Lewiƒuɔ Ɔda Bubo 24:22 - Katɔti Ɔku Kedee

²² “ ‘Na ɔda bubo bɔmɛni buse bute Israelƒuɔ ƒui ku baƒɔ bani nkya-mii akɔ. Ami ndi bina Unwoti Katɔti.’ ”

Lewiƒuɔ Ɔda Bubo 24:22 ပူးပေါင်းရင်းမြစ်များ

Israelƒuɔ Bɔlɛ 12:49

Na ɔda bubo bɔmɛni buse bute Israelni biala ku bani naaadi Israelƒuɔ na bákya-mii akɔ.”

Lewiƒuɔ Ɔda Bubo 17:10

“ ‘Ɔƒɛni lɛnɔ ukyuli biala na ɔ́si Israel kaba kemmo iye ɔƒɔ ɔni nli-mii akɔ na ɔdi ɔ́di ubugya ni, ndubuti mina lɛnimi lɛlɛ ukyuli ɔmmɔ lɛlɔ na lɛda-nwu lidie mina bekyuli akɔ.

Lewiƒuɔ Ɔda Bubo 19:34

“ ‘Ɔƒɔ ɔni nkya-a kudɔ ni, nu-nwu aani ƒula lɛlɔ ukyuli kani na ayɔ-nwu aani ƒula lɛlɔ kalɛ, ɔsika amii lɛnɔ bɛ́bla baƒɔ na Egyipte kalɔ dii. Ami ndi Unwoti bina Katɔti.

Lewiƒuɔ Ɔda Bubo 24:23

Mmɔ na Mose ɔ́su Israelƒuɔ na beti ɔnana ɔni nátɛmi enyekpi na bétébo-nwu atabi bádu. Na Israelƒuɔ bábla básia aani kalɛ kani na Unwoti úbo-ma ɔda.

Bumomo Bɔka 15:29

Na ɔda bubo bɔmɛni buse bute ukyuli biala maƒiɔ ɔni na útati útese asa na ɔ́bla likpidi lɛdi, amii ɔmantɛ bebi ku baƒɔ bani nkya-mii akɔ ƒui.

Bumomo Bɔka 9:14

“ ‘Ɔƒɛni si ɔƒɔ ɔdi ɔkya-mii akɔ na ɔɔyɔ́ ka ɔdi Kukpi Lili Bɔvia Limeyi lɛmmɔ ni, ɔkana na ɔdi-ni ƒaa, nsu ɔlɛka ɔdi bunyimi bɔmmɔ ƒui lɛlɔ kalɛ kani na básu. Na bunyimi bɔmmɔ ɔlɛka bɔdi bunwi pɛ bute ɔmantɛ ubi ku baƒɔ ƒui.’ ”

Lɛkpa Ulu 1:16

Uwi ɔmmɔ kemmo ni, líbo-ma ɔda ka litemi biala na ɔdi weti weboku na badi Israelƒuɔ banwa lɛti lɛti iye Israelni ku ɔƒɔ ntɛ na ɔƒɔ ɔmmɔ ɔkya-mii akɔ ni, batɛ-ni ulu lɛlɔ.