Lewiƒuɔ Ɔda Bubo 25:19 - Katɔti Ɔku Kedee

¹⁹ Mmɔ na kalɔ kammɔ kadubɔdia-mii edula na bɛdi bimo na bilie mmɔ ƒaa ku atu bɔyɔ.

Lewiƒuɔ Ɔda Bubo 25:19 ပူးပေါင်းရင်းမြစ်များ

Baga 1 5:5

Anwuɔsu mɔɔyɔ́ ka lɛtu kakpakɔ lite mina Unwoti Katɔti. Lɛni na Unwoti ɔ́su mina ɔti Dawid ɔnini, ‘Ƒula ubidi ɔni ndubulie-ɔ keliekɔ na ƒula liboku lɛlɔ ni, anwu ndubo mina kakpakɔ bɔtu.’

Kɔgya 67:6

Na kalɔ kete kuƒi na bekyuli báƒɛ edula geen. Unwoti ɔni ndi bula Katɔti ndubute-bu kusɛ kusɛ lɛni.

Kɔgya 85:12

Sɔsɔ na ɔdi ka Katɔti ɔdubute-bu ala abuni na ɔya na kalɔ kammɔ kadia edula pii kete-bu.

Agba 1:33

Nsu bani ƒui muunú-mi litemi ni, badubulie ngba na atu bɔyɔ kemmo, na lɛla lɛdi lilékpoku-ma na balayia ka ukpidi ɔdi walɛku-ma lɛnɔ.”

Yesaia 1:19

Ɔƒɛni si bɛdubunu-mi litemi na binu kalɔ na libunku-mii ni, bɛdubɔkɛ ala pii bɛdi.

Yesaia 30:23

Na ɔdubɔya na ɔnantu ɔna uwi ɔbuni lɛlɔ na bina edula ani na bɛ́va adia na emomo geen. Na bina bebuo lɛnɔ bakɛ kadikɔ kabuni na kalɔ ƒiaa lɛlɔ.

Esekiel 36:30

Bina adingyii adubɔnwu ebi pii na bina edula ani na bɛ́kya lɛnɔ adia geen, na kɔƒa kɔsɔ kɔɔɔdubo-mii bukpo kudii ka biiibo adila ani bɛdi ɔsu.

Yoel 2:24

Na kamu ku anta adubɔƒɔ bina nkpa bɔni na biibó edula ebi teewi kaduɛ. Na bina akpambui adubuyi ku ntɛ ku nnɔ lɛnɔ.

Yoel 2:26

Na bɛdubɔkɛ bɛdi bimo na udu-mii ɔkwɛ na bɛdubumwi ami bina Unwoti Katɔti ɔni nábla akɔla ala amɛni udu úte-mii. Na bɛdubɔti ka ami nlieku-mii, na ndi bina Unwoti Katɔti. Ɔbambadi ɔsɔ uuubo! Na kɔƒa kɔsɔ kulékpo amii mina kadi bekyuli kudii.

Lewiƒuɔ Ɔda Bubo 25:18

“ ‘Bɛsia mina ɔda bubo anu na bɛnu ka bɛ́di-mu lɛlɔ kaduɛ na keyi kadubɔyɔku-mii na kalɔ kani lɛlɔ bísela bítélie mmɔ lɛlɔ.

Lewiƒuɔ Ɔda Bubo 25:20

Na ngyi ka bɛdubo lɛlɔ buye bɛnii, “Bi adila na bɔdubo bɔdi lɛkwa maatɛdi lɛlɔ si bútava edula adi na bútaƒɛ adi lɛnɔ?”

Lewiƒuɔ Ɔda Bubo 26:4

ndubɔya na ɔnantu utaana nwuna uwi lɛlɔ na edula ataadia, na bina egyiibi lɛnɔ ataanwu ebi teete-mii kaduɛ.

Lewiƒuɔ Ɔda Bubo 26:5

Na bɛdubunye edula lidu lidu bɔƒɛ lɛlɔ ku adingyii ebi bude lɛlɔ utédu ala awɔdi bɔva uwi. Na bɛdubɔdi lɛla biala na bɛɛyɔ́ na keyi kayɔku-mii na bina kalɔ kani lɛlɔ bísela bitélie mmɔ lɛlɔ.

Lewiƒuɔ Ɔda Bubo 26:6

“ ‘Ndubɔya na bɛkɛ atu bɔyɔ na kalɔ kammɔ kemmo na bɛtɛ bɛlɛɛ ƒaa na ɔdi ulakya-mii liƒu lɛdi. Na ndubɔbɔku bebuo bekpidi lɛlɛku kalɔ kammɔ lɛlɔ. Na kewii kadi kelékpoku-mii na kalɔ kammɔ kemmo.

Lɛkpa Ulu 12:10

Na si bɛ́via Yordan Ketu bɛ́wɔlɔ ni, bina Unwoti ɔdubuti kalɔ kammɔ ute-mii na bɛsɔ bilie mmɔ. Na ɔdubo bunye butile bina bekisine ulu na bɛdubulie mmɔ ku atu bɔyɔ.