Lewiƒuɔ Ɔda Bubo 26:17 - Katɔti Ɔku Kedee

¹⁷ Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Lewiƒuɔ Ɔda Bubo 26:17 ပူးပေါင်းရင်းမြစ်များ

Ala Kalɔ Buse 4:12

Si átuma-ka lɛlɔ ni, kasɔ kaladia-a edula. Na adubo ukeline bunwini na aaadubo keliekɔ kadi bɔkɛ na kayawi kammɔ ƒui lɛlɔ.”

Baga 1 8:33

“Na si Israel, ƒula kadi bekyuli bésie kekpokɔ, na bana bekisine bádi-ma lɛlɔ ɔsi bana ekpidi ani bábla ɔsu, na bénwini bébo-ɔ kudɔ, na bébenye kakpakɔ kamɛni na béboku lɛlɔ kalɔ bévele-ɔ likpidi buti taakyiɛ ni,

Baga 2 13:3

Ɔ́si ɔmmɔ ɔsu ni, Unwoti úti kɔnyi ɔ́kya Israelƒuɔ na ɔ́ya na Siriaƒuɔ Ɔga Hasael ku ubidi Ben-Hadad békpoku-ma na bádi-ma lɛlɔ, na Israelƒuɔ bákya-ma kalɔ na uwi útu.

Baga 2 13:7

Na uwi ɔmmɔ kemmo ni, Yehoahas uuubo bekpone ƒelee badi. Na bani kani na ubo ndi bapɔnkɔ beliene liti ku bapɔnkɔ kɛɛkɛ leevu ku bekpone bani muusié lɛgba mpim leevu (10,000), ɔsika Siriaƒuɔ ɔga ɔ́yila Israelƒuɔ ɔga bekpone bakladi udu ƒui kede kede na útu-ma ɔ́bwɛ kpɛtɛ kpɛtɛ aani ɔtumu.

Kɔgya 44:10

Na áya na abu mmomu násɔ búnwini buukeli bula bekisine. Na ama bani muukisi-bu mmomu néƒie-bu ala báƒɔ.

Kɔgya 53:5

Liƒu bonwu líbo-mii lɛlɔ lɛni udu nétebo tɔ kudii. Ɔsika Katɔti úbo amii mina bekisine ekubi úgyingya. Na kɔƒa kúkpo geen, ɔsika Katɔti úni-mii.

Kɔgya 53:6

Muuvele kpakplaa nnii Katɔti ɔya na bɔƒɔ bɔsi Sion bubo bute Israel. Na si Katɔti ɔ́sɔku nwuna bekyuli lɛkɛ úte-ma ni, lɛlɔ lɛdubɔyɔ-ma geen.

Agba 28:1

Ukyuli ɔdi ulábɔku bekyuli bekpidi asa na ama alati beekeli. Nsu bekyuli babuni baakya kayi aani bagyata.

Yesaia 30:17

Na ukisine unwi ɔdubo bina nkyuli eti leevu bɔbɔku. Na bana ɛlɔ muedi badubɔbɔku bina ƒui batɔlɔku. Na kawɔlɔkɔ ni, bina ɛlɛɛ kani ndubo bubu na bɛbla kɔnyana aani kalɛ na beekú lɛkpa linwi pɛ teenyene kɔbi kɔdi lili.”

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Yeremia 19:7

“ ‘Amii Yuda ku Yerusalemƒuɔ bɛdubɔbla kasusu bɛsiku ala enengudi lɛlɔ, nsu mɛni na ndubo kɔsusu kɔmmɔ ƒui kemmo bubile na lɛya na bina bekisine badu-mii na baasɛ baduli-mii ɔlɔna bebweli ƒui kede kede.

Yeremia 44:11

“Ami Unwoti Ɔyikune Ƒui lɛ́lɛ ugyii ka ndubɔya na ɔgbankpi lidu libo-mii lɛlɔ na lɛyila-mii lidie ƒui.

Kɔnyana Buwulo 1:5

Nwuna bekisine nénwini ɔma ɔmmɔ lɛlɔ badine, na bekisine bammɔ belie-nwu ƒaa. Ekpidi bonwu ani na ɔɔbla ɔsu na Unwoti ɔ́ya na lɛbibo lɛmmɔ udu líbo-nwu lɛlɔ, na ɔ́ya na bekisine béƒie nwuna bebi bátɔlɔku na béténwini bana bekisine kalɔ bakyane.

Kɔnyana Buwulo 2:4

Úbo nwuna kɔtaminta atula ɔ́lɛ-nwu aani ukisine kalɛ. Na ɔ́du nwuna bayɔne, na ɔ́kyula kɔduli kɔni ƒui nkya Sion Kɔbi lɛlɔ.

Esekiel 15:7

lɛni na ndubo ogya buti bɔkyula Yerusalem bekyuli. Na si uwi ɔni na ala amɛni álɛ ni, awɔ Esekiel adubɔnu ati ka ami ndi Unwoti.

Lewiƒuɔ Ɔda Bubo 17:10

“ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Lɛkpa Ulu 28:25

Unwoti ɔdubɔya na bina bekisine badi-mii lɛlɔ. Na bɛdubɔsia ulu unwi bɛnii bitékpoku-ma, nsu bɛdubɔsia lilu maatɛ lɛlɔ bikeli bɛtɔlɔ. Na si ɔmɛni udu ɔ́lɛ lɛni ni, ɔdubɔbla kayawi bekyuli ƒui kalɛ kadi. Na badubuye lɛlɔ ka bi mɔɔlɛ́ na bina lɛlɔ mɛni.

Yosua 7:4

Anwuɔsu Yosua ɔ́tala Israelƒuɔ bekpone mpim ɛtɛ ka betékpoku-ma. Nsu ka bésie ni, usi bakɛ na básɔ bénwini.

Litemi Batɛne 2:14

Na ɔkɛnku kɔnyi kati kati kɔni na Unwoti úti ɔ́kya Israelƒuɔ ɔsu ni, ɔ́nyonu-ma ɔ́kya bana bekisine enu kemmo na bébekpoku-ma na béti bana ala. Na ɔ́ya na bana bekisine bani nkya amadɔ mmɔ ƒui békpo bádi-ma lɛlɔ, na basɔ balakana na babla lɛla lɛdi.

Litemi Batɛne 3:14

Na Israelƒuɔ bénwini kabla bablane béte Ɔga Eglon ɔni nási Moab akwa leevu-maane sɔɔn.

Litemi Batɛne 3:8

Ɔ́si kalɛ na Unwoti úti kɔnyi kati kati ɔ́kya Israelƒuɔ ɔsu ni, Unwoti ɔ́nyonu-ma ɔ́kya Ɔga Kusan Risataim enu kemmo. Na Israelƒuɔ bénwini kabla bablane béte nwuna bekyuli na Naharaim Aram kalɛkɛ lɛlɔ akwa maane.

Litemi Batɛne 6:2

Ka Midianƒuɔ bamɛni bebo ɔyikun bétulo Israelƒuɔ ɔsu ni, Israelƒuɔ bátáwia kɔkyakɔ na abi akɔ ku atakpɛ libu ku kɔgyumanakɔ kpakplaa kemmo.

Samuel 1 12:15

Nsu si bɛ́ta bínye Unwoti ɔda bubo lɛlɔ na bíni ka bɛsiaku-nwu kama ni, ɔdubo-mii kɔtu bɔni aani kalɛ na ɔ́ni bina bati kukuuku kɔtu.

Samuel 1 31:1

Amu na Ƒilistiƒuɔ békpoku Israelƒuɔ na baabɔku-ma geen na bana anumi, na bádu bana akɔ pii lɛnɔ na Gilboa Kɔbi lɛlɔ.

Samuel 1 4:10

Ɔmɛni ɔsu ka bása sɔsɔ ni, Ƒilistiƒuɔ békpo ku lɛnungyie na bádi Israelƒuɔ lɛlɔ. Na usi na Israelƒuɔ bakɛ békeli bésie bana kakyakɔ. Na bádu Israelƒuɔ na bemomo geen, ɔsika bekpone bani nkɛ lɛgba na bádu-ma babla nkyuli mpim avlaatɛ.