Lewiƒuɔ Ɔda Bubo 26:15 - Katɔti Ɔku Kedee

¹⁵ iye bíni mina ɔda bubo na biikisi mina bunyimi na bɛ́ta bínye-mu lɛlɔ na bínwini kama bɛ́kya-mu ni,

Lewiƒuɔ Ɔda Bubo 26:15 ပူးပေါင်းရင်းမြစ်များ

Ala Kalɔ Buse 17:14

Ɔnana biala na útekulo tɔ lego ni, ɔdubukulo kɔna kɔni nkya anwu ku mina bekyuli ntɛ, ɔsika útadi mina bunyimi lɛlɔ.”

Baga 2 17:15

Béni nwuna ɔda bubo, na bátadi bunyimi bɔni na únyimiku bana bati kuuku lɛlɔ ku kalɛ na ɔ́lɛ-ma kpakplaa mmɔ lɛlɔ. Na basia baakpá baƒiɔ bani neeebo kɔsia. Ɔmmɔ ɔsu ama lɛnɔ bátalɛ kɔsia kɔdi. Na básiaku kadi bamba bekyuli bani náka bámana-ma baatɛya bana ablala ina ka Unwoti ɔ́su-ma ɔnini, “Bitabla ala ani na baabla.” Nsu ala ani lɛlɔ geen na Unwoti úbo-ma ɔda ka batabla ni, anya basia baabla.

Ala Alɛdi 2 36:16

Nsu bɔma kani na bekyuli bamɛni báma kenye bediene bammɔ na bédumi-ma na béni ala ani ƒui na Katɔti ɔɔwia ka ɔsu-ma. Na ɔkɛnku ɔmɛni ɔsu kɔnyi kúbakɔ Unwoti Katɔti kɔ́vili útédu ka ɔni Yuda ku Yerusalem kɔtu.

Kɔgya 50:17

Bikisi ka lidie-mii bɔƒiɔ na bɛda bɛya. Na bíni mina etemila.

Israelƒuɔ Bɔlɛ 19:5

Ɔƒɛni si bínu-mi litemi kaduɛ na bɛ́di mina bunyimi lɛlɔ ni, amii ndubɔbla mina bekyuli bani lɛlɔ na mina kayi kadubɔsia na kadi bekyuli ƒui akɔ, ina ka kayawi ƒui kadi mina kadi.

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Agba 1:30

Bíni mina bɔlɛ na bíveli atu na mina bɔdɔnku ɔsu

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 5:12

Mmɔ na awɔ ɔlati adubɔsu lɛlɔ anini, “Ńtenu bɔlɛ! Na líni na mina kayi kemmo ka lɛƒɔ bɔklibi bɔni na baaklibi-mi.

Yesaia 24:5

Bekyuli bébile kayawi kammɔ na keesé lɛlɔ. Bátadi ɔda bubo bɔmmɔ lɛlɔ, na báta bénye litemi lɛmmɔ lɛlɔ, na bébile Katɔti bunyimi bɔni nnye nte uwi ƒui mmɔ.

Yeremia 11:10

Ekpidi ani na bana bati kuuku bábla ni, ana lɛlɔ kani na ama lɛnɔ benye kpakplaa na ɔni na béni-mi na bésie baakpá baƒiɔ ɔsu. Lɛga kadikɔ kani nkya katɔ kakɛ na Israel kalɔ lɛlɔ ni, bébile bunyimi bɔni na línyimiku bina bati kuuku. Na ɔmmɔ lɛlɔ kani na Yuda lɛga kadikɔ kani na kalɔ kammɔ kada kakɛ badaku ɔƒɛni.

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.

Yeremia 6:19

Mina bekyuli bédie-mi atu na béni mina ɔda bubo. Bábla kasusu ka bataabla likpidi. Na ɔƒaani ni, likpidi kɔkwɛ ala ani na bábla ala ndubo-ma bɔlɛku.

Esekiel 16:59

“ ‘Yerusalem, ámanku kɔtu bɔni, ɔsika ébila mina linyese ku ala ani na línyimiku-ɔ.

Lewiƒuɔ Ɔda Bubo 26:11

Na ndubɔbla mina keliekɔ na bina akɔ na lɛɛɛdubo-mii buni ƒui.

Lewiƒuɔ Ɔda Bubo 26:43

Ɔsika badubɔda kalɔ kammɔ bewi na kakɛ kana bɔnwuna akwa ka basɔ balábla-ka lɛlɔ kabla kadi ɔsu. Na badubɔƒɔ bana ekpidi kayu, ɔsika béni mina ɔda bubo na bátadi mina litemi lɛlɔ.

Lewiƒuɔ Ɔda Bubo 26:9

“ ‘Ndubɔnu-mii ku lɛƒɔndia na lɛya na bɛwɔ na bimomo na lɛdi mina bunyimi lɛlɔ lite-mii.

Malakai 2:2

Si bɛ́vumana na bɛɛsia anu teete-mi ɔbu ɔni námanku-mi ni, ɔdia-mii utulo. Si ɔɔɔdi lɛni ni, ina kusɛ kusɛ ɔdi bina ɔdi ni, ndubɔya na unwini ewida. Na geen ni, líise kalɔ ndaku ɔmɛni bɔbla, ɔsika bíteti bina bakpane kabla bítakya kayi kalɛ na bɛbla bina kabla ulu lɛlɔ.

Bumomo Bɔka 15:31

Ɔsika útabu Unwoti litemi na ɔ́ta únye nwuna ɔda bubo lɛlɔ, ɔsu ɔlɛka bekulo ukyuli ɔmmɔ udu bedie nwuna bekyuli akɔ kede kede na anwu ɔlati ɔdubuti nwuna likpidi etila.’ ”

Batalane Kabla 13:41

Ɔsika Katɔti ɔ́su ɔnini, “ ‘Amii bani naaabu mina litemi ni, bɛnu kaduɛ! Ɔsika ndubo lɛla lɛdi bɔbla na bina uwi lɛni na si ina bínu ka baasu-ni muedi ni, biláƒɔ biladi.’ ”

Romaƒuɔ 8:7

Na ukyuli ɔni kasusu nsia ɔlɔna ala kani lɛlɔ ni, ɔdi ukisine ute Katɔti, ɔsika uládi Katɔti ɔda bubo lɛlɔ. Na sɔsɔ geen ni, ulakana-mu lɛlɔ bɔdi lɛnɔ kudii.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Tesalonikaƒuɔ 1 4:8

Anwuɔsu si bina akɔ ɔdi útadi ɔmɛni lɛlɔ ni, ɔɔɔdi bekyuli lɛlɔ na ɔ́ta únye. Mmomu Katɔti ɔni néti nwuna Kɔyu úte-mii lɛlɔ na ɔ́ta únye.

Hebriƒuɔ 8:9

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Ɔsika bátadi lɛla lɛni na línyimiku-ma lɛlɔ. Anwuɔsu línwini kama lɛ́kya-ma.

Samuel 1 12:15

Nsu si bɛ́ta bínye Unwoti ɔda bubo lɛlɔ na bíni ka bɛsiaku-nwu kama ni, ɔdubo-mii kɔtu bɔni aani kalɛ na ɔ́ni bina bati kukuuku kɔtu.