Lewiƒuɔ Ɔda Bubo 25:2 - Katɔti Ɔku Kedee

² “Kɔ lɛsa na asu Israelƒuɔ anini, ‘Si uwi ɔni bítéduo kalɔ kani lɛ́su ka méti méte-mii kemmo ni, ɔlɛka bɛya na kalɔ kammɔ kakɛ bɔnwuna uwi ɔdi ɔsiku bina katuma kudɔ na ɔkɛnku amii ɔsu na kalɔ kammɔ kete Unwoti ɔbu.

Lewiƒuɔ Ɔda Bubo 25:2 ပူးပေါင်းရင်းမြစ်များ

Ala Alɛdi 2 36:21

Na uwi ɔni na ɔgbankpi ɔmɛni úbo kalɔ kammɔ ƒui lɛlɔ na basɔ balátuma-ka ni, kalɔ kammɔ kákɛ kana bɔnwuna lɛkwa aani lɛnwunameyi kalɛ útédu akwa liti ku aavlanyɔ ani na Unwoti ɔ́sia nwuna kenye údie Yeremia lɛlɔ ɔ́su úse.

Kɔgya 115:16

Unwoti mɔɔdi lɛlɔ na katɔ kakaaka ƒui. Na úti kalɔ kammɔ ɔ́kya bayawine lɛlɔ bɔnu kalɔ.

Israelƒuɔ Bɔlɛ 23:10

“Biti akwa aku bɛtuma na bɛva bina edula, na bide bina lɛla biala na bɛ́va.

Yesaia 8:8

Na kadubɔgbala ala laa ketédu Yuda, na kabuala kavi na keyi kadanku-ma amɔ. Na kana avwi ani na úgyingya adubo bɔbɛbɛ bubi ƒula kalɔ kammɔ ƒui, O Imanuel!”

Yeremia 27:5

Na ami nédie kalɔ ku kana bekyuli ku bebuo bammɔ ƒui ɔkɛnku mina ɔyikun lɛlɔ. Na ami mɔɔtina ukyuli ɔni madi kalɔ kammɔ lɛlɔ.

Lewiƒuɔ Ɔda Bubo 14:34

“Si bítéduo Kanaan kalɔ kani lɛ́su líse ka mete-mii na biti binwini bina kadikɔ mmɔ kemmo na bɛ́nu ka lɛ́ya na butili kuyi kɔƒɔ ɔtɔ ɔdi kemmo ni,

Lewiƒuɔ Ɔda Bubo 23:32

Na limeyi lɛmmɔ lɛdi lɛnwunameyi lite-mii, anwuɔsu na ɔlɛka bikisi lɛlɔ. Na úti ɔ́si kɔbuli kɔmmɔ limeyi yaalenwidi useyi uwi úti útédu kadi kegye useyi uwi na ɔlɛka bɛdi Lɛnwunameyi lɛmmɔ.”

Lewiƒuɔ Ɔda Bubo 25:1

Amu na Unwoti ɔ́su Mose uwi ɔni bákya Sinai kɔbi lɛlɔ ɔnini,

Lewiƒuɔ Ɔda Bubo 25:3

Bɛkya bina edula kalɔ kammɔ kemmo akwa aku na bɛƒɛ-nya na bɛsala-nya na bidie adingyii ammɔ kemmo kaduɛ na akwa aku ammɔ kemmo.

Lɛkpa Ulu 32:49

“Teesie Abarim abi ani nkya Moab na Yeriko ɔƒɛnyi kakɛ. Na akɔ Nebo Kɔbi na atánu Kanaan kalɔ kani na líti muute Israelƒuɔ.

Lɛkpa Ulu 32:8

Uwi ɔni na Unwoti ɔni ntulo ƒui úti kalɔ úte kadi biala bekyuli na uwi ɔni na úle-ma ntɛ ni, ɔ́sia kalɔ kammɔ lɛmii úte bekyuli bammɔ na nwuna badi bumomo kenye na ama alati baƒuna bana unwoti ɔni na beti lɛlɔ bete na utaanu-ma lɛlɔ.

Lɛkpa Ulu 34:4

Amu na Unwoti ɔ́su Mose ɔnini, “Kalɔ kamɛni na líse kenye ka meti mete Abraham ku Isak ku Yakob ku bana bawɔ. Ɔƒɛni lɛ́ya-na éti ƒula anumi ánu kalɔ kammɔ. Nsu aaadubo mmɔ busie.”