga 2 2:24

Amu na Elisa únwini na ɔ́nu-ma ɔnusɛ, na úwida-ma na Unwoti lɛnyi kemmo. Mmɔ na begiti inyɔ bási lɛku kemmo na bábaduli banamu aavlene-inyɔ na béle-ma kɔkɛ kɔkɛ.

Ala Alɛdi 2 15:5

Ala ƒui éƒu ákya Israel na emeyi ammɔ kemmo ɔni na ɔdi ɔgbankpi ute ukyuli biala ka usie mmɔ kesii kadi.

Yesaia 24:6

Ɔkɛnku ɔmmɔ ɔsu ni, ewida ádi bekyuli ku kayawi ƒui lɛla biala lɛlɔ na ɔdi biala ɔlɛka ubo abi na nwuna likpidi lili na bekyuli bayawine bákywi ƒui na bana ɛlɛɛ kani nébu.

Yesaia 33:8

Ɔdi ɔsɔ ulakana ulu bɔyu busie kesii kadi anwuɔsu alanu ukyuli ɔdi na ulu ɔdi lɛlɔ. Bébile ala ani na búnyimi búse. Na si ina ɔdi anii ataadi linyese lɛdi lɛlɔ muedi ukyuli ɔdi ɔsɔ ulábu-ɔ.

Yeremia 15:3

“Ndubo-mi kɔtu bɔni na lilu ine bun bun lɛlɔ. Badubo-mii bɔdu na kekpokɔ na bakpewe bani bina ɔlɔna ukpine batɔlɔku. Na baasɛ baduli-mii lɛna bebweli. Na bakumbweyi bababwɛ-mii ekubi.

Yeremia 42:2

na básu-mi banini, “Buvele, kpali Unwoti, ƒula Katɔti, na bula lili te-bu. Agyi ka nka bekyuli bakya Yuda kalɔ mɛni kuuku, nsu bula ɛlɛɛ kani nébu ɔƒɛni aani kalɛ na awɔ ɔla aanu.

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Esekiel 14:15

“Na lɛnɔ ni, ndubɔkana na lɛni kadi bekyuli badi kɔtu si báƒiɔ-mi na lɛya na beƒiebuo beduo-ma lɛlɔ na bakun-ma na babɔku belusiene bani ƒui nkɛ mmɔ kalɛ na kalɔ kammɔ ƒui kenwini kalɔ kakwiidi kani kemmo lɛla lɛdi liiibo.

Esekiel 14:21

“Ami ndi Unwoti Katɔti na muusé kenye ka ndubo Yerusalem kɔtɔ bɔni geen. Ndubo bɔya na kekpo ku kɔka ku lɛlɛ likpidi ku beƒiebuo bebo babadu bekyuli ku bebuo bammɔ ƒui.

Esekiel 33:28

Ndubo bɔya na lɛla biala lɛyii udu na kalɔ kammɔ ƒui kemmo ka kalɔ kammɔ kasɔ kewi ukpludi na libile ɔyikun ɔni na bɛɛnu ka bibo ɔsu na bɛɛkun lɛmɛnɛ. Abi lɛlɔ muedi livo lilenye na ɔdi ulabla kasusu ɔnii ɔɔsia mmɔ ɔlɛ usie kesii kadi.

Esekiel 5:17

Kɔka ku beƒiebuo ndubo bina bebi bɔdu. Na ndubo-mii kɔtu bɔni ku lɛlɛ likpidi na bina bekisine lɛnɔ bekpo-mii na badu-mii ku bana kuwii. Ami Unwoti násu.”

Lewiƒuɔ Ɔda Bubo 26:6

“ ‘Ndubɔya na bɛkɛ atu bɔyɔ na kalɔ kammɔ kemmo na bɛtɛ bɛlɛɛ ƒaa na ɔdi ulakya-mii liƒu lɛdi. Na ndubɔbɔku bebuo bekpidi lɛlɛku kalɔ kammɔ lɛlɔ. Na kewii kadi kelékpoku-mii na kalɔ kammɔ kemmo.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Sakaria 7:14

Anwuɔsu na líbo na ndaku ɔƒɛƒɛɛ kpakplaa ɔni mɔɔkya ligede na ḿbegyingya bana ƒui lɛ́kya kaƒɔ kɔlɔ ƒui lɛlɔ, na báda bana ɔma ɔbuni ɔmmɔ béwi, na bekyuli bása-nwu kemmo na bébile ala lɛnɔ.’ ”

Lɛkpa Ulu 32:24

Na kɔka ku lɛlɔ bɔbi ɔdubo-ma bɔdu. Na lɛlɛ lidu lidu lɛdubo-ma bɔdu. Na ndubɔya na beƒiebuo bebekpoku-ma na balakpi bani mbo ugyulo ukpidi ɔdu-ma.

Litemi Batɛne 5:6

“Na Anat ubidi Samgar uwi ku Yael uwi ni, bekyuli béni lilu linengudi lɛmmɔ lɛlɔ bɔsia na belusiene baasia lilu lɛni nse gonti gonti lɛlɔ.