Lewiƒuɔ Ɔda Bubo 26:16 - Katɔti Ɔku Kedee

¹⁶ ala ani ndubo mɛni na ndubo-mii bɔbla. Ndubɔya na liƒu ala ada alɛ-mii lɛlɔ kɔnakunwi na lɛya na lɛlɛ buɛ lidu ku lɛlɔ ogya bɔƒɔ buteekpoku-mii na anumi abwɛ-mii na biteekpi. Bɛdubo bina edula bɔva keeke, ɔsika adubunwini bina bekisine adi.

Lewiƒuɔ Ɔda Bubo 26:16 ပူးပေါင်းရင်းမြစ်များ

Baga 1 8:37

“Na si kɔka iye ɔlɛ buɛ ɔdi úbo kalɔ kamɛni bekyuli lɛlɔ iye edula ammɔ lɛlɔ, na baalɔlɔ ku kubweyi bamba beebile-nya iye bekisine néyu ƒula bekyuli bátu na beekpóku-ma ni,

Hiob 18:11

“Na ulákɛ bɔnwuna na liƒu ala ani ndubo-nwu butaayila na ataabɔku-nwu lɛnɔ ɔsu.

Hiob 20:25

Na ana nnye bɔni mbo ɔkplu mmɔ ndubo-ma ɔlɔna bɔtu bɔƒuaala. Na liƒu bonwu lɛdubuƒie-ma.

Hiob 31:8

na ɔya na bekyuli bamba beti mina kabla kani na lɛ́bla ƒui benwini bana ɔdi, na baƒɛ-mi edula ƒui, na beku ani nkya mina kalɔ lɛnɔ bedie.

Kɔgya 109:6

Na baasu muedi banini, “Ya na bekyuli bekpidi badi bada-nwu kenye ka ɔɔbla likpidi. Na bana ɔdi ɔni-nwu uboku litemi katɛkɔ.

Kɔgya 73:19

Liƒu ala bonwu aadá taalɛ bekyuli bammɔ udu lɛlɔ na baayii kɔnakunwi.

Kɔgya 78:33

Ɔmmɔ ɔsu na ɔ́ya na ɔgbankpi úbo-ma lɛlɔ na bana ngba bɔ́da liku na búbo kawɔlɔkɔ kɔnakunwi.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Agba 3:33

Unwoti uuwida bekyuli bekpidi kɔduli. Nsu nwuna kusɛ kusɛ ɔɔsiaku bekyuli bani nse siin.

Yesaia 10:4

Badubɔni-mii batɔlɔku na abuli kemmo ku bekyuli beƒiedi bakladi na biiibo lɛla lɛdi bɔbla, iye badu-mii bebunku bani na báadu béwi. Nsu ɔmmɔ ƒui Katɔti kɔnyi kɔɔɔdubo-nwu bɔyɔ tɔ.

Yesaia 62:8

Unwoti úse kenye kpakplaa ɔnini, “Nsɔ lɛɛɛdubo bina edula buti bute bina bekisine na badi. Na kadi bamba bekyuli basɔ baaadubo bina ntɛ bɔwɔdi bɔni lɛnɔ na bíbo abi bídie bɔni kudii.

Yesaia 7:2

Kenye kébedu Ahas kudɔ banini, “Ɔga Resin ku Ɔga Peka bása lili na ama ku bana bekyuli báta ka bebékpo-bu.” Ɔmmɔ ɔsu ɔtɔtɔ ɔ́gyu Ɔga Ahas ku nwuna bekyuli na baatɔ́ kpakpaakpa aani kalɛ na ɔƒɛƒɛɛ uukpó taavi egyii akɔ.

Yeremia 12:13

Mina bekyuli, kamu na bɛ́kya, nsu ka líti kɔnyi lɛ́kya-mii ɔsu ni, livo kani na lɛya na lɛ́kwɛ. Anwuɔsu bíbo abi ekpludi na bítakɛ ku lɛla!”

Yeremia 15:3

“Ndubo-mi kɔtu bɔni na lilu ine bun bun lɛlɔ. Badubo-mii bɔdu na kekpokɔ na bakpewe bani bina ɔlɔna ukpine batɔlɔku. Na baasɛ baduli-mii lɛna bebweli. Na bakumbweyi bababwɛ-mii ekubi.

Yeremia 15:8

Bekpinele badubo bumomo na Yuda butulo kalɛ na ɛpu kɔnwinimi kuse na ɛpu kɔtu. Bekisine badubo-mii buyu bɔtu na bekpo-mii na ɔƒiiwi na bebi beni beteewulo bana bebi.

Yeremia 20:4

Liƒu kani ndubo-ɔ butaada na adubuti liƒu lɛmmɔ akya ƒula bekyuli lɛlɔ. Na adubɔnu kalɛ na bekisine badubo-ma bɔdu na kekpokɔ. Na ndubɔya na Babilon ɔga uƒie ukyuli biala na Yuda kalɔ lɛlɔ ɔtɔlɔku na binwini-nwu bekyuli beƒiedi na ɔdu badi.

Yeremia 5:17

Bina edula na kadi bekyuli bamɛni badubo bɔdi na bakun bina bebuo. Na adingyii ebi adi elébu na bina adingyii mmo. Na ina ka bɛɛkali bɛnii bɛ́kɛ kakyakɔ na bina awodu kpakplaa ani na bɛ́tu bɛ́mana bina ɔma ɔmmɔ kama ni, badubo-mii lɛma bubo bɔbwɛ na badu bina bebi.”

Esekiel 24:23

Na bɛɛɛdubo bina aduni bɔda bɔmami bina eli na biledie bina lɛgbanvuo lɛnɔ lɛgba na bɛsɔ bɛkɛ lɛgbakplu. Nsu bɛdubo bɔkɛ buteewulo kɔnyana na bina ekpidi ɔsu limeyi limodi.

Esekiel 33:10

Unwoti ɔnini, “Esekiel, ɔyawine ubi, Israelƒuɔ bakya baakya unyeƒi banii bana ekpidi ani na bábla kɔtu kɔni na ɔlɛka lɛni-ma ni, kútulo-ma buti. Na basɔ beeebo lɛnunsia lɛdi ka badubɔsɔ bakana ngba bulie lɛnɔ. Na ami mmomu na baadú kɔtɔ.

Amos 5:11

Na bɛɛnya bawabane taakya na bɛɛƒɔ́ eyi bonwu bonwu ku edula na bana kudɔ. Bɛ́tu lɛtɔ libendi bíte lɛlɔ, nsu bɛɛɛdubo-ni kemmo bulie. Na bíse adingyii mmo, nsu bɛɛɛdubo ntɛ bɔkɛ bɔsiku egyiibi ammɔ kemmo.

Mika 6:15

Bɛdubo bɔtuma, nsu bɛɛɛdubo edula ammɔ bɔƒɛ. Na ndubɔya na bidie nnɔ kaduɛ, nsu amii alati bileti-mu bilabla lɛla lɛdi. Na bɛdubo egyiibi bubulo na bidie ntɛ, nsu bilákɛ-mu biláni.

Hagai 1:6

Bɛɛkya edula, nsu biláƒɛ-nya kalɛ na bɛ́kya-nya kenye. Na bilakɛ taadi teemo, na bilakɛ ntɛ lɛnɔ taani na budu-mii ɔkwɛ. Na bina adala lɛnɔ elebunku-mii na lɛlɔ lɛbla-mii gugungu. Na bina lɛyuƒɔla lɛni na bɛɛkɛ́ ni, kɔvumi kɔni náƒuala kemmo na bɛɛkya bina egulabi ammɔ.

Sakaria 14:12

Binu lɛla lɛni na Unwoti ɔdubo bekyuli bani mekpoku Yerusalem bɔbla. Ɔdubɔya na bana ɔlɔna ubu uwi ɔni na bamu benye bana lɛgba lɛlɔ, na bana anumi akpa álɛ ébo ási ana evuo kemmo, na bana linyemi lɛnɔ libun na bana inye kemmo.

Malakai 2:3

“Ndubo bina bebi ku bawɔ kɔtu bɔni. Na ala ani na bɛ́kpɛ bídie bebuo bani na bíbakpa bíte-mi livo kemmo ni, ndubuti-ni lisusu-mii anumi na lidie-mii atu na bɛyii udu.

Lɛkpa Ulu 28:51

Na bekyuli bammɔ badubo bina edula bɔdi na badu bina bebuo bakun ƒui na kɔka kɔda-mii kaduɛ úti útédu ka bíkpi bɛ́sa ƒui. Na bekyuli bammɔ baaadubo edula iye ntɛ iye nnɔ iye ɔmantɛ bakɔ iye baƒonu badi bɔda buse-mii. Badubɔkyula ala ammɔ ƒui kede kede na bikpi bɛsa.

Lɛkpa Ulu 32:25

Na kekpo kalɛ na bekyuli bekpi beyile lɛblɔnu, na liƒula libeyi kɔduli kemmo. Na bakloƒu ku begblebi badubo bukpi. Na banamu ku benengu lɛnɔ balanu-ma kɔnyana.

Hebriƒuɔ 10:31

Liƒu lɛla bonwu lɛdi si Katɔti ɔni nli ngba uwi ƒui ɔ́da-a na kɔnyi kemmo.

Litemi Batɛne 6:11

Amu na Unwoti ɔtu ɔdi úbo na úbelie kugyii bonwu kɔdi kalɔ na Oƒra ɔma kemmo. Na kugyii kɔmmɔ kɔdi Yoas ɔni nási Abi-Eser kɔdi. Mmɔ na ubidi Gideon ɔkya uuwiile edula ebi teewi ntɛ kebulokɔ kalɛ na Midianƒuɔ balanu-nya beledie kemmo.

Samuel 1 2:33

Na ina lɛ́ya na bina akɔ ɔdi únwini ɔkpane na mina lɛkpabi lɛlɔ ni, ɔdubɔya na imii sɔɔn bɔƒɔ-mii anumi na ala eteekpoku-mii. Na bina ɔtɔ kemmo bekyuli ƒui ni, bana lɛkloƒu uwi kani na badubo buteekpi.