Lewiƒuɔ Ɔda Bubo 26:19 - Katɔti Ɔku Kedee

¹⁹ Na ndubɔyila bina ɔyikun ɔni bɛ́kɛ ɔsu bɛɛtina lɛlɔ mmɔ kalɔ ƒui. Na lɛkalɛ kayaa kpakplaa na ɔnantu ɔsɔ ulana na ɔkɛnku ɔmmɔ ɔsu na kalɔ kakwii kpakplaa aani lɛbuala ligyiedi.

Lewiƒuɔ Ɔda Bubo 26:19 ပူးပေါင်းရင်းမြစ်များ

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Baga 1 8:35

“Na si ɔnantu ɔ́da bɔna ɔ́ya ɔ́si ekpidi ani ƒula bekyuli bábla ɔsu, na bávumana kayi bébo kakpakɔ kamɛni anumi, na bákpali-ɔ ni,

Yesaia 2:12

Unwoti ubo nwuna limeyi na lɛsia ulu lɛdubo lite bani mɔɔkun lɛmɛnɛ na baanu lɛlɔ katɔ katɔ. Na ɔdububoku lɛlɔ katɔ bɔkɔli biala kalɔ limeyi lɛmmɔ.

Yesaia 25:11

Na beteebo enu ka balɛ mmɔ aani kalɛ na ukyuli ɔni muubumo ketu uubó enu. Nsu ina bi na bana enu aata ala lɛlɔ na bebo kɔkwɛ muedi ni, Unwoti ɔdubo-ma bɔyila na bana lɛlɔtina ku ulikplu ala bɔbla ɔsu.

Yesaia 26:5

Na bekyuli bani mɔɔkɔliku lɛlɔ katɔ ni, uuboku-ma kalɔ. Na lɛma linengudi lɛni bekyuli mɔɔnu lɛlɔ katɔ katɔ ni, uutú-ni teegyingya na lɛɛbla kpɛtɛ kpɛtɛ teenwini ɔtumu.

Yesaia 28:1

Bɔbuɛ beete Eƒraim ntɛ banine bani nti lɛlɔtina lɛka aani kagabwa, na lɛkɛ ku ala abuni ani na baanu ka Israel ubo ɔsu. Baasíku ala amɛni na ɔkwalɛ ɔni nélie lɛmwi na kesii kani na baabla-nya mmɔ, na baaní ntɛ bɔmmɔ teekpi. Nsu ala ammɔ aayii udu, aani kalɛ na egyii anwula aayɛyɛ kalɛ.

Yeremia 13:9

“Yeremia, ndubo Babilonƒuɔ butiku na bayila Yuda ku Yerusalemƒuɔ lɛlɔ katɔ bɔtalaku.

Yeremia 3:3

Anwuɔsu na ami Unwoti lítile kayaa na ketudi ɔnantu úbulo bɔna bute-mii. Nsu ɔmɛni ƒui muedi kɔƒa kulekpo-mii na bina ɔbladu ɔsu aani kalɛ na kɔƒa kulekpo ɔyalɛ na nwuna lɛsɔnɔdi ablala lɛlɔ.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Esekiel 30:6

Badubo bina kadi bamba bekpone bani nnye nte-mii bɔdu na bina ɔyikun ɔni na bibo ƒui kenye kekulo na bɛyii udu. Na bekyuli badubo bukpi ɔ́si Migdol na katɔ kakɛ útédu Aswan na kada kakɛ ami Unwoti násu.

Esekiel 33:28

Ndubo bɔya na lɛla biala lɛyii udu na kalɔ kammɔ ƒui kemmo ka kalɔ kammɔ kasɔ kewi ukpludi na libile ɔyikun ɔni na bɛɛnu ka bibo ɔsu na bɛɛkun lɛmɛnɛ. Abi lɛlɔ muedi livo lilenye na ɔdi ulabla kasusu ɔnii ɔɔsia mmɔ ɔlɛ usie kesii kadi.

Esekiel 7:24

Anwuɔsu ndubo ɔmii ɔni bekyuli mbo kalala geen bɔsu na bebo bebeti bina kɔduli ƒui benwini bana ɔdi. Na lɛmɛnɛ lɛni na bɛɛkun na bina bekpone kpakplaa bani na bibo lɛlɔ ni, nwuna kenye kekulo. Na badubɔbla bina kɔkpakɔ ƒui na kuteese lɛlɔ na kɔsɔ kulamanku bɔkpa bɔdi.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Seƒania 3:11

Si uwi ɔmmɔ údu ni, bɛsɔ bilata bilenye-mi lɛlɔ na lɛkya-mii kɔƒa. Ɔsika bekyuli bani na bebo lɛkantakpi na baatalaku lɛlɔ katɔ mmɔ ni, ndubudie-ma ƒui na bina akɔ, na basɔ beléteetu lɛgba taanya taavi mina kɔbi kedee kɔmmɔ lɛlɔ kudii.

Luka 4:25

Ɔdi litemi geen ka bekpinele pii bákya Israel kalɔ lɛlɔ na lebo lɛni na Elia ɔ́kya. Na ɔnantu úbada akwa atɛ ku kakɛ. Na kɔka bonwu kɔdi kúbo kalɔ kammɔ ƒui lɛlɔ.

Lɛkpa Ulu 11:17

Ɔsika si bɛ́lɛ-nwu kama ni, ɔmmɔ ɔdubɔya na uti kɔnyi ɔkya-mii geen na ɔya na ɔnantu ɔda bɔna ɔya na kalɔ kabuni kani na úte-mii mmɔ lɛlɔ na kakwii. Na si bɛ́va edula adi ni, alakana bɔkwɛ. Na ɔmɛni ndubɔya na bikpi bɛkya kalɔ kammɔ kemmo.

Lɛkpa Ulu 28:23

Ɔnantu lɛnɔ ulana na bina kalɔ kadubɔyu ɔkplu aani lɛbuala kalɛ.

Samuel 1 4:11

Na béƒie Bunyimi Adaka ɔmmɔ báƒɔ, na Eli bebi inyɔ bammɔ lɛnɔ békpi.

Samuel 1 4:3

Ka bekpone bakladi bénwini bébo bana kakyakɔ ni, bana benengu bammɔ béye banini, “Bi ɔsu na Unwoti ɔ́ya na Ƒilistiƒuɔ bádi-bu lɛlɔ ɔmwi? Bɛya na butágyu Unwoti Bunyimi Adaka bɔsiku Silo buboku, na buti bɔdanku kekpokɔ mmɔ. Na ɔdubɔƒɔ ute-bu na bula bekisine ɔsu.”