Lewiƒuɔ Ɔda Bubo 25:17 - Katɔti Ɔku Kedee

¹⁷ Na ɔdi utanya ɔkpanadi utamana ka ɔkɛ ɔkpanadi lɛlɔ kɔsia kɔni nátamanku. Mmomu biti ɔbu ku bɔyia geen bite Katɔti. Ami ndi bina Unwoti Katɔti.

Lewiƒuɔ Ɔda Bubo 25:17 ပူးပေါင်းရင်းမြစ်များ

Ala Kalɔ Buse 20:11

Mmɔ na Abraham údie kenye ɔnini, “Na mina bɔnu kemmo ni, lɛ́su nnii, ‘Kadi kamɛni bekyuli balayia Katɔti, na ɔƒɛni kalɛ badubo-mi bɔdu na mina uleku ɔsu.’

Ala Kalɔ Buse 22:12

Mmɔ ni, ɔtu ɔmmɔ ɔ́su Abraham ɔnini, “Ƒula kɔnu kutetuku ɔnamu ɔmmɔ. Na tabla-nwu lɛla lɛdi lɛnɔ. Ɔƒɛni na lɛ́nu lɛ́ti ka aayia Katɔti sɔsɔ. Ɔsika éteni ka eti ƒ'ubidi ɔni ndi ubi unwi pɛ ɔni na ebo ete-nwu.”

Ala Kalɔ Buse 42:18

Na limeyi lɛtɛdi lɛlɔ ni, Yoseƒ úbasu nwuna banwani bammɔ ɔnini, “Si bɛɛyɔ́ ka bɛkɛ ngba bɔdi ni, amu bɛbla lɛla lɛni na ndubo-mii bɔsu mɛni, ɔsika ami ɔlati ni, ndi ukyuli ɔni mɔɔbu Unwoti Katɔti geen.

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Nehemia 5:9

Amu na lísie anumi na lɛ́su-ma nnini, “Lɛla lɛni na bɛɛbla mmɔ lɛɛɛdia munu munu! Na dɛ ɔsu na útalɛka bɛbla ala na Katɔti ulu lɛlɔ, kalɛ na Unwoti ulanyonu-bu ulakya bula bekisine bani naaadi Yudaƒuɔ enu kemmo?

Kɔgya 19:9

Ɔdia ka bekyuli beti ɔbu bete Unwoti na badubo butaabla lɛni uwi ndi uwi. Na kalɛ na Unwoti ɔɔtɛ etemila ni, use siin.

Israelƒuɔ Bɔlɛ 20:20

Amu na Mose ɔ́su bekyuli bammɔ ɔnini, “Liƒu litada-mii. Bubo kani na Unwoti úbo ubakɔku-mii ɔnu kalɛ na bitaadi nwuna ɔda bubo lɛlɔ na bilabla likpidi lɛdi.”

Agba 1:7

Unwoti bɔyia ndi ukyuli lɛlati kalɔ kesekɔ. Nsu badɔlɔdi beení lɛnunda etemila ku kalɛ na badi lɛlɔ lɛlɔ kaduɛ.

Agba 14:31

Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 22:22

Tasia ulu ɔdi lɛlɔ na eyu bawabane anii kɔwaba kɔda-ma ɔsu. Na tasia ulu ukpidi ɔdi lɛlɔ na akɛ bekyuli bani mɔɔyaki lɛla lɛdi lɛlɔ kɔsia na litemi katɛkɔ.

Yesaia 3:14

Ɔdubɔtɛku nwuna kadi benengu ku batɔnkune litemi ɔnini, “Amii nébile Yerusalem ɔni nse aani mina adingyii ebi kemo. Na bíyile bina kɔduli ku ala ani na bíƒie bɛ́ƒɔ bawabane kudɔ.”

Yeremia 22:16

Na lɛla lɛni mɔɔtina geen ka ukyuli ɔgyi-mi na lɛdi mmɔ. Ɔmmɔ ɔsu na úlie ngba ku atu bɔyɔ na ubo ala na édu-nwu na ɔdi na ɔni lɛnɔ uwi biala.

Lewiƒuɔ Ɔda Bubo 19:13

“ ‘Ɔdi utanya nwuna ɔkpana utakya iye uyu-nwu na ulu ɔdi lɛlɔ. “ ‘Teni ƒula kabla ɔblane nwuna kayu bɔƒɔ na kadi kegye kasia egulabi ammɔ lɛlɔ.

Lewiƒuɔ Ɔda Bubo 19:14

“ ‘Ɔdi utewida ɔmumu iye eti lɛla lɛdi etile ɔnumbwɛne ulu mmomu bɛyia bina Katɔti. Ami ndi Unwoti.

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Lewiƒuɔ Ɔda Bubo 25:14

“ ‘Si ɔdi úti nwuna kalɔ úye iye úye kalɔ kadi ɔ́siku ɔkpanadi kudɔ ni, bitanya lɛlɔ bitakya bɛnii bɛɛsia ɔkpanadi lɛlɔ bɛkɛ kɔsia.

Lewiƒuɔ Ɔda Bubo 25:36

Na si éte-nwu kebunku kadi ni, taƒɔ kuvonsia kɔdi tasiku-nwu kudɔ. Mmomu ti bɔyia te Katɔti na ƒula Israelni kpana ɔdubɔkana ulieku-mii.

Lewiƒuɔ Ɔda Bubo 25:43

Na ɔdi utasia ulikplu ulu lɛlɔ utadi-ma lɛlɔ, mmomu biti bɔyia bite bina Katɔti.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Batalane Kabla 10:2

Ɔdi ukyuli ɔbuni, na anwu ku nwuna kaduli bekyuli ƒui beeti ɔbu teete Katɔti. Ukyuli ɔmɛni úteete bekyuli ala ku nwuna kayi ƒui, na ɔɔyɔ́ katɔ bɔkpali lɛnɔ.

Batalane Kabla 10:35

Mmomu kalɔ biala lɛlɔ ukyuli ɔni muuboku lɛlɔ kalɔ teete-nwu na ɔɔbla nwuna lɛyɔla ni, anwu na ɔɔƒɔ́.

Batalane Kabla 9:31

Ɔmɛni ɔsu ni, baƒɔtaadine bani nkya Yudea ku Galilea ku Samaria kalɔ lɛlɔ ni, bákɛ bɔnwuna na basɔ balayia. Bákɛ kayi buse ku ɔkplu bɔkya ɔkɛnku Katɔti Kɔyu ɔyikun lɛlɔ. Na bémomo bébu na béteeti ɔbu teete Blɔti.

Romaƒuɔ 11:20

Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Romaƒuɔ 3:18

Na bana ɔbladu ulátina ka baayia Katɔti.”

Lɛkpa Ulu 25:18

Bátina ka beeebo Katɔti bɔyia biala na bana kemmo. Anwuɔsu ka bánu báti ka lɛlɔ líitu-mii na bina ulu busie kemmo ɔsu ni, báta na békpoku-mii na bádu bani nábla kpɛtɛ kpɛtɛ.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Samuel 1 12:24

Nsu bɛsia anu na bitaayia Unwoti, na bɛsiaku-nwu kama siin, na bitaadi nwuna litemi lɛlɔ ku bina kayi ƒui. Na biteenyimo ala ebendi ani na ɔ́ɔbla úte-mi.